شو رأيكم؟؟؟؟

[شادي]

شباب شو رأيكن بـ:
الشاعر: مصطفى حسين المعروف بـ (( أبوعلي البلوداني ))
الشاعر: أسامة السمرة (( أبو خليل )) ؟؟؟؟؟؟؟؟




شلونــــــــكن يا شعـــــــــــــار....................................طمــــنوني كيف الأخبــــــــار
أجمـــــــل تحية وســـــــــــلام ...................................من الشـــاعر ابن البيطـــــــار

[ثناء حيدر]

الصديق الشاعر شادي

شكراً لطرحك هذا الموضوع ، ولكن حبذا لو أطلعتنا على زجل هؤلاء الشعراء ...
لأنني لم أقرأ لهم زجلاً وربما كان تقصيراً مني ...وربما لأنني ما زلت طفلة هاوية تحبو على سفوح الزجل ...

شادي الغالي
ننتظر المزيد من زجل الشعراء المذكورين لنتمكن من التصويت ... ما رأيك؟؟؟

بكل المحبة الزجلية

ثناء

[شفيق]

أهلا وسهلا يا أخ شادي ...


أبو علي بلوداني:: هوي الحقيقة رب من أرباب الارتجالي بسوريا ولبنان بشهادة طليع وزين اللي باراهم وكان راس بمبارياتو ....

ولو بتلاحظو بأول طلعتو كان يلتزم بالوزن أكتر من هلق...

بس في عندو مشكلة الوزن هلق بس ...بتحس أنو بيشتق من الوزن ..مثلا ...الحرف الساكن بيساويه فتحة بيرجع بيختصر كم حرف من نص البيت ...هي حاليا ...لأنو أبو علي كل يوم كل يوم بالصيف ألو حفلة ارتجالي مدري كم ساعة ....يعني حلّو يمل من الحفلات ..وهوي بظن أنو شاف الزجل بسوريا تجارة بالاعراس و السوق ماشي كيف ما كان ..

فصار ما عاد يهتم متل الأول .....


أبو علي من أعز أصدقائي بمجال الزجل ...

وللحقيقة هوي سمّعني قصائد أجمل منهن ما في ...قصائد حلوة كتير كتير كتير كتير ...والوزن مية بالمية والمعاني حلوة كتير...وصوتو رائع وحضورو أروع وعنفوانو غير شكل ...

وبرأيي لو بيرجع بيوعى على كلمتو متل ما كان ....بيغني الزجل السوري وبيرفع مستواه بالذات أنو شعبيتو كبيرة ...




أسامة السمرة ::

بصراحة أنا أسامة حبيتو من انطباعي الأول ..بس كمان مشكلة الوزن عندو سايبة ...ومثلا كلمة اليوم ...بيلفظها بشكل غريب حتى تصير عالوزن..

وكمان ..لاحظت أنو بيقبض موضوع المنبر بشكل لئيم ...

بس هوي شاعر بكل معنى الكلمة وصوتو عظيم ...

بس أنا كمناصر للزجل تدايقت منّو بمباراتو مع السيد محمد .....لأنو عمل لعبة تصوير "خبيثة" وتسجيل ...



وأكيد رأيي رأي في إلو معارضين ..

والأنصار أذواق





ملاحظة ..


الأخ شادي غير الأخ شادي موسى ..على ما اعتقد

[ثناء حيدر]

الصديق الغالي شفيق
شكراً جزيلاً لتوضيحك وللمعلومات التي لم أكن أعرفها عن الشاعرين ...
دائماً سباق إلى الجمال ... شكراً لك من القلب.
أتحفونا دائماً بهكذا معلومات عن شعراء يحفل بهم المنبر الزجليّ ...

بكل الود
ثناء

[شادي]

أصدقائي الشعار شفيق وثناء

بالنسبة للشاعر شفيق بشكره على إبدا رأيه بالشاعرين أسامة السمرة (( أبوخليل)) و أبوعلي البلوداني ، وبحترم رأيه
كتير كتير ، وانا بوفقوا بس بحب ضيف بعض التوضيح :

الشاعر أبو علي البلوداني شاعر مابيحضر بنوب يعني شعرو إرتجالي 100% وقليل من الشعراء يلي ما بيحضرو ،
لذلك بالتلاقي القوافي تبعو سهلة ببعض القصايد أكيد مو كلها طبعا .

