مغتربون بين براغ وفرانكفورت ...

[ثناء حيدر]

يا عيني عليك يا جورج الدبس ( ريلاكس -Relax ) !!!
-------------------------------------

ما أجمل لحظات اللقاء في بلاد الاغتراب حين يستقبلك جورج الدبس بلهفته التي هي بمثابة البلسم في اغترابنا، يستقبلك بلهفته وابتسامته المعهودة، وكرمه اللامحدود، فتشعر وكأنك في سوريا الحبيبة بين أهلك وخلاّنك وتصبح ( ريلاكس ) حقاً.
ويصح عليه قول الشاعر بدوي الجبل :
وكلّ غريب للغريب حبيب

توجهنا من العاصمة براغ عروس المدن الأوروبية، إلى عاصمة التجارة والمال الألمانية مدينة فرانكفورت،

براغ العاصمة التشيكية - وإطلالة من أحد المقاهي



مدينة فرانكفورت


ومن ألمانيا بلد المرسيدس والــ ( ب-م ) والأودي والبورش ... هل يعقل أن تزور جورج ( ريلاكس ) ولا يبليك بشراء سيارة، ولكن يابانية هذه المرة بنصيحة من -الألماني جورج ...

[size=5]وفي لقائنا مع الصديق ولهان عركوش قلت له :

جينا نزورك يا أخي ولهان
شفنا أبو جريج الحلو ولهان
فقال جعفر :
عشقنا السيارة وجبناها سوا

وهنا توقفت القريحة الشعرية حتى أكملها الشاعر الصديق حسن بنوت من الولايات المتحدة على المسنجر فقال :

تنزور فيها سوريا ولبنان

ولهان عركوش - ثناء وجعفر حيدر
[/size]


الثلاثي المرح جعفر حيدر-جورج الدبس- وثناء حيدر



جعفر وجورج أمام منزله في فيس بادن

وفي أثناء تجريب السيارة كان ( ريلاكس ) يقود السيارة بسرعة هائلة على أتوستراد فرانكفورت في طريقنا لزيارة الدكتور
( رفيق فرّوح من السقيلبية ) وعندما وصلت السرعة إلى 220 كم في الساعة صرخت بلا شعور :

مشـــــــي مِــيـْـتـَـيـن ... قلتلّو عَ مهــلك
ريلاكس الحلو ... صـــار قلبي عم يهلك

عما جعفر ... عما المازدا ... عما أهلك
إذا العـــــــــــــــــــــــــداد عَ المية اقترب

جعفر وثناء حيدر مع الدكتور رفيق فروح في منزله

يتبع -----
التوقيع : ثناء حيدر و جورج الدبس ( Relax )

[amigo]

حلوين كتير الصور مع انو متأخرين شوي
لأن عنجد كنا حابين نتعرف عليكون من زمان
تحياتي للجميع وعلى الاخص ( ثناء وجعفر حيدر ) وما بننسى جورج اكيد
وشكراً على هذه المشاركة اللطيفة

[Relax]

نورتوني بزيارتكم آل حيدر

في البداية أحب ان اتوجه للأديبة الغالية ثناء حيدر والاخ المهندس والشاعر جعفر حيدر
بالمزيد من الشكرعلى زيارتهم لي في ألمانيا فكم كنت سعيدا بلقاؤكم بعد غياب طال أكثر من عشرون عام.
راجيا من الله ان تصلو بخير وسلامة الى مقرّ إقامتكم (براغ).
وإنشالله سوف نبقى على إتصال دائم.

يادنيا الورد بدروبي عبيتي
وصدري بالفرح والله عبيتي
ثناء وجعفر الـ جوني عا بيتي
تبارك بيتنا وضحكوا العتاب

إليكم هذه القصيدة المتواضعة تعبيرا عن محبتي لكم. :p

اعذريني ياقواميس اللي النا ***** مابتكفّي لو كنتي قدّ بيدر
ياما بداخلك صلنا وجلنا ***** وياما قلت بدي حروف أكتر
بحثنا كتير وحروفك سألنا ***** عا شي كلمة من التعظيم أكبر
تعبّر عن فرح لمّة شملنا ***** اللي فيها الفلّ في تشرين أزهر
أعتذرت كلّ الحروف بجملنا***** لأنّا بس مابتوصف الجوهر
مهما عنكم احكينا وقلنا ***** ومهما اكتبت من شعر المعنّى
@@@@@ ما ألكم وصف ليّا آل حيدر @@@@@

[Rammosh]

طبعا قبل ماينزل هالموضوع الحلو كنت عارفة بزيارة احلى كناري ... ثناء وجعفر

فجأة بيرن تلفوني رقم غريب وعرفت انو رقم خارجي .. برد وبلاقي ابو جريج ع الخط انبسطتت كتير ع تلفونه وبعد ماسلم علي .. قلي انو في ناس بدن يسلمو عليكي .. سالته مين قلي خدي وشوفي ..

