22-07-05, 04:19 AM
هالقصيدة للشاعر موسى زغيب انا وقت قريتها عجبتني كتير و اسمها(أنا والسهر)من كتابه(أنا والسهر)و عنجد هالكتاب كتير حلو و أنا حطيت هالقصيدة بقسم الزجل لأنو الشاعر موسى زغيب مشهور بالزجل و القصيدة هي:
سهران
وحدي..والقلم حدّي
يغافل شرودي و يسرق الردة
والصبح
تا يفيّق مرج أخضر
قصقص تياب الليل تا تقصر
والليل بيفلّ..تا يندي
وحدي و شتي و ليل و صلا و شموع
سهران..بين القافية و الحرف
اكتب و امحي اسمها الموجوع
للمرة العشرين..بعد الألف
حسيّت صرلي شي سنة وأكتر
ما لقي خدّي عالمخدّة
وشمع العاضوّو..كنت عمبسهر
اصفر لونو من السهر قدّي
سألتو..نسي ما عاد يتذكر
ان كنّي أخدت خدّو
يما أخد خدّي
ووصلِت لعندي مرنخة من الطوف
الطوف..المِحي دعسات ماضيها
وبعينها..مَرقو السهر و الخوف
و دشّرو لون التعب فيها
وبلّش يقلّي عقدها المرمر
بتحب؟؟
قلت الحب من ربّي
قالت..الما بيحب ما بيسهر
وليلك سهر لا تجرّب تخبّي
قلت..شِعري ..و شَعرِك الأشقر
اختصرو الدني..و تملكو حبّي
بسهر عا بيت الشعر تا يشفا
وعا وعد شعرِك تايجي لحدّي
وبينك..وبين الشعر ما بغفا
بس القهرني..خلصت المدّة
ورح تهرب الأيام من يدّي
ولا قدرت حبّو
قد ما بدّو
و لا قدرت حبّك..
قد مابدّي
وكمان في قصيدة صغيرة بس حلوة كتير من نفس الكتاب و أسمها ملكة جمال و القصيدة هي:
الله بعد ما كوّن الحلوين..قال
لازملهن ملكة جمال..و راح شال
كمشة تلج..باقة ورد..دورة هلال
وجَبَلُن..وصبّك.لا حقيقة و لا خيال
ومن يومها..صرتي بعين العاشقِك
ملكه..بتسوي كل ملكات الجمال
هدول القصيدتين كتير حلوين و انشالله بيكونوا عجبوكون........................
سهران
وحدي..والقلم حدّي
يغافل شرودي و يسرق الردة
والصبح
تا يفيّق مرج أخضر
قصقص تياب الليل تا تقصر
والليل بيفلّ..تا يندي
وحدي و شتي و ليل و صلا و شموع
سهران..بين القافية و الحرف
اكتب و امحي اسمها الموجوع
للمرة العشرين..بعد الألف
حسيّت صرلي شي سنة وأكتر
ما لقي خدّي عالمخدّة
وشمع العاضوّو..كنت عمبسهر
اصفر لونو من السهر قدّي
سألتو..نسي ما عاد يتذكر
ان كنّي أخدت خدّو
يما أخد خدّي
ووصلِت لعندي مرنخة من الطوف
الطوف..المِحي دعسات ماضيها
وبعينها..مَرقو السهر و الخوف
و دشّرو لون التعب فيها
وبلّش يقلّي عقدها المرمر
بتحب؟؟
قلت الحب من ربّي
قالت..الما بيحب ما بيسهر
وليلك سهر لا تجرّب تخبّي
قلت..شِعري ..و شَعرِك الأشقر
اختصرو الدني..و تملكو حبّي
بسهر عا بيت الشعر تا يشفا
وعا وعد شعرِك تايجي لحدّي
وبينك..وبين الشعر ما بغفا
بس القهرني..خلصت المدّة
ورح تهرب الأيام من يدّي
ولا قدرت حبّو
قد ما بدّو
و لا قدرت حبّك..
قد مابدّي
وكمان في قصيدة صغيرة بس حلوة كتير من نفس الكتاب و أسمها ملكة جمال و القصيدة هي:
الله بعد ما كوّن الحلوين..قال
لازملهن ملكة جمال..و راح شال
كمشة تلج..باقة ورد..دورة هلال
وجَبَلُن..وصبّك.لا حقيقة و لا خيال
ومن يومها..صرتي بعين العاشقِك
ملكه..بتسوي كل ملكات الجمال
هدول القصيدتين كتير حلوين و انشالله بيكونوا عجبوكون........................
اي و الله هلق نحنا كلنا بالسعودية 