شاعر التجديد أبو علي حسن بنّوت

[شفيق]

الزغلول لما غاب زين ..الكان زين............نادى حسن بنوت شاعرنا العلي

وقلو تعا يا بو علي بمحل زين................تا بوعلي يوقف بمطرح بو علي

بشعر الغزل والمرجلي رجحت عين.........يا بو علي اللي أنت عالشعرا ولي

ما زال الله واهبك سحر التنين.................وبمعجزة شعرك بتقدر بالزجل

.....................تكتب غزل عذري بسيوف المرجلي...............




الله يا بو علي ...يا حسن بنوت ..

وأنا بهنيك من كل قلبي على جملتك الشعرية المرتاحة الانسيابية ...الخفيفة عالسمع القريبة من القلوب....


وعلى فكرة ...أبو علي عندو قريبا مباراة مع الشاعر عادل خدّاج ...والله يا أبو علي أنت قدها وقدود....



ترقّبوا موضوع لأجمل قصائد شعراء الموقع ...


وتحيّة من الرّوح لموقعنا الأصيل مشتاوي وللأخ الصديق رامي خوري والأخ الصديق طوني عنتر



ورجعنا يا مشتاوي

[محمد حسن شريم]

**************


هلا فـــي شـاعـر مجنّح خيالو ___ طل شريم أعلـــــــــن إحتفالو
ولإنــــو نفـوسنـا خلقــت أبيي ___ أنا شالي شلحت ولبست شالو
ولإنـــــو جامعتـنـــا العبيقريي ___ شعر بالنفس ما أصعب منـالو
ولإنو ذوقــــــنــــا ميي عاميي ___ ما فينا حسن نبعد عـن مجالو
حسن بنّوت مينو؟ غيـــر خيي ___ مقالي مـــــا بيفرق عن مقالو
وبمشتاوي الغلي وغالي عليي ___ هوني جيت جاوب عاســؤالو
شاعـــــــر بالزجل نفسو غنيي ___ بموقع صـار منو ومن رجالو
أنــا ويــــــــــاه بالعركه سويي ___ قلعنــــــا الجهل وزرعنا بدالو
علم مثـــــــل الورود بمزهريي ___ من أرضي أنا وأرضو انشالو
حسن بنّوت من أهــل الوصيي ___ وأنا محمــــد نبي الآيات قالو
تلقّـــــب بــــــو علي بالعنتريي ___ ولعنـتر عبس شلحلـــو عقالو
وأنـــا وهوي بعكركات القويي ___ كنــــــا نسـور جو الما انطالو
بشعب وحاكم ربحنـــا القضيي ___ والموضــــــوع منّـا الحق نالو
بجولهِ ريت كانــــــــت منبريي ___ مش عانــــــــت مرخيي حبالو
تهاني النـــاس نلنا بحسن نيي ___ تهاني الناس عالكلمـــهِ إنهالو
ولإنــــــو عايش الوجدان فيي ___ حسن بنّوت بفطـــــر عاهلالو
شاعــــــــر زجل كلو شاعريي ___ فيه قشعــــــت حالي عالمنابر

___________ وزجلنا فيه عم بيشوف حالو ________


*********