::أجمل جولات القرادي بتاريخ الزجل::

[شفيق]

قرادي حفلة البابلية

حوار القرادي بمباراة البابلية ,,,,,, زغلول الدامور زين شعيب طليع حمدان خليل شحرور


شحرور ::

بالميريلاند على طول ******كنا نجرح ونداوي

انشالله ما يكون الزغلول*****بعدو بيحكي فرنساوي



بسنة العشرين الرجال******فرنساوي تعلم عا طول

وبعدو عا ذات الموال *****لا بيحول ولا بيزول

الليلة بجنوب الأبطال *******جايي وبدي للزغلول

جبلو حطة وجبلو عقال*******وقلو يحكي قبلاوي


الزغلول::

فرنساوي بحكي وبغار*****عا لغتنا القومية

وعندي عقال من الأشعار****وبتشرف بالكفية

وبالميريلاند الأنصار *****حبوني وشهدو فيي

واليوم قصدتك عالدار*****احكي قبلاوي وخليك

********مخرسن قاعد بالزاوي*******


شحرور ::

ان صرت حنوبي مش زعلان******ولو أغلى جنوبي بتنعد

لاكن خايف من لبنان ************تسافر وعليي ترتد

في باشا بالأردن كان ***********يحكي بداوي عن جد

ولما سافر من عمان ************بطل يحكي بداوي




يتبع ,,,

[شادي75]

ياخي والله هالشحرور قصة... :p

شكرا شفيق واتحفنا كمان..

[شفيق]

[size=5]الزغلول::


الله خالقني فنان ,,,,,,,,,,,,,,,,,وبحالي مني مغشوش

بحكي بغني بألف لسان,,,,,,,,ومش عا شبر مويي بفوش

ولو عطيوني الأميركان ,,,,,,,كل شي في بالدنيا عروش

ما بعطيهن من لبنان ,,,,,,,,,,,,من توتتنا جوز كبوش

ولا بنسى جراب الرعيان ,,,,,ولا الشروال ولا الطربوش

ولا هاك اللبادي الكان ,,,,,,,,,,,,,,,,جدي فيها متغاوي





الشحرور ,,

القصة مش قصة تجريب ,,,,,,,,,,,,,,,,,ولا بالمأكل والملبس

ولا من اللبادي البتجيب ,,,,,,,,,,,, من خيوط الشمس المحبس

تا جرح الأوطان يطيب ,,,,,,,,,,,,,,,,,,نحنا وأنتو بالمغطس

شبعنا تهويد وتعريب ,,,,,,,,,,,,,,,,,,,,واللي تأمرك وتفرنس

الديب على نعجاتك جيب ,,,,,,,,,,,,,,,,وحط الواوي بالمكبس

لا بيتغير طبع الديب ,,,,,,,,,,,,,,,,,,,,ولا بيجلس ديل الواوي



الزغلول::

لبنان الكان كلو زهور ,,,,,,,,,,,,,,وعطر الزهر ببستانو

صفى لا زهور ولا عطور ,,,,,,,,,,,,ويا حينو يا ضيعانو

حتى الأعمى يشوف النور ,,,,,,,,,,,,ويحرس أرزة لبنانو

للكرم نرد الناطور ,,,,,,,,,,,,,,,,,ويضوي البيت بسكانو

نحنا للديب المغرور ,,,,,,,,,,,,,,,,,,نوينا نكلخلو سنانو

وأنت انشالله يا شحرور ,,,,,,,,,,,,,عا قتل الواوي ناوي؟؟؟؟



طليع ..


عالبوابي في سبعين ,,,,,,,,,,,,الزين وزغلول الجذاب

وينو يللي بيحضر وين ,,,,,,,,,,,يللي بيحضر يعني غاب

حاجي تقولو يخزي العين ,,,,,,,,,يا محمد عبد الوهاب

عنا غناني السيد زين ,,,,,,,,,,,,,,,متل السيد مكاوي


زين ::

احكي فرنساوي ولا تخاف ,,,,,,,,,,,,,,,يا زغلول بهداوي

وحمدان بيحكي بالقاف ,,,,,,,,,,,,, وما في قاف فرنساوي


يا بو شادي بغنانيك ,,,,,,,,,,,,عندك صوت بيحيي الموت

ميادة جايي تهنيك ,,,,,,,,,,,,,,,ومن فيروز بتربح صوت

بس بهالعركة يا شريك,,,,,,,,,,,,ما بيفيدك حسن الصوت

لا فيروز بتشفع فيك ,,,,,,,,,,,,,,,,,,,ولا ميادة الحناوي



طليع


حرف القاف بعسكرنا ,,,,,,,,,واسأل تاريخ الراوي

كرامة أدهم كسرنا ,,,,,,,,,,,,أكبر راس فرنساوي



ميادة الملياني كنوز ,,,,,,,,,,,,,,,بتسال عني مش عنك

لما بتغني بتموز ,,,,,,,,,,,,,,,,يا شباط بيضحك سنك

وفيروز بعقد الفيروز ,,,,,,,,,,,,,,,,,نغمتها أشعر منك

شعري وحنية فيروز ,,,,,,,,,,,,,,,,زرار وفاتو بعراوي


زين ::