حكى معي شخص قمة الادب والشاعرية .. قلي مين معي قلتلو ريما .. قلي اهلا رموش .. ضحكت .. وقلتلو عفوا مين ..

قلي شو مابتزورينا ببراغ .. اتفاجأت وسالته ليش مين في هونيك ...

قلي ولو .. اتزكري .. وطبعا عرفني عن حاله... صرخت صرخة فرحة وانبسطتت كتير بهالمخابرة الحلوة

واخدت وحكيت مع احلى ثناء بالدنيا .. شو اشتهيت كون معهن بهيك سهرة حلوة .. سكرنا الخط وكفينا السهرة ع المسنجر كلنا سوا .. مع ابو علي - حسن بنوت - شو فرحت اني اتعرفت عليهن اكتر واكتر واتشرفت بمعرفتن

ناس اطيب من هيك ماشفت .. مهضومين كتير .. روح المرح والشفافية بقلوبن ..

واكيد مابنسى المضياف الكريم ابو جريج ..

نيالك يا جورج ع هالزيارة الحلوة .. انشالله بيلتم الشمل وبنشوفكن كلكن هون بسوريا وبنسهر احلى سهرية مو بس مرة .. كتير كتير بالمشتى وبحلب كمان

انشالله بيوصلو بالسلامة وبنرجع بنسهر سهرات مسنجرية من جديد ..

سلام كبير من بنت حلب لاحلى ثناء وجعفر ب براغ .. واحلى مشتاوي بالمانيا ...ولشاعرنا اللي باميركا ابو علي

[Rammosh]

نسيت قول شغلة ..

الف الف مبرووووووووك ع السيارة الجديدة .. انشالله بتشوفو ع وجها الخير يارب

وانشالله من سيارة يابانية لسيارة افخم وافخم ..

عقبال الروز رايز

:p بس ع شرط بتعملولي مشوار معكن ها

ع فكرة السيارة كتير حلوة ولونها كتير مزوق واكابري ... مبرووووووك

[ابو رشاد]

انشاالله الف مبروكة وتشوفو الخير على وجها, ويعطيك العافي ياابو جريج يا(ابو الهمم).بس بدي ياك تجهزلي حالك على شي مشوار على اليابان لاني حابب جرب ال BMW , وانشاالله منتوفق بشي بيئماية هونيك....

[ثناء حيدر]

نسيت قول شغلة ..

الف الف مبرووووووووك ع السيارة الجديدة .. انشالله بتشوفو ع وجها الخير يارب

وانشالله من سيارة يابانية لسيارة افخم وافخم ..

عقبال الروز رايز

:p بس ع شرط بتعملولي مشوار معكن ها

ع فكرة السيارة كتير حلوة ولونها كتير مزوق واكابري ... مبرووووووك

رمووووش يا بنت البلد

الله يبارك بعمرك

إنت قرري ويالله
ولا يهمك حتى لو ما قدرنا نشتري رولز رايز رح نستأجرلك ياها في براغ
ونعملك دورة المدينة متل العرس عنا بسوريا

بس تجي
يالله ناطرينك

هلا ومية غلا

على فكرة جورج الدبس
جايي ع راس السنة لنسهر سوا في براغ
وبمطعم لبناني كتير حلو اسمو ( بيبلوس )

أكيد منتمنى تكوني معنا يا رمرم
بس يا الله بتشوفي الصور
في الموقع الغالي علينا كتير

[ثناء حيدر]

انشاالله الف مبروكة وتشوفو الخير على وجها, ويعطيك العافي ياابو جريج يا(ابو الهمم).بس بدي ياك تجهزلي حالك على شي مشوار على اليابان لاني حابب جرب ال BMW , وانشاالله منتوفق بشي بيئماية هونيك....

خيي أبو رشاد
الله يهنيك يا رب ويسلمك
وأنا آسفة على تأخري بالرد يا غالي

إنتو بالبال
بعيوني أهل المشتى كلن

قولتك لو إنو بعرف هيك كنا سافرنا ع اليابان ولاقالنا جورج لهونيك واشترينا سيارة مرسيدس
حاكم أنا كان بدي مرسيدس
بس نصيبنا
بو جريج أبو الهمم رح يسافر معك ع اليابان
وتشتري سيارة BMW

طيب تفضل لعنا ع براغ - ( ميّة هلا ) -
سيارات الشكودا كتير حلوة





وتكرم عينك خيي بو رشاد
وأحلى تويوتا ناطرتك

ولوووو تعلمنا من أبو جريج

بكل المحبة
ثناء