لمن يهمه الأمر "شادي سركيس"

[shadi sarkis]

[size=3][size=5]

أول شي بدي قول أنو أول ما فتح موقع مشتاوي انبسطت كتير وحسيت حالي كأني عايش بالمشتى
وكنت شوف حالي أني من هالضيعة الحلوة كتير اللي عشت فيها 18 سنة قبل ما سافر واتغرب عنا
وكنت قول لرفقاتي عن الموقع لحتى يفوتوا ويتفرجوا عضيعتي

وهلق صرت اخجل قول لحدا لأنو صار مستوى الموقع وللأسف مستوى ما بيشرف المشتى واللي عايشين فيها
ميشان ما ياخدوا فكرة سيئة عن ضيعتي

وكل هادا من المواضيع السخيفة اللي عم تنطرح واللي صارت مواضيع تجريح وسخرية
بدل ما تكون مواضيع ثقافية تفيد الكل ومواضيع عن المشتى تعكس الصورة الحقيقة عن هالضيعة
لتخلي اللي ما بيعرف المشتى يتعرف عليها ويحس أنها غير عن غيرا ويحكي لغيرو عنا

بس للأسف بدل ما ننبسط كل ما زاد عدد الاعضاء صار لازم نزعل لأنو عم تزيد المواضيع اللي ما بتشرف هيك
موقع وخصوصا اللي عم يدخلوا بأسامي غريبة وماركات بدل ما يفوتو بأساميهن بس يمكن معون حق
هيك ما حدا بيعرفون شو ما عملوا

وأنا ما بلوم حدا غير القيمين على هالموقع وخصوصا رامي اللي أنا بلومو على اللي عم يصير
مع احترامي الكبير لا هالشخص اللي انا بحترمو كتير وبقدر الجهد الكبير اللي عم يبذلو ميشان هالموقع
لحتى يكون الأول ويتطور للاحسن بس للاسف عم يرجع لا ورا
بتمنى منك يا رامي توقف هالمسخرة اللي عم تصير وتحط مشرفين بيستاهلو يكونوا مشرفين ويكونوا قد المسئولية
مو مشرفين يفوتو يعلقو تعليقات سخيفة بدل ما يطرحو مواضيع بالقسم اللي هني مشرفين عليه
والحكي مو على الكل لأنو فيه مشرفين مو مقصرين وكتر خيرون
بس فيه مشرفين بس حدا ينزل موضوع بيعلق على الموضوع (تسلم على هالموضوع وسابر إلى الأمام)
يعني عن جد الواحد بيحس حالو بمدرسة وهوي الموجه....

مع العلم أنا ولا مرة نزلت موضوع بس المشتى ضيعتي وبيهمني الأمر كتير كتير....
على أمل يمشي الحال ويرجع الموقع متل ما كان يعكس صورة المشتى الحقيقية اللي بتشرف الكل

شادي سركيس

[/size][/size]

[JIjJjJI]

الى الاخ شادي

حبيبي السيد شادي صحيح انا ماني من مشتى الحلو بس انا بعتبر حالي ابن من هالضيعة الحلوة و الرائعة و نحنا منعتبر ان مشتى الحلو هي لالنا كمان مو بس لاهالي مشتى الحلو
بس بحب الفت نظرك لشي مهم انو نحنا صرلنا 1400 سنة ساكتين و مسكرين فاهنا يعني هنن 1400 سنة بشككو بالعقيدة المسيحية و بشككو بالوهية المسيح بحاولو اذلالنا و قهرنا و سبنا في كل مكان
لما بيطلعوا على التلفزيونات و المحطات الاذاعية عن ناس اسلمو و يشرحون كيف اسلمو و ابتعادهم عن المسيحية التي كلها اشياء بشعة..... يشوهون ديننا و تريدوننا ان نسكت الحمد الله الذي اعطانا الانترنت لكي نقدر ان نعبر عن ديننا و ندافع عنه لك ملاحظة اخي شادي اقرا جميع المواضيع التي طرحناها عن الدين الاسلامي و عن ردودنا جميعا سوف تشاهد انهم لم يستطيعو ان يردو علينا و لا حتى بجواب واحد الا بالسب و الشتم يوقل لنا السيد المسيح في متى10 :16.(ها انا ارسلكم كغنم في وسط ذئاب.فكونوا حكماء كالحيّات وبسطاء كالحمام)
ارجو منكم فهم ما نحن نصنعه و نفعلم شاكر لك غيرتك على ضيعتك مشتى الحلو و التي نعتربها ضيعتنا ايضا

