مجموعة قصائد للعمالقة

[عمر]

للعملاق المنبري موسى زغيب

موعود فيها صار إلي مدي .............. ولما تلاقت يدها بيدي
قلت بدي شكلك بالورد .................. آلت أنا بالعكس ما بدي

فرشتلها ريش النعام تخوت .............. وبودرتها بهبة نسيم الليل
وجبتلها حبة من الياقوت ................ كانت بمحبس عشتروت جبيل
وألتلها يا حاضري وغدي ............... عفوك هدايا الحب لا تردي
غطت زنود العاج بالديباج ............... وآلت إذا بتريد ما بدي

سحبت من عمر الزمن خيطان ............. لونهن بلون شفافها الحمرا
وطرزت فيهن قبة الفستان ................. تحترق من تلجة الجمرا
وقلت لبسيهن والشمس حدي .............. فزعان تكوي الشمس لمندي
آلت ما فيها الشمس تكوي شمس ............ وعن إذنك فساتين ما بدي

وليلة شربت السحر وتغيرت .............. ودخلت غرفتها ورا الأحلام
وقربت صوب الفراش وصرت ............ رش الغفى بعيونها تا تنام
ونامت وحلمت حالها حدي ................ وصارت تطبع جمر عا خدي
وشو خفت يفلت من عيونها الحلم ........... وتوعى الصبح وتقول ما بدي

ولما عرفت ما في أمل يحلى ............... عنقودها فتشت عا أحلى
ولم عرفت العصفورمنها طار ............. من غير وعي من عيونها الكحلى
من القهر نزلت دمعة الياريت ............... تكوي الزرار بعروة المريول
وصارت بعد ما تركتها وفليت .............. تركض ورايي حافية وتقول
دخلك غمرني وشدني بدي ................ إغفى وأعمل زندك مخدي
إلتلها سبحان الله كيف ..................... لم صار بدك ما بقا بدي

[عمر]

لعشاق خليل روكز

أجوى

مرة وأنا ماشي رحت إسهر .................. بأوتيل متل شوادر العسكر

وكل واحد كاستو بإيدو ......................... بلش يعربد أبل ما يسكر

ومن بعد ما تأملت هالناس ...................... قلت لازم بنج الإحساس

وطلبت أنينة نبيد وكاس .......................... وصارت بعيني هالدني تصغر

ومن دون سابق أخد ومواعيد ................... شلحت نظرة بالصبا من بعيد

وقشعت عبدة وحدها وبتريد .................. تسكر وحق الخمر ما توفر

تثآبو عينوني بعينيها ............................... وعرفت ما في مال بيديها

ومين غيري بيعطف عليها ........................ معتر بيجبر خاطر معتر

وطلبت إلها الخمر عالإيمان ..................... مش تاترد الشكر عالإحسان

كرمال أرزة وروكز ولبنان ...................... وكرمال عين المجرم الأكبر

وعاذكر حبي كاستي قفيت ......................... وتركت أجوى بحالها وفليت

ونمت وصرت بالحلم شوف البيت ................ ومن حبة مليح جمعت بيدر

وتاني عشية متل أول يوم ..................... نزلت إسهر وفتش على النوم

نومي أنا حلم وعتاب ولوم ........................ عا ألي رحت إنساه بالمهجر

وقعدت وحدي دوب عا مهلي ..................... وأصفن وأشرد عا وطن أهلي

إلا وصبي أسود بيندهلي ........................... دويوليك درنك يا مستر

درنك يعني شو بتشرب آل .......................... ومن أبل ما جاوب غمزني ومال

صوب أجوى لخشخشت بالمال ..................... وطل الصبح من لونها الأسمر

وعرفت أجوى بس أجوى منين .................... جابت مصاري تاترد الدين

وتعرم أنا وتشوفني بعينين .......................... كرمال كاسة خمر مش أكتر

ومن وين جابت حق أنينة ............................ هالأمر كلو ما بيعنيني

ضيفتها وبتحب توفيني ................................ ومنها الوفا بتقدر تفرجيني

........................ لون النوايا معاكس المظهر ............................

يا شارد بغابتك وماسي ............................ جميلك لبستو تاج عا راسي

إفقري فلوس الأبيض الفاسي ..................... وعيشي بأشعاري وإحساسي

ومرمغي شفافك على كاسي ....................... بطلب إسكر من شفاف نبيد

............................ صرت بدي من الوفا إسكر ...................