المشاركات: 1,123
المواضيع: 101
تاريخ الانضمام: Nov 2004
السمعة:
0
مرحبا يا شباب.....
كل محبي الزجل مدعويين للمشاركة بهالموضوع ...وكل الشعراء ..أمين ...فراس ثناء جعفر حسن محمد بشار عمر شادي رشيد باسم أبو نورس وحسان البسطاطي والكل ولا تواخذونا إذا نسينا حدى سهوا ....
كل شخص يطرح ...اسم حفلة زجل وخلّونا نتناقش فيها يعني أي ردة حلوة أي افتتاحية أي شاعر ......؟؟
أنا بدّي بلّش
بحفلة بيت مري
شو رأيكم فيها .؟؟؟
بدنا مشاركاتكم
يللا لنشوف ......
المشاركات: 1,123
المواضيع: 101
تاريخ الانضمام: Nov 2004
السمعة:
0
أنا رأيي ببيت مري ....
بالافتتاحيات ....
افتتاحية الزغلول كانت أحلى من افتتاحية موسى ......
جولة بطرس ديب وإدوار حرب ....أنا ما سمعتها بتمعّن بس كان انطباعي الأول أنو بطرس أخدها ...ورد ثأرو من المشرف ..
جولة جريس البستاني وطليع حمدان ...جريس البستاني بلّش بداية قوية كتير ....بس طليع وقت حلّق جريس ما قدر يضبّلو جناحاتو ...من الردة الرابعة حتى اخر قصيدة ...قنبلة ورا قنبلة من طليع ...
بس برأيي جريس لو استغل جمهورو أحسن ببيت مري ..كان تفوٌق ...
بس طليع ....اسطوري....
وجولة زين شعيب وأنيس الفغالي ....كانت جولة طاحنة ...وزين كان جبّار وأنيس كان جبار..بس حكمة أنيس ونبوغو رجحتلو كفّة الختاميات بس بالمعنّى أبو علي كان عظيم ....
وجولة زغلول الدامور وموسى زغيب ....
هي الجولة مسجّلة تسجيلين ...تسجيل باستوديو ...بتوحي للسامع أنو الزغلول بهدلو لموسى بالجمهور وبالرّدّات ...
بس تسجيل الحفلة بظن موسى حلّق ...بالذات ردة ..... والتالتة دم الحسين بكربلا.....
تفضّلو عطونا رأيكن
المشاركات: 310
المواضيع: 12
تاريخ الانضمام: May 2005
السمعة:
0
حبيب القلب شفيق
للحقبقه انو موضوع شيق لاًنو كل المباريات الكبيره يللي صارت بالماضي مهمه كتير بمسار المنبر الزجلي وتاريخه.
و أختيارك الاول لحفلة بيت مري كتير منيح . بيت مري تعتبر من أهم المبريات بتاريخ الزجل اٍذا مش الاولى. بعد هالمباراة تحرك الزجل بشكل مش معقول وصار التحدي المنبري متابع أكتر وبأهميه.
على كل حال أنا رأيي بالمباراة هوي رأي شخصي.
بين أدوار وبطرس كان موضوع السجن والحريه وعلى ما بفتكر انو كان في تعادل بالحوار
جريس وطليع تنينهن غنو منيح وكان الجمهور مقسوم
زين وأنيس كانو عمالقه وكل واحد أعطى لونو المميز فيه
الزغلول وموسى كمان كان كل واحد مميز بلونو
للحقيقه ما فيي قول مين ربح على التاني لاًنو الكل أعطى يللي عندو. بس النتيجه كانت انطلاقه جديده للزجل بشكل عام.
المشاركات: 1,123
المواضيع: 101
تاريخ الانضمام: Nov 2004
السمعة:
0
على راسي يا أبو علي ويا عمر ..
شو وين الشباب ..كلهن ...بشار وشريم ..وأمين وشادي وفراس والكل ؟؟؟؟؟
بالله اندهولهن خلّوهن يشاركوا ...
شفيق
المشاركات: 92
المواضيع: 10
تاريخ الانضمام: Oct 2005
السمعة:
0
أول شي عذرا على التأخير بس الامتحانات آخدة الوقت كلو
بالنسبة لحفلة بيت مري أنا بظن أنو هية وحفلة المدينة الرياضية أشهر الحفلات على الإطلاق بتاريخ الزجل وهية حفلة حلوة كتير
الجولة الأولى بين موسى والزغلول جولة حلوة وعطوا فيها بالمعنى كتير والزغلول بدون شك قال كتير حلو بس برأيي المتواضع قدر موسى ياخد الجولة ولو بأفضلية بسيطة
الجولة التانية وبداية عذرا من شفيق كتير لأني كمان من وجهة نظري البسيطة أنو الجولة لأدوار بلا منازع يعني إدوار كان مو طبيعي بهالحفلة وأحلى ردة لإدوار هية الرد على ردة بطرس(ولما بيصير الحبس لولاد البيوت ــــــــــــــــ منسكّر بواب المدارس كلها)
إدوار ............ بعرف رئيس بلادنا كوكب بدا...................من شمالنا تا بدلة المجد ارتدى
ويوسف كرم بالحبس رميوه العدا .................. والمير فخر الدين مشعال الهدى
وأمجاد بو سعدى زلاغيط وحدا .................. والشيخ بشارة بتعرفو من المبتدى
وشمعون والصلح الكبير المنفدى ................... عالحبس فاتوا ما صغر مجد الفدى
والحبس للأبطال عا طول المدى ..................... وأنت خلقت عالأرض صوت بلا صدى
من ضعفك على الحبس مش قادر تفوت ............. وبالمدرسة مش سامع بإسمك حدا
يعني أنا بعطي صوتي لأدوار بهالجولة بالمعنى والقصيد
الجولة التالتة بين طليع وجريس
هي الجولة من وجهة نظري هية الأجمل على الإطلاق بالحفلة
ما في شك أنو جريس كان أعجوبة بهالحفلة ولكن إذا كان جريس أعجوبة يعني أبو شادي ما بينوصف تعجز الكلمات عن وصف أبو شادي بهالحفلة
طار وحلق وصال وجال بالمعنى والقصيد وبكل شي وأنا بظن أنو كان الأقوى بهالحفلة بين الشعراء كلهم
الجولة الرابعة بين أنيس وأبو علي زين شعيب
جولة طاحنة بين مراجل أبو علي وعمق أنيس الحفلة فيها فلتات خرافية من الشاعرين وأنا بظن أنو أنيس أخد القصيد بس ما أخد المعنى
هاد رأيي بكل تواضع ولا تآخذونا على التطويل
وأنا بضم صوتي للشاعر الكبير حسان البسطاطي بالنسبة لإدوار حرب لأنو شاعر متل هاد لازم ياخد حقو وزيادة وكان من الأقوياء في عصرو وما ننسى أكيد حفلة حبوب وشو عمل فيها
فراس حبالتي
الزبداني ............. سوريا