[CARLOS]

أنا معك 100 بالمية يا خيي شادي.... وين الإدارة من يلي عم يصير؟؟؟" وين الأعضاء من أهل المشتى؟؟؟؟ صدقوني هيك رح تخسرو الموقع.... بالنسبة لالنا نحن الاعضاء من خارج المشتى منقدر بكل بساطة ازا ما عجبنا المنتدى نترك و نمشي بس هيدا الموقع بيحمل اسم ضيعتكن حرام تتركو ينزل لهيك مستوى....

و يا أخ زلزال شو الفائدة من كل يلي عم يصير؟؟؟ أي عمل الو هدف و انتو شو هدفكن خلونا نتنور؟؟؟ ازا بتقلي بدك تدافع عن المسيح و عن ديننا بعتقد المسيح ما بيحتاج مين يدافع عنو و نعمتو ظاهرة عكل ناس شو مانكان دينن... و شو عرفك انو يلي عم تعملوه بيقبلو المسيح و مبسوط منو.... انتو بعدتو كتير عن العقيدة المسيحية و ما تنسى قول المسيح من ضربك عخدك الايمن ادر له الايسر.... يعني اترك يلي عم يهاجم المسيحية يهاجم عكيفو هالشي ما رح ينقص من قيمة المسيحية او قيمة المسيح.... انتو لما تصيرو بموقع الرد عالسخافات بتصيرو سخيفين.... و بتنحطو بنفس الخانة.... انتم في نفس خانة المسلمين المتطرفين الذين يكفرون الأديان الاخرى..... و صراحة يلي بلش mick75 و حسب ما عم نشوف كتابات هادي واضح انو انسان عقلاني و غير متطرف.....

رجاء من رواد القسم الديني ايقاف هذه المهازل من أجل المنتدى.... للمصلحة العامة....

و ازا في ديمقراطية بهالموقع.... انا بقترح يصير استفتاء هون بموضوع شادي سركيس بما انو بقسم الاقتراحات و لان شادي بعبر عن رأي كتير شباب من رواد الموقع.....

أتمنى من الأعضاء الذين يؤيدون ايقاف المواضيع الدينية التي تجرح و تتناول الاديان الاخرى... او بشكل اوضح الاعضاء الذين يؤيدون ايقاف الجدل و القتال و المهاترات التي تحصل بالمنتدى و بالتحديد بالقسم الديني....

أتمنى ان يضع يدخل و يصوت برأيه ان كان مع ايقاف هذه الامور ام لا...

و أتمنى من المعنيين من الاعضاء أي زلزال و هادي و قمر و اديداس و mick ان يمتثلو طوعيا لرغبة اعضاء المنتدى اذا كان رأي الاغلبية توقف هذه المواضيع الدينية.....

شكرا لك يا شادي ......... شكرا للجميع


كارلوس

[CARLOS]

سأكون اول المصوتين.....


انا مع إيقاف الجدل الحاصل في القسم الديني.......


كارلوس

[كفـرونـــــي]

السيد مختار حارة السراكسة المحترم .....
تحية طيبة....
أما بعد ،،،،،،،
أود ان اشكرك من أعماق قلبي على هذا الموضوع الذي جاء في الوقت المناسب ليعبر عن رأي الكثيرين لأن فيه أمر يهم كل انسان يحب المشتى بصدق سواء من سكانها او ممن زارها وأحبها .....
موقع مشتاوي كان المرأة الصافية التي تعكس وبشفافية الصورة الجميلة لمشتى الحلو وحضارة أهلها وثقافتهم وترفعهم عن كل ما هو تافه وبغيض؟؟؟؟
أما الآن وللأسف أصبحت هذه المرآة بحاجة إلى تنظيف بعد ان أصبحت تعكس صورة كاذبة ومشوهةعن مشتى الحلو وسمعتها الطيبة ....
أضم صوتي للأخ شادي وجميع الأعضاء الذين استنكروا ما يجري من مهاترات في هذا المنتدى ونطلب من أدارة الموقع التدخل السريع لوقف سير الموقع في هذا الطريق المؤدي الى الهاوية وإعادته إلى طريقه السليم الذي جعله سباقا ولامعا بين المواقع السورية والعربية.
دمتم ودام مشتاوي
كفرونـــــــي