يا فيروز بفيروزين ,,,,,,,,,,,,,,,,,,عراوي وزرار بفستان

جايي تتمرجل عا زين ,,,,,,,,,,,,بصوتك وبصوت النسوان

البعدو ناقص يخزي العين ,,,,,,,,,,,,الليلة نشوفك يا حمدان

الحمرة عشفافك رطلين ,,,,,,,,,,,,ومهضوم وخصرك لاوي


طيييييييييييييييييبببببببببببببببببببببببببب يا بوعلي ,,,,

طليع :::

اتركني متل المنتورة ,,,,,,,,,,,,,لاوي عالوردة الحمرة

الفوق خدودي معصورة ,,,,,,,,,,,تا حمرة شربت حمرة

ويا بو خلقة مشهورة ,,,,,,,,,,,,,,,,بحياتك يا بو سمرة

تصور وبعتلو صورة ,,,,,,,,,,,,لخيك سامي الصيداوي



زين ::::

سامي الصيداوي المعروف ,,,,,,,,,,,,مطرب غنا بيوت النصر

وزين شعيب ان هز دفوف ,,,,,,,,,,,,,,,بترقصلو ستات القصر

بدنا منك يا بن الشوف ,,,,,,,,,,,,,,,,,,تترقوص وتهز الخصر

عا نغمة جرجي وسوف ,,,,,,,,,,,,,,,,,,,وطبلة أحمد برجاوي[/size]

[شفيق]

قرادي الكرمنيك ,,,بين ((السيد محمد مصطفى وأحمد السيد ))

وهي حفلة الكرمنيك ...بين السيد محمد مصطفى وأحمد السيد



أحمد:::


عرش المنبر مش وادي ................وبالتصفايي بينادي

ما بدو سياد تنين ......................السيد أحمد بزيادي


مش بس عيون الشعار ,,,,,,,,,,,,,,,,,بشبعها وبجوعها

نجمات براج الأنوار ................بسلك فنوني مطوعها

ويا سيد من هالمضمار ,,,,,,,,,,,,,,سيادة اسمك ودعها

جايي بميدان الأشعار ,,,,,,,,,,,,,,,سيادة تشطب عسيادي



السيد ::

المنبر قيمة مش عاطيك .................عندو سيد بزيادي

بسمحلك ما بعارض فيك ...............ان قبلو فيك الردادي
يتبع ,,,,

[بشار]

قرّادي حفلة الكويت بين شوقي شعبان واحمد شعيب

أحمد :
لو في شاعر يلقاني ...........ويروي روحي العطشاني
كنت بخلّي طيور الجو.........تسبّح الله بقصداني


جاييني شوقي وملهوف...........ومستهّون حرب الافكار
مين البيحب المعروف............يقلو لا يلعب بالنار
لو بيرجع شوقي المعروف........أول شاعر بالاقطار
قدامي بيوقف مكتوف.............وما بيقدر يتحداني


شوقي :
تحديتك يا شعيب وعيب...........فكار الجهل تحركها
وعا شكلك يا ابن شعيب...........ياما جبال مبركها
الداعي دارس علم الغيب .........وهالحفلة مش تاركها
تا ازرع بشعيب الشيب............ويبعتلي شعيب التاني


احمد:
يا مطهوج متل السكران.............ومع احمد عم تطلب زين
مأكد في نومك حلمان...............ومنك عارف حالك وين
لما ما بشوفك حيران...............ومتلي مطلوق الجنحين
بروح بناديلك جبران...............وبحضرلك طه حسين
والخط رسالة غفران...............والألّف مجمع بحرين
لو كنت بريشك قدران ..............تتخلص من ميداني

شوقي :
جبلي عالمسرح فرسان............وعمك زين وطه حسين
وشوقي الاول والمطران.........يشوفو قدر الشاعر وين
وخيال الحطّو جبران ...........بين الدنيا بالشطرين
واالخط رسالة غفران...........يغفرلك حدي ذنبين
الذنب الاول جرم لسان..........بيرمي التهمة عالميلين
والتاني شك الفزعان.............بقوّة شاعر لبناني


