|
عركة زجلية بين عمر وشادي
|
03-08-05, 12:45 AM
يلا يا أفكار المعنى تحضّرو ....................... وغوصو ببحر الشعر والعمق عبرو
ويلا يا شادي هات سيفك واشهرو ................. قدام يلي بيكسرو و ما بيجبرو نكنك مأدب بالشعر منكرمك ........................ ون كنت عاصي راس فنك بكسرو
03-08-05, 10:28 AM
يامهر فكري رف جنحيك اعتلي .................... ويا أرض من رفة جناحو تزلزلي
قبالك انت ... وقبال هجمة مخلخلة ................ مش محرزة اشهر سيوف المرجلة مأدب أنا لكن بهيك منازلة ......................... كل الأدب حدك بيصبح بهدلة وعاصي براس فنون شعري قنبلة ........ ......... لاتكسرو بيخلق جحيم وبلبلة وبدال كسر الروس إكسر ميجنا .................. أفضل إلك ماتحرقك نار البلة
03-08-05, 07:25 PM
هلاااااااااا شادي بيك
مسكين شادي اليوم عا حالو جنا .............. طايش مهستر عالفنا هلأ دنا
شعري جبل ما تعرّف على المنحنى ............ يلا نحني قبال لبعمرو ما نحنا والبهدلي لي نسبتها مِنك لنا ..................... فيها إنت بهدلت حالك عننا بكسر معنى مع عتابا وميجنا ................... ما زال عندي فكر بالعلم اعتنى وعاصي براسك قنبلي فيها جنا ................... هيدي قنابل جهل ما بتهمنا نار الجهل مهما تكون مبولدة ..................... بتحرق صحابها وما بتلمسني أنا
04-08-05, 09:00 AM
بهدلت حالي ... جنيت عافني أكيد ........... لما وزنت أحجارك بـ درّي النضيد
وبحني قبالك بالقلب غصة ونهيد .......... حنية أبوك علا تخت طفلو الوحيد وأيا علم عم تدعي وشعرك زهيد؟ ......... كسرت المعنّى وخاطر بيوت القصيد ووصفك النار بجهل عن هالوصف حيد ...... نار الشمس تبعت الطاقة من بعيد ونار الـ حفرتلك وصايا ونار عيد .......... نار العشيق الناطر بنار الوعيد والشعر جوا الفكر لوه خزنة ورصيد ......... متل الدهب بالنار يتحول نشيد ونار الـ وهجت شعر فكر صحابها .......... مأكدة مابتلمس الفكرو جليد..
05-08-05, 03:00 PM
بهدلت حالك يا حلو شو هالفكار ............... حجار الكريمه حجارنا غير الحجار يا بيي قاصر فيك ضاع الإعتبار ............ عقلك الظاهر ركب جناحو وطار بيي العلم بيي العقل بيي الوقار ............. ما بيعرفوني ال مثل افضالك صغار وبالنار لو حبيت نبدا هالحوار .............. خلي الشمس نارها بعيدي بالمدار الله الملايك خلق من نور بقرار ............. وعطاهم الجنات من داير مدار لكن بليس ال عاإرادة رب جار .............. من نار الله خالقو في اختصار وما بين نور ونار جايي الإختبار ............... رح بسألك عاشرط جاوب يا كنار من بين مخلوقات ألله كلها ............. ليش وحدو بليس خلقو كان نار
06-08-05, 10:30 AM
حلووووو عمر...
مزبوط عقلي طار وافكارو عِلو ---------- معاكس عقول بمستواها بينزلو وصغرتني ... المرء بصغارو بفضّلو --------- لسانو الفصيح و طهر قلبو الحاملو وقلتلك الأفكار بالعقل انتلو ---------- متل الدهب بالنار لازم تصقلو عملتك جليد افكارك بـ جمدة ابتلو ------- وينو جوابك ضاع؟ عود وسجّلو وكيف صرت هلأ نور ياشب الحلو؟ -------وتنكر الشمس بهالحكي المابقبلو ! مـ الشمس نار ..النور عمّا بتغزلو ------- جبلي شي نور بدون نار تكمّلو والله خلق نارين حكم وفصّلو -------- المطهر الفيها المؤمنين بيدخلو وليش تاخلق ابليس نار وشعلو ------- رح جاوبك حتى سؤالك عللو تيكون شعلة لنار الله التانية -------- المتلك انت وابليس فيها بيختلو
07-08-05, 02:53 PM
هلا بالشباب
ما زال عقلك طار بالأعلى غفي ............... لا تقربو على فكار عقلي المرهفي
وصغرك إنت صغر العقل والمعرفي ........... ما بيقرب كبير العقل والفلسفة وعا جليد راسي بجاوبك بالعطافي ............... راسي أنا مجلّد بفكرة مثقفي وهلأ بجبلك نور عالدني لفي ...................... من غير نار تكون فيه ملفلفي اللمبات في بيتك بنور مكثفي ....................... المنبع لها هالكهرباء المترفي والكهربا من مي حلوة مشففي ...................... والمي هيي جليد بس مجففي وجهنم الأولى كتير ملهّفي ......................... عالنار يلي متلها تاتشتفي إبليس نار وإنت ناربهالحوار ...................... بتشعّلوها بس فيي بتنطفي