[نسر]

أضم صوتي لصوت شادي و كارلوس

مع ايقاف المسخرة في القسم الديني

[amigo]

الصديق شادي
تحية طيبة وبعد
بداية شكري واحترامي ولك ولجميع الأعضاء الذين ابدوا رايهم في هذا الموضوع , كما أرجو أن تتقبلوا وجهة نظري حول الفكرة المطروحة :
ما جرى خلال الفترة الاخيرة وخصوصاً في القسم الديني كنا نتابعه عن قرب , ولكن حسب رأيي الخــــــاص في هذا الشأن أنه أمر جداً طبيعي ومتوقع أن تتم مناقشة هكذا موضوعات طالما أنه يوجد قسم ديني في المنتدى وليس هذا القسم حكراً على احد والأمور الدينية متشعبة وتحمل في طياتها الكثير , وما دار في منتدانا على العلن خلق نوعاً من البلبلة لإنه لم نعتد على هكذا حوارات آمام مرآى الجميع , مع العلم ان الجميع يعرف أن هذه الأمور تناقش في محاضر وأوقات وكثيرة من قبل كثيرين .
وما لفت انتباهي واعتبره من الايجابيات في الحوار ان معظم المواضيع والردود كانت كتابات شخصية غير منقولة وذلك يعبر عن مخزون ثقافي كبير ومهم لبعض اعضاء المنتدى على مختلف مشاربهم إضافة إلى ان هذه المواضيع الجدية خففت كثيراً من المواضيع الضعيفة والرود الهزيلة .
والافكار المطروحة من قبل بعض الاعضاء والتي لا تروق للآخرين إنما تعبر عن شريحة لا يستهان بها ولا نستطيع ان نتجاهلها ولها حرية ابداء الرأي طالما ننادي بحرية الرأي ضمن المنتدى .
وختاما اعتقد ان ما جرى في المنتدى ليس سلبي إلى هذا الحد وإنما عبارة عن فورة مؤقتة جرى من خلالها تفريغ بعض الاحتقانات وسيعود الوضع إلى طبيعته قريباً فقد اعتدنا على هذه الفورات ضمن منتدانا , فتارة في القسم السياسي وتارة في قسم الزجل وأخرى في قسم المشتى واحياناً في القسم الفني والترفيهي .
لذلك أتمنى عدم تحميل موضوع آني أكثر من اللازم
وزوار الموقع يزدادون بشكل كبير وترتيبه يتقدم ومشتانا تزداد شهرة وتقدير

مع شكري وتقديري للجميع

رامي خوري 5/12/2005

[الحنون]

أنــا بضــــم صوتي كمان مع شادي الغالي والأصيــــــــــــــــــــل على الموضوع الهادف

يلي فرحني عنجد كتيــر لأنو بفرح لما شوف عضو من شهر لشهر أو من سنة لسنة ينزل موضوع هادف ومتميز

شي رائع أبو الشيد بدنا دائمـــاً هيك لأنو منرفع راسنا لأنو بتعرف معزتك عند أبو الياس

المهم أنـــا أول ما دخلت على الموقع بعد عطلة أسبوعية فتفاجأت باكتســــــــاح المواضيع

الدينية المنتدى وإلت رأيي لأبو الريم بشكل صريح ما بدنا طائفية كل واحد مفتخر بدينو بس (لا نريد إغلاق المنتدى بأيدينــا)

وبالنسبي إلي كمشرف بسيط بدراستي وثقافتي المتواضعة بحب يكون في تنوع بالمواضيع بقسمي بشكل خاص بحب شجع

الأعضاء يلي إنت متلن إزا نزلوا موضوع مميز مو معقول كمشرف إلا شجع الأعضاء وحتى بحب نزل بالقسم الإنكليزي

بس قليل جداًً التجاوب وبقسم الترفيه نزلت ( سياسي هادف ) أو خلينا نقول (كاريكاتير سياسي مكتوب) وبالقسم الصحي