يتبع

[شفيق]

الله يا بشار,,,مني خود عين ...............جفن السهر عا وعيها ياما غفي

وحطها عا راء اسمك حرف عين.............تا تكبر "بشاعر"لأوطانو وفي


حبيبي بشار وشكرا على هالموضوع الحلو



شفيق

[عمر]

قرادي فقرا

حفلة فقرا جوقة القلعة وجوقة الزغلول

أبو علي
عواميد القلعة نمالو ........... تاالمايل يسند حالو
كل شاعر من هالشعار .......... بوقّف عامود قبالو


أبو علي :
نسور بواشق و زغاليل ................ نحنا وين وإنتو وين
كل جيل بيلعب مع جيل ................. ونحنا منلعب بالجيلين
ولما رماح السمر تميل ................. والزين بيطعن بالزين
لا تودولي سْميح خْليل ................... ودولي سميح وخالو


سميح خليل :

يا جايي بإسم الجيلين .............. تضرب كفك مع كفي
بزرع إدامك سيفين ............... وكفي نكن فيك تكفي
خالي معكن عالحالين ............... قبلي مكفي وموفي
وجايي إبن ختو يا زين ................ يهد المنبر عا رجالو

أبو علي :

يا جايي تضرب عن صيب ............... وإيدك عا منبرنا تمد
الطفل نحاكا رجال الشيب ................. لازم للألفين يعد
كرامة سيدك زين شعيب .................. حاجة تقد وحاجة تهد
قلو لخالك موسى زغيب ................... يقوم يضبضب أطفالو


سميح :

ضب سيوفك يا ختيار .................. عني وعن خالي بالزات
بيعرفني المنبر جبار ..................... خطفت الوهجة لبالحفلات
ووقت لي بعد الشعار................... بالعشرات وبالميات
بربي صغار بكعي كبار ..................... وزين شعيب وأمثالو


أبو علي :

ختيرت ومني زعلان ............... نشالله الدور بيوصل ليك
صنين وأرزة لبنان .................. وزين كبرنا وصرنا هيك
بتربي بتقتل فرسان .................. هالحكيات كبار عليك
هودي من نعيمي وجبران .............. بمسرح زين بينقالو

......
........
..........
.............. لا يتبع

[بشار]

يلا شفوق وين رحت لا تتأخر علينا

[بشار]

شو دمّك خفيف عمورة , قلتلّي لا يتبع , الله يعقلّك
عالحالين الله يعطيك العافية

[بشار]

زيد عا اسمي حروف ولا تخاف...........عمرو الوفي ما بينكر جميل الوفي
لكن أنا رح شيل من اسمك "القاف".........تا شوف جرح الوطن من اسمك "شفي"

[بشار]

أحمد :

يا أول بين الخرسان........مش بين العم بيغنّوا
ويا اول يوم بنيسان.........كذباتك طنوا ورنوا
نحنا منحب الاحسان........العاقل ما منفزع منو
ومنضل نداري الانسان.....اللي اعصابو تعباني


شوقي :
شاعر عالمنبر معروف......والوحي بعقلي رابي
في معهد تفكيري طوف......ولم الحرف من كتابي
ولما بغضب عالمكشوف......وبتتوتر أعصابي
بصير الخصم قبالي شوف.....مبيّن قد البوباني

أحمد :
يا شوقي عرفتك حساس.......وعالي بعيون التقدير
نازل راس وطالع راس.......انشالله بتعلّي وبتطير
عيونك ما بتشكي الافلاس.....ويلي شفت الخصم زغير
مش معقول يشوف الناس......يلي عيونو رمداني


تمت عركة القرادي وبالمستقبل بنزّل المعنى انشاء الله

[عمر]

يا أمور

لك آآآآآآآآآآخ منك يا بشورة يعني إنت لاحقني عالدعسة
طيب لا يتبع ... مو أحسن ما نزل كل شهر ردة وعلى قولت يتبع .. يتبع
هيك أحسن

[عمر]

نشكر الله أن تمت العركي

وشكراً إلك يا بشار

والله يطول بعمرنا نشوف المعنى

[شفيق]

السيد ::


بلاقي بودع كل بلاد ,,,,,,,,,,,,,,,بتعطيني عالمنبر شكر

وأحمد من صف السياد ...,,....نزعت الحمد وضاع الذكر

علمتك علمي ما فاد ,,,,,,,,,,,,,,ولا فتحت من دماغك سكر

ضليت مزنر بجناد ,,,,,,,,,,,,,,,,,,الشعر وبنت فنوني بكر

ولا خرجك علم الصياد ,,,,,,,,,,,,,,,,,ولانك متل الصيادي



أحمد :::