09-08-05, 08:54 AM
صغّرت عقلي وصرت انت تهتني ------ لما قبلت حدك شموخي ينحني
والكهربا من المي ..قلت مأمنة ------ والمي منك ياجليد مكونة لوما حرارة شمسنا عم تعتني ------- وتدوبك بقيِت مياهك ساكنة وتالبحر يتبخر لغيمة مخزَنة -------- وتعصر دموع وينسقي الكون الهني مانامت مياهك بأرض الباطنة ------ ولانبع زمزم غسَل ذنوب الدنة ولامشيِت نهور بودايا موطني ------- ولاشفت فيها قرنفلة ولاسوسنة يعني حرارة شمسنا ان غابت سنة ----- أرضك بترجع متل ماضي الأزمنة كوكب مجمَد متل راس حكايتك ------ بتشوف كل شي روح بجليدك فِني
11-08-05, 08:34 PM
كفي تا نشوف ,, وآسف عالتأخير
حاني شموخك قلت شو هالتضحيات ............... اخجل بقا حاجة غرور وولدنات
وعقلي أنا مجمد عا فعل المكرمات .............. وعقلك إنت دايب عا حر السيئات ويا ناكر الميات عا عقلك ثبات ...................... وفكر بواقع مجتمع مش أمنيات لما بصحرا كان اسماعيل بات .................... لأجلو نفجر زمزم وصارو المعجزات ولما الحرارة تزيد بتشوف النبات .................... دبلان بدو مي تعطي معطيات ولما ازداد الحر ياما ناس مات ....................... طقو لنقطة مي يا إبن الزوات ومش بس وحدي كل يلي بيفهمو ........................ قالو بدون المي ما إلنا حياة
19-08-05, 04:52 PM
بعتذر على التأخير.....سامحوني
قلنا حياة المي من غيم وبخار ................. لما الشمس بعتت حرارة عل بحار يعني الأساس النار ..م فهمت الـ سرار .......... ضيّع عمر عا مسرحوا نزلوا الستار بأيا مكارم عم تصيح بهالجوار؟ ....... هي نارنا لأهل الكرم صارت شِعار تركني بـ حرها شمع دايب بالمزار ........ وبخور فني احرقوا وينزف شعار واسأل ال رشّو المي عا حقل البدار ........... بدهن حرارة نار تايصيرو شجار وعن سيرة اسماعيل رح خبرك خبار ........... نار العلي أكلت الكبش وهيك صار وهلأ عتاريخ البشر نفّض غبار ............ قبل اكتشاف النار شو كان المسار؟ كانت مياهك واجدة .. والجهل عار ........ والعقل أعمى ... ليل مستني النهار وهلأ ت ننهي هالقضية بإختصار ......... بسأل ن ماجاوبت لاتكفي الحوار بالمي قبل النار كيف كانو البشر .......... وكيف صار حالن بعد ماعرفوا النار؟
20-08-05, 05:28 PM
طلب من المشرفين..
ياجماعة بعتذر عندي غلطة بالردة بتمنى حذفها لأنو في بيت بدو إعادة صياغة ....عم فكر بشي وكتبت شي .. وهاد بسبب انشغالي وعدم صفاء ذهني... بعتذر من الكل ومنك عمر خاصة...
21-08-05, 11:24 PM
هلا شادي
رح جاوبك عا شو ما بدك يا أخير .................. من حيث إني الأول وأمري يسير
إن ما كان عنا نهور أو بحر وغدير ................ من وين شمسك مي بدها تستعير يعني الشمس للمي تكسي مع شوفير ................ من الأرض حتى الغيم فيها عم تسير ومن بعدها بتجيبها لزرع الخضير ................... أعمالها متل العبد عند الأمير وعا سيرة الزرع لي فايح بالعبير .................. أحيان بتكنلو الشمس داء وخطير وعا زكر نار العلي تذكر يا صغير ................... من كف النبي لما طلع نبع وغزير وعا هالسؤال لطارحو .. عقلي منير ................ هلق بجاوب كيف كنا ورح نصير شو دخل الميات بالجهل الضرير .................... عا هالحكي ضحكت كل واعي وخبير ومزبوط إنو النار من ماضي عسير ................ نقلت الإنسان عا تاني مصير بس البشر عاشو بلاها عالحصير ................... وكانت الميي واجدة بشكل الوفير من كل تاريخ البشر جبلي بشر ...................... عاشو بدون المي ... ,, إن كنك قدير
24-08-05, 04:35 PM
حلو كتير يا عمر ويا شادي ...
بس أخي شادي شو الغلطة اللي عندك ؟؟؟؟انا ما شفتها يعني تبع نزلو الستار ..((سكون بدال الشدة ))؟؟؟؟ قلي شو صلحلك وأنا جاهز
13-09-05, 04:44 AM
اعتذار...
أول شي أخي شفيق مشي الحال مرقت.... :p وتاني شي باسمي وباسم اخي عمر منعتذر عن توقيف المحاورة فترة قصيرة حتى انتهاء المباراة بين جوقتنا جوقة الشام وجوقة الوطن.... وانشالله منرجع منكفي خلال فترة قصيرة ... مو هيك عمور؟؟ |
|
« الأقدم التالي | الأحدث التالي »
|
