شكرا يا شفيق ...الصديق وقت الضيق ...

[ثناء حيدر]

المشاركة الأصلية بواسطة شفيق

عم قول ليش البدر بالجوّ اختفا....................و الغيم لفّو لفّ والنور انطفا

والطّير دمعو طاف عا جناحو المهيض..........والشعر قال ::جروح يا عالم كفا

تاري العطت للشعر احلى تياب بيض..............صابها حادث عطا الكلمة جفا

وبغيابها هالمنتدى متل المريض....................وإلا بشفاها المنتدى ما بينشفا

الصديق الغالي شفيق

لْصديق وقت الضيق عن حق وحقيق ---- وغيرو لهيكي وقت عمرو ما بليق

شعرو بيشـــــــفي الألم أو بيفك ضيق ---- وحكيو دوا للجرح وحروفو رحيق

بتبقى كلمتو تشـــــــــــق للهفة طريق ---- وذوقو للي فايح عطر متلهف أنيق

ما اســــــتغربت هالشعر واللهفة معو ---- لما عرفت الحب جايي من شـــفيق


بكلّ الحبّ

ثناء البيطار - حيدر

[هادي]

ما احلى من شفيق الا كلماتك اللي احلى من الرحيق

والحمد لله على السلامة

اديبتنا وشاعرتنا الغالية ثناء حيدر

والف مبروك النا رجعتك عالمنتدى

[شفيق]

يا ثناء الشعر بغيابك..............راكض حفا يطرق على بابك

ويقول شو هالحادث الغدّار...........يللي غدر في قلب أحبابك



سمعتو..وقلت (يا شعر لا تنهار......ليش دمعك مدمعك شابك؟؟؟

بكرا بيرجع شعرها الجبّار........ويصرح يا كلمة شرّعي كتابك



رجعتيلنا للفكر للأشعار..............والحادث اللي رمّش هدابك

ريتو انمحا ومن الأصل ما صار.......يمّا قبل ما ينمحي يا ريت

......................صاب روحي بدل ما صابك................