نزلت مؤخراً معلومات حقيقية موثقة عن انفلونزا الطيور بالقسم الصحي

فشفت زيارات بس عدم مشاركة ؟؟؟؟؟؟؟؟ بالعلم معلومات تفصيلية :eek: أما بقسم الترفيه شو لونك شو برجك

وشو .... سترى المشاركات بالآلاف ما في مشكلة فناس تحب الترفيه والفرح لا تريد السياسي أو العام وأعضاء تحب أو تبدع

برأيها بالديني ولكن أصبحت الأمور طائفية بحتــة بوجود ناس متميزين بالقسم الديني وإيمانهم الرائع ولكن الزيادي إخت

النقصـــــــان...... والمواقع يلي فيهـــا مواضيع متنوعة على جميع المجالات لا تقتصــــر على موضوع أو قسم معين فقط

فستراها من أفضل المواقع أو المنتديات فحلو التنويع خيي شادي مادام في إفادة للمنتدى المهم أنـــــا معك أيضاً يا شادي

سركيس من ناحية إنو يعرف الواحد على إسمو وتفاصيلوا بقسم التعارف كما فعلت أنا وغيري من الأعضـــاء بس بحب منك

إنك تدخــل على التفاصيل الخاصة بك أو أي شي عنك حتى نقول أنو شادي سركيس

يكتب كل شيء ليس فقط إسمــــه حتى يكون تعليقك صحيح ميي بالميي فأنا أحب وأعشق الصراحة كتبت كل شي ليس عندي

خوف من أي شيئ لأنها ضيعتي فحبيت أقول يا شادي الغالي لأنو في معجبين فيك حابين تفاصيل عنك مجرد رسول محبة أنا (أخوك أبو الياس)

لأنو مزبوط لازم الواحد يحط تفاصيلو وإسمو وكل شي فأكتر الوقت بحب أووول الحنون أبو الياس أو رامي الياس

حسب ما يأتي في بالي....

أنـــــا حبيت جاوبك خيي شادي أعرفك أصيـــــل ليس القصد من هذه المقالة أخوك رامي الياس أو جورج الدبس

أو أبو رشـــاد لأنك أصيل ومعرفتنا العائلية أقوى بكتير بس حبيت وضح أكتر وجهة نظرك من انزعاجك على العموم

يلاااا طول بالك أبو الشيبد خليك إنت الكبيـــــــر وملك الزوق على قولة الغالي أبو جميــــل اتعودنا عليك هيك بس لا تتأخر

علينا بمواضيعك المتميزة أو اعطينـــا موعد آخر الشهر أو بعد راس السني حبيب القلب عم إمزح لا تحط بقلبك ياغالي

ومنشوفك عن قريب . :eek: واسمحلي (بالكويتي) بتعليقي أو تحليلي الدقيـــــق والهادف هذا .......

ولكن أضم صوتي معك ومع الحبيب أبو جورج والأخ/ نسر وكارلوس بالنسبي للجدال القائم في القســــــــــم الدينــــــــي .

أخــوكم الحنـــون/ أبو الياس

[Aboud]

ما عاد في حكي ينحكى في هذا الموضوع لان الشباب وفوا وكفوا ولان فعلا المنتدى يسير بهذه الطريقة الى طريق مسدود ويوجد الكثير من الاعضاء يفضلون عدم المشاركة في مواضيع جديدة او ردود في هذه الأجواء ولكن مثل ما قال الاخ رامي خوري ( فورة مؤقتة جرى من خلالها تفريغ بعض الاحتقانات وسيعود الوضع إلى طبيعته قريباً فقد اعتدنا على هذه الفورات ضمن منتدانا , فتارة في القسم السياسي وتارة في قسم الزجل وأخرى في قسم المشتى واحياناً في القسم الفني والترفيهي .)
بس بصراحة طولة هالفترة كثير

وانا كمان بضم صوتي لصوت الشباب ………….