أما الشاعر أسامة السمرة شاعر بعمنى الكلمة وفي حفلة إلوعجبني فييها مع الشاعر الكبير زين شعيب (( أبوعلي)) ،
وبصراحة قد ابدع إبداع كبير ،

بالنسبة للصديقة ثناء ما بقلها غير تكرم عيونك عن قريب لح نزل قصيد للشاعر أبوعلي البلوداني،
وحفلة لأسامة السمرة مع زين شعيب .

مع خالص حبي إلى جميع الأصدقاء والشعار..........

[شادي]

قصيد للشاعر أبوعلي بلوداني

خليك يا شعب العرب مخمول ...................................لا مبدأك علمي ولا إنتاجي
كلو بيحط اللوم عالمســـؤول....................................حاجة مزلّة ومهزلة حاجـة
الدم الفلسطيني يسيل سيـــول....................................ودم العراق صار أمـــواجِ
يا سيف خالد لو كنت مسلـول....................................أو ذو الفقار المطعّم العاجي
الدم الأميركي بنشربوا بقبـول....................................أطيب مانشرب شوربة ماجي
أحمد ياسين المقعد المشلــول....................................ما بيملك غير دراجــــــــــة
ما إلوا حصة بثروة البتـرول....................................ولا فرش قصرو كان ديباجي
حتى بليالي الحمر مش مشغول.................................بالخمر أو بعيون غناجـــــي
كان في حبل الإلاه موصول....................................يسهر على شمعة وعلى سراجي
المشلول بيقاتل شارون الغول...................................ومتهم بالإرهاب إحراجـــي
والأغلبية واجهة وفحــــول.....................................والقوي يقوى وياكل الجاجة
روحوا البسوا متل النسا مريول ...............................إلكم عرض أزياء مكياجـــي
مافي قدم خاين لشعبوا تزول....................................إلا على جهنم الوهاجـــــــة
مرحوم يا أحمد ياسين عطول...................................دمك درع للقدس وسياجـــي
وهالشلل ريتوا الخاينين يطول.................................ولو هالدعاء بيزيد إزعاجــي
بلكي المرض بيذكر المحمول..................................ما صفي بالميدان يا فلسطـين
..................................إلا الي مقعد فوق كراجي..................................

بشارنا رمز بعروبتنا
وأحمد ياسين رمز بقضيتنا
يا أمة الأسلام يا أمة القرآن والأبرار
.الشام كعبة بعد قبلتنا
يا أمة الإنجيل والأحرار
الشام بعد القدس آيتنا
معقول كردي عالوطن مايغار
وجدو صلاح الدين قضوتنا
معقول مسلم ما يصون الدار
وينسى الإمام علي حجتنا
بالشام ما بيصير استهتار
منبت خلافتنا وقيادتنا
والمسيحية بموقف الأنصار
ودروزنا مقتل الاستعمار
السلطان أطرش بطل ثورتنا
يا بوش لا تهدد رئيس بشار
بشار بيمثل كرامتنا
حافظ أسد بنكللوا بالغار
رائد القومية بسيادتنا
شارون يا سفاح يا غدار
أحمد ياسين مصدر لقوتنا
الله أكبر قوة الجبار
غزوة بدر منشأ عقيدتنا
أديش كانوا المشركين كتار
الله صدق وعدو بعزتنا
واليوم شو ما صار يا بشار
عندك ثقة كبيرة بوحدتنا
البيهم مانلبس تياب العار
يا بوش لاتطمع بسوريا
انشالله قبر جيشك عجبهتنا

مافي ولا دولة مستقلة ........................مسموح تحكي وصوتها تعلّي
دولة بقواعد بوش يخزلعين...................هيدي بوجود الجيش محتلة
ودولة فقيرة ومدت الأيدين....................تنتظر بوش يحط بالسلة
ودولة تريد مسامحة بالدين...................وتعطي تنازل أد هالغلة
ودولة تعطيهم نفط قرنين ....................بشرط الأمير يظل متولي
وهلئ إجا الإرهاب عالحالين ............... وعملوا ابن لادن حرف علة
الملة عمر هو واسامة اتنين...................ضد الشرق والغرب يا دلي
ميتين دولة طالبة الرسين....................لو غضب الله بس مايزعل بوش
.........................لح يمنعونا نصوم ونصلي.......................