الردادي ملايكة النور ,,,,,,,,,,,,,,,,,,وقبلو فيي بشهادي

أحمد موسى فوق الطور ,,,,,,,,,,,,وناسيك بكعب الوادي



يتبع

[شفيق]

احمد::

من أصلي سيد خلقان,,,,,,,,,,,,,,,,وساعة ما حدك صفيت

نزلت من صفوف الإيمان ,,,,,,,,,,وأنزع من فضلك صفيت

وصفيت الجفت المليان ,,,,,,,,,,,وساعة ما حسابي صفيت

لا بتحرز عير نيشان ,,,,,,,,,,,,,,,,,ولا بتطلعلي زوادي


السيد ::

مصيبتنا عملو شعار,,,,,,,,,,,,الكانو بصف الردادي

حلو شقلي عن هالكار ,,,,,,,,,,,,الفن تبهدل بزيادي


بدك زوادة قصدير ,,,,,,,,,,,,,,,,,,,,,عنك جوهرنا مخبا

رن نحاسك جوا البير ,,,,,,,,,,,,,,,,البير على صوتك لبا

صليتلك فخي بكير ,,,,,,,,,,,,,,,,,,,,مسكتك حتى تتربى

رجعت تردلي التصوير,,,,,,,,,,,,,,,على حالو وما تتقبا

زوادتنا رمح كبير ,,,,,,,,,,,,,,,,,ما زالو فيك ((معبا))

بتاكل كول الموني كتير ,,,,,,,,,,,,,,متل التين السوادي


اه يا سيد يا غميق ,,,,,

[شادي75]

شكرا شفيق....

انا عندي هي الحفلة الجزء الأول مو مفهوم شي.... يعني بقعد بركز حتى افهم شي كلمة ومابيزبط....
وياريت تكتبلنا الإفتتاحيات ....

[بشار]

عمّان 2003 طليع وموسى

طليع :

الليلة يا موسى بدي..........اسهر تالفجر يندّي
متل الفجر الزاح الليل.......الليلة بزيحك من حدي

يا موسى طلّع فيي...بتقشعني بعز فصولي
جدي الكلمة العطرية......وبيي الوردة المخجولة
وبالحفلات الشعرية......جدي وبيي قالولي
بيّك ازغر من بيي......وجدك ازغر من جدي


موسى :
الله يرحم جدي كان...ديك وطالع متلو ديك
وجدك من بييك زعلان.......لازم غير هيك يربيك
روّق هالليلة بعمان......ولا تجبر موسى يخليك
انت وجدك يا حمدان......تنامو عا فرد مخدي

طليع :
جدي كان يحب الكيف..... وعا فرد مخدي بالدار
نمنا تا نيمنا الضيف..... وورتني سيفين كبار
هودي لعنقك بالصيف..... جوز مخدات من النار
تحتك سيف وفوقك سيف..... وهدي نكان فيك تهدي

موسى:
مهما تجيب مواقد نار..... وتوقد غاياتك فيها
بمرق غيمة تشتي حجار..... برمدها وبطفيها
ونكانو زنودك اشجار.....وراسك صخرة مقسيّها
عندي لكل شجرة منشار......وعندي لكل صخرة مهدّي

طليع:
مقلعجي بتقص حجار.....وشعرك متل الحطابين
منشار بتنشر اشجار..... خرجك سوق النجارين
مهدي قدوم ومنشار..... جايب موسى يا حلوين
بلكي بدكن شي نجار...... منيح الجايب هالعدة

موسى:
العدة مش حمرة وجزدان..... فيها المرأة بتغويها
عدتنا قلام واوزان..... بتدبح دبح قوافيها
ولوما العدة يا حمدان..... يبردخكن موسى فيها
ضل على منابر لبنان .....دماغ الشعار مصدّي

طليع :
الشاعر نهر من التفكير .....شق الصخر بمياتو
بيرسم حالو بالتعبير..... بينحت حالو بنهداتو
والعاطيني دماغ كبير .....بردخني هوّي بذاتو
متلك عم بيودي كتير..... ومتلي مش عم بيودي

موسى :
ربك ودا خمسة كبار.....قبلي وعاود وداني
المتنبي وشوقي وبشار(أنا) ..... والاخطل والذبياني
وما شفتن هالخمسة كتار..... بدهن سادس حمداني
بلكي لو صارو الشعار..... ستة يكونو من قدي

[شفيق]

حلو كتير ,,,,,

طليع عبقري