مع احترامي للجميع المشاركين

[P.K]

ما دام نكشتو القرآن و حرّكتو وراق الأنجيل............. شو خدتو من هيك كلام غير الحقد و قواويل
موقعنا بصفحاتو كان كتاب يربّي كل الجيل.............. دلبة جمعت أرض بأرض بعراقة شرشا الأصيل
شادي تسلم حكياتو قصدو الطائفية يشيل................. بتمنى تسمع منو هيدي حبلا كتير طويل

[الموت الاحمر]

اسمحلي يا شادي انو اول شي اتشكرك لانو موضوعك بيعبر عن وجهة نظر لما تراه في هذا الموقع
من سيئات ومن حسنات وان سبقت السيئات ما سميناه بالحسنات هذا ان لم تنمحي
في بداية كلامي او با الاحرى وجهة نظري يجب ان استسمح الكل ومن سيشعر نفسه معني بالامر
ولن ادع جرأتي تتعدى خطها الاحمر لكن سأحاول

بالنسبة للتصويت الشباب انا لن اقف موقف المؤييد لما طرحته لانه يوجد الكثير من الاشياء التي بحاجة لطرحها
ولن اضم صوتي لصوتك ولكن ساصرخ باعلى صوتي لكي يصل الصدى لابعد من المسافة التي وصلت اليها

ايها الاعضاء ويا ايها المشرفين
يجب ان نتوعى الى حقيقة واحدة ان هذا الموقع اصبح له متتبعين وزوارمن مختلف الشخصيات والجنسيات
والاهم ان الشئ عندما يكتسب اهمية تكثر العين عليه وهذا ما حصل هنا في بداية انطلاقة مشتاوي لا نسطيع نكران بساطته وفقر مواضيعه ورواده وهذا طبيعي جدا وان نظرنا الى الاقسام بشكل عام نرى المواضيع ذاتها والاسماء ذاتها وانا يا شادي لست ضد من لم يذكر اسمه لسبب او لاخر لكن ان كان هناك فكرة يريد ايصالها وان كانت تتعلق بمواضيع دينية او سياسية لامانع لكن لا نريد من الاعضاء ان ياخذو من هذا الموقع مرعى لافكارهم نحترم وجهة النظر ونحترم رأي العضو ان كان في القسم الديني او السياسي او قسمي المفضل قسم الفن والطرب ولكن لا نريد تتطبيع اراء الاعضاء بفكرة هذا العضو وان كانت صحيحة او خاطئة
لكل منا وجهة نظرة ورؤيته لهذه الحياة ولا يمكن ان تجبر اي شخص بوجهة نظرك او بهجومك اللاذع عليه ولكن نستطيع من المحاورة بشكل منطقي لان تصل لوجهة نظر ترضي الطرفين المتشارعين وهذا كان بالنسبة للبعض الاعضاء الذين يحاولون رمي اقذارهم من الطائفية والهمجية كما الارض ارض كذلك حقيقة الاديان لايمكن نكرانها
ولكن المناقشة بموضوع الدين لذيذ ولكن ان يتعدى موضوع التجريح للطرف الاخر فهذا لن نسمح به في هذا الموقع
واتمنى منك يا مايك 75 انت تدع صلاتك في قلبك ونظرتك في قلبك اهلا بك كعضو فعال ولكن بخطوط لا يجب ان تتجاوزها ان كانت ضمن الدين الواحد او من غير دين .0نرحب بارائك ومناقشاتك ولكن الشخصية وليست المنقولة والتي تعبر عن فئة تريد اشعال فتيل الفتنة
نحن عرب ونحن مسيحيون ومسلمون ولا يمكن رفض هذه الحقيقة لكن ان تتعدى المناقشة الى التجريح فهذا ما لا نسمح به
كما ومن منكم لم يرى وكالة اديداس في الموقع هنا ................طبعا ماركة مسجلة.الدينية منها وليست الرياضية
يعني يا اديداس كل ما نزلت موضوع من هيدو اللي بتنعتن مواضيع بنصاب بحالة هلع
وبحاول اني رد واغصب حالي بكلمتين يوقفوك عند حدك بس ما اقدرت لانو بصغر لما برد على هيك مواضيع
يا اخي اترفع عن هيدي المهاترات عليك بدينك بمذهبك وبعقيدتك وما يحدث معك من تفاهات ومهاترات دعا في مخيلتك لا تنقلها الى ربوع المنتدى نحن عائلة واحدة ونحن شعب واحد لكن مع الحفاظ على العقيدة ان كنت مسلما او كنت مسيحيا وبتمنا انولا تنزل هيك مواضيع لانو بوعدك اذا بشوف هيك صيغة انا او اي واحد من الاعضاء رح يكون الرد قاسي كتير ومش رح يعجبك .اهلا فيك لكن ضمن حدود اللياقة
ولن اطيل واذكر اسماء لكن من يشعر هذا الكلام موجه له فليتعظ.
اما بالنسبة لما ذكر في احدى المواضيع السابقة عن المنتدى والتفاهة المناسبات في المنتدى
فانا ارد لكل عضو ليس بشرط كل ما يعجبك يعجبني واعتبرنا بشكل عام الموضوع هفوة او زلة لسان ولم نقف
بمحمل الجد عنده
المنتدى يضم جميع الاعمار والشخصيات والمذاهب والاديان وعندما نصف اي لعبة مطروحة بالتافهة هذا غلط
لان المشتى لا تضم ناس من اعمار ناضجة اي من 30 وما فوق
وان عرجنا قليلا على القسم السياسي نرى الصراع التتري موجود هناك بين فئات لكل منها وجهة نظره
لا تحاولو ان تجعلو القسم السياسي حلبة للصراع وانما دعوه منتدى يحافظ على مستواه ومستوى اعضائه ومستوى زواره
اما بالنسبة لقسم الفن فان طرح موضوع فاما ان يرد الاخ والصديق او لا يرد والعضو الذي ليس له صديق في الموقع اعتبر موضوعه في طي النسان
اما بالنسبة للمشرفين وهنا المشاكل لانو الكل غير شكل لكن باخر فترة ما عاد شفنا اي تعليق او مشاركة منهم
ولا داعي لان ابدا بذكر اسماء لكن يا اخواني ويا اخواتي من المشرفين تعليق بسيط من هنا وجهة نظر من هنا تعطي القسم احترامه .لكن كل قسم صاير متل حارة كل مين ايدو الو لا رقيب ولا دستور
بتمنى انو تصير حصانة اكتر وبطلب من ادارة الموقع المشرف الذي ليس لديه وقت ان يعفى من مهامه
لانه ليس الاشراف بالوراثة.طبعا واكرر اعتذاري ولكن هيدا الواقع ويلي عم نشوفو
وتحيتي المميزة طبعا لكل المشرفين وبتمنى يتاخد ردي بمحمل العتب والغيرة على الموقع لا اكثر