عشقوا أمركا بنت جهلانة ...............................وبغداد حية سم ملياني
صدام مجرم وانحكم إعدم...............................وبوش انساني وجداني
مع جيش طوني بلير والحاخام...........................كوري واسترالي وياباني
وجيش الكويتي ما بقى ينلام............................ضد العراق وحشد أسباني
ممنوع مقاوم يدخل من الشام ..........................والسعودية وحمى الإيراني
دخول السلاح عا فلسطين إجرام.......................وفي دول بتيسر لإسرائل
...........................وفيها سلاح تدمير عدواني.........................

...............................................

صديقكم شادي

[حيدرا]

يسعد دين النفظك على هالبزرة
أبو علي البلوداني هو البطل في العتابا وأراهن أنه لا يوجد أي شاعر بيقدر يغلب أبو علي
حرام على النعم الله العين نعمي والشوكة الجارحة بهالأرض نعمي
وإذا شوفت شـــــــــــادي نعمي بكونوا أهل المنتدى منجم من ذهب

[حيدرا]

[size=5][size=5][size=5]الشاعر أبو علي البلوداني هو من أقوى الشعراء وبنقدر نقول إنوا البيت اللي بقوله ما بعيدوا مرة تانية وكل القصائد تاعوا قوية

حتى مطلع الأوف مختاف تماما عن باقي المطربن والشعار فهو تحدى كتير من الشعار في الحفلات وللوقت الحالي ما إستطاع أحد أنو يغلبو حتى المرحوم صالح رمضان والحسواني [/size][/size][/size]

[Firas H]

في البداية شكرا على الموضوع
وما في شك أنو الشاعرين من الشعراء الكبار والمعروفين على مستوى سوريا
ويمكن أنا كان إلي حصة أكبر إني تابعهن عن قرب على إعتبار أنو الشاعرين جيراني بالزبداني

وفيني قول بهالمجال بالبداية عن أبو علي باعتبار أنو الأقرب أنو بيعتمد على الإرتجال بشكل يكاد يكون كامل وأنا حاضرلو أكتر من مناسبة ارتجل فيها شروقيات كتيرة وقصايد صداها باقي لليوم

ولكن مع هيك سلاح الإرتجال أنا بعتبرو سلاح ذو حدين لأنو في بعض المناسبات اضطر أبو علي لتغيير القصيدة أو القافية أو الردة وهاد الشي كان يترك بعض الأثر النفسي السيئ بالنفوس ولكن أنا بعتبر أنو أبو علي لا يبارى بالإرتجال

وأبو علي أحيا كتير من الحفلات في منطقتنا مع شعراء كبار ومعروفين وأجمل الحفلات باعتقادي هية حفلة وادي بردى مع الزغلول والزين والياس داغر لانها شهرت أبو علي وأطلقتو بشكل لافت وبذكر القراديات اللي فيها
أبو علي ......... زغلول بتمثيل الفلم .......... دوري دور البطولة
................... بين الحرب وبين السلم ...... سهامي فيكن مشكولة
.................. فيي النخوة وفيي الحلم ........ لما بتسأل عا أصولي
.................. ان كنّي مسلم شيخ العلم........ ولو كنت مسيحي خوري

الزين ............ شيخ وخوري هودي عيب .... تذكرهن في ميداني
.................. نحنا منعبد وحي الغيب ........ من الإلهام الرباني
.................. جاية وعم تضرب عن صيب ... وما بتخجل يا بلوداني
................. لازم تعرف زين شعيب .......... أنكح من طير الدوري

الزغلول ....... يا بلوداني هالوسواس ........... بدنا نشيلو من عينيك
................ عنّك عم بيقولوا الناس ........... ما كان لازم تحكي هيك
................ لما مننزل عالمتراس ............. بجيب الشيخ يصلّي عليك
................ بعمل خوري بالقداس ............ عليك بشعّل بخوري

ومن الحفلات الحلوة لأبو علي حفلة ( كفر العواميد) مع رفعت مبارك وزين شعيب


الشاعر أسامة السمرة شاعر بيعتمد عالتحضير بنسبة 99 بالمية يعني نادرا ما بيطلع عن النسق المعروف عنو ولكن بلا شك الحضور الكبير على المنبر خلق منو اسم كبير عالمنابر
وأنا بعتبر أنو أخد مجال مع شعار أكتر من أبو علي وأجمل الحفلات لأسامة هية الحفلة مع رشاش القوافي سيد زجل لبنان السيد محمد مصطفى في دوما وحفلة (الحوش بجّد) وهي إحدى القرى التابعة للزبداني مع الشعراء طليع حمدان والياس داغر وحفلة (عين الخضراء)مع أبو علي زين شعيب
والحفلة الأخيرة عطى فيها أسامة كتير وبذكر منها