اما التعليق الاخير والكبير فيبقى على اخي وصديقي رامي ((مدير الموقع))
يجب لفت النظر يا اخي الى الرقابة التي هي يجب ان تكون موجودة من قبلكم .وهذا التجريح مني او من اي عضو لما نراه انما ينم عن محبة فائقة للموقع ولكن يجب تنبيه اي عضو يخرج عن حدود اللياقة برسالة خاصة او ما شابه
واخيرا الى كل الاعضاء يجب ان تكون وحدتنا في هذا الموقع من باب الخوف على عدم انهيار الموقع
وشكرا الى كل الاعضاء الذين ضموا صوتهم الى شادي
وليكن هذا الموضوع .. لشادي و هذا الردلي بمثابة ناقوس يرن في كل الاذان التى تخاف على المشتى وموقعها
دامت لنا المشتى ........................ومشتاوي

[manal]

وانا كمان بصوت معكون

[fade antar]

أنا بضم صوتي لصوت شادي وكارلوس والشباب الطيبي(بالمشتاوي) .........
صار لازم نوقف الجدل الديني اللي مالو نهاية.وعيب بقا كل واحد يشكك بالتاني.
كلنا أخوة عم نعبد الله ولو اختلفنا بالطريقة. وإذا بقينا نتجادل بهالطريقة ما رح نمشي خطوي لقدام .بالعكس رح نرجع لورا
شكر كبير لشادي ع الموضوع اللي فتحوا وكان لازم ينفتح من زمان

[JIjJjJI]

الى الاخوة الاعزاء المشاركين والاعضاء الذين اعطو اقتراحاتهم
احب ان اقول لكم شي مهم انتم تقولون باننا اخوة و ان هذين الدينين يعبدون الله اجاوب على الاخوة جميعا اننا اخوة بالله و اخوة بالانسانية نعم و صحيح هذا الكلام و لكن من اجل كلنا نعبد الله احب هنا ان اقول لكم ان اي انسان مسيحي حقيقي و ليس مسيحي بالاسم لا يقول هذا الكلام لان المسيحي الحقيقي يعرف من من هذه الاديان من يعبد الله .....فهناك اخ قد قال في تعليقه بان المسيح قد قال من ضربك على خدك الايمن فهول له الايسر..انا هنا معك اخي العزيز ولكن ليس بان يضرب و يضرب و يضرب حتى يقتلك و انت ساكت و مغلق فمك لا بالعكس يجب عليك ان تناقشه و تحاوره لماذا يضربك لماذا يتعدى عليك و توضح له بانه على خطأ و توضح له الصواب ليس ان كل انسان يتكلم و يهينني و يهين ديني بان اسكت كلا لن اسكت لان ديني يحثني بان اوضح للناس بان اقرأ الكتب و ابحث عن الحقيقة بان اريها للناس ....
انت اخي الذي يقول بان المسيح ليس بحاجة للدفاع عنه صحيح و لكن اليس المسيح ضرب مثلا عن الخروف الضال و الراعي الذي ترك جميع خرافه و ذهب للبحث عن الخروف الضال اليس المسيح قال في متى9 :11(لما نظر الفريسيون قالوا لتلاميذه لماذا ياكل معلمكم مع العشارين والخطاة12فلما سمع يسوع قال لهم لا يحتاج الاصحاء الى طبيب بل المرضى13فاذهبوا وتعلّموا ما هو.اني اريد رحمة لا ذبيحة.لاني لم آت لادعو ابرارا بل خطاة الى التوبة)اقرأ الانجيل و افهموا ما هو موجود و بعد ذلك حاسبونا لما نفعله
اوجه شكري و امتناني الى الاخ طوني و اشكرك على هذا التعليق الجميل و الذي يدل على اخلاق حسنة و وسعة صدر ربنا يباركك و يبارك قلبك و يبارك كل القائمين على هذا الموقع الحبيب على قلبي و على قلوب الجميع
شكرا لتفهمكم الامر ........
اخوكم ...JIjJjJI

[JIjJjJI]

ورد خطأ

اوجه شكري و امتناني الى الاخ رامي و اشكرك على هذا التعليق الجميل و الذي يدل على اخلاق حسنة و وسعة صدر ربنا يباركك و يبارك قلبك و يبارك كل القائمين على هذا الموقع الحبيب على قلبي و على قلوب الجميع
شكرا لتفهمكم الامر ........
اخوكم ...JIjJjJI

[باسم خوري]

اخوتي شادي وكارلوس أضم صوتي لكم وبكل حزم واصرار حتى لا نعطي فرصة للغرباء بتشويه صورة هذا المنتدى الذي يعكس بجماله صورة وروعة بلدة مشتى الحلو وسكانها . وخاصة أن الكلام في المواضيع الدينية يطول ولا نفع منه فلا أنا سأقتنع بما يقوله الطرف الأخر ولا الطرف الأخر سيقتنع بما أقوله ولن يغير أحد دينه لمجرد بعض الشواهد من القرآن والإنجيل فالمواضيع الدينية لا نفع من الخوض بها وهي مضيعة للوقت واثارة للغرائز . وأحب أن اضيف تعليقلا على مداخلة حبيب قلبي ابو جميل أن المداخلات والمناقشات في القسم السياسي ليست تترية وشكرا جزيلا لجميع من شاركوا في هذه المداخلة .

[the jackal]

سيد رامي

يجب ايقاف القسم الديني لأن الأعضاء لا يتناقشون
و انما يتجادلون جدالا بيزنطيا
لا يخلق سوى الفتن الطائفية
لأن لا أحد سيقتنع بدين الآخر

[semas]

اصدقائي
اضم صوتي الى اصواتكم وان كنت اشك بحسن الاستماع من قبل الغارقون في جدلهم المتعصب فقد سبق ان اوردت ردا في موضوع المسلمون قبل الاسلام بعنوان صراعنا على السماء ولم اجد ردا من اي من المشاركين بالموضوع اذ انهم مشغولين بنبش مخزونهم الثقافي
للبحث عن اسلحة تمكنهم من حسم المعركة نعم انهم يجربون كل انواع الاسلحة الالالالالالا المحبة وقبول الاخررررررررررر؟؟؟؟؟؟؟؟