الزين ............. أسامة نحنا صواريخ ........... لكن ما نحوم عليك
................... ومش نحنا بفخر التاريخ ........ نفرجيك الموت بعينيك
.................. طول وعرض وسيف وسيخ .... ولو عندك أكتر من هيك
.................. نجمات الفوق المريخ ........... باصبع زين بينطالوا

أسامة ........... يا زين من سرير الطيش ........ فيق وشبشب تشييخك
................. اصبعتك ما بتهزم جيش ......... صحّح كذبة تاريخك
................. بتتعب وبتتعبنا ليش ............. بتاريخك وصواريخك
................ صواريخك متل الفتيش .......... وتاريخك ضيّع حالو

ولكن أسامة في آخر فترة صار عندو نوع من الغرور شوي يمكن بسبب كبر الشعراء اللي باراهن وقدر يجاريهن يعني بذكر بيت لأسامة من ردّة مع فيصل الصايغ بحفلة (الروضة) بيقول فيه على ما أذكر

هزمت كل شاعر قوي وشاعر فظيع ............ السيد وموسى وأحمد وزين وطليع

وهالبيت تكرّر بكتير من حفلاتو يمكن لهاد السبب بالإضافة للحوادث المرافقة لحفلتو مع السيد في دوما _ وهون شفيق بيعرف أكتر مني_ يعني خلاني فضّل عليه أبو علي

ولكن بالرغم من هيك الشاعرين كبار وعطوا كتير بالشعر

وبالنهاية شكرا وآسف على التطويل


فراس حبالتي
الزبداني................... سوريا

[شفيق]

شكرا إلك يا شادي ...فعلا قصائد معانيها حلوة ...بس متل ما قلتلك لو يهتم شوي زغيرة أكتر بالوزن وبرجع بقلك هاد رأي مناصر صغير للشعر ولابو علي ...


وللمعلومة ..أبو علي البلوداني أكتر شاعر حبّيتو بين شعراء سوريا وشعراء لبنان ...

بس بتمنّا لو يتأني أكتر عا مظهر القصيدة......


وأكيد أبو علي شاعر العتابا الأول ..بسوريا ولبنان .....

[شفيق]

وشكرا أخ فراس كتير على هالمشاركة الحلوة .....

وعلى ذكر الحفلات ...

أسامة السمرة بحفلتو مع السيد ...ساوى عمل بصراحة غير لائق ....

يعني شاعر كبير متل سيد زجل لبنان السيد محمد ..تنازل ورضي يتبارى مع أسامة .. بينما أسامة ما أعطاه ربع حقو وقيّدو بالموضوع ...بالقران والنبي والعذرا..يعني بكل السر والجهر ما في غير هالقضية ...أسامة كان محصور كتير بالأفكار ..بس السيد كان يلحقو ويسايرو ......

وغير هيك أنا لاحظت أنو اعتبر حالو من وزن السيد ...وادّعا أنو ربحو ...بغض النظر عن أي شي ...ضمير الأنصار بيرفض فوز أسامة ...

وكيف لو بتلاحظوا عالفلم ...كيف كان المصوّر يصور الجمهور وقت يزقف بس وقت يغني أسامة بينما على دور السيد كان يوطي صوت زقفة الجماهير وما يصوّرهم ...وهاد عمل قبيح .......وهاد غير نزع المكرفون تبع السيد أول الحفلة وغير الشلة اللي جايبها أسامة معو للتزقيف...

بينما السيد دخل عالحفلة بكل وقار وهيبة ...


وكيف السيد ختم الحفلة بقصيدة نزلتلي دمعتي ...

تبع يمكن


إجاني هاتف بساعة مماتي.. ومدري شو ...لعند

حفلة....باخر حياتي ........ختمتا لشعب سوريا لأنو

..............ختم للانبيا السيد محمد..........

هاد شعر.. هاد تواضع ....




المهم ...أنا أكتر حفلة بحبها لأبو علي هيي حفلة بلودان


طليع حمدان عادل خداج رفعت مبارك أبو علي بلوداني ...


وقت بتبلش المعركة تحمى من عند ردة رفعت..

بدي ردد اهاتي ...........عا هيكي سرب

يللي نسيو ضرباتي.......لو اشتد الضرب

وكيف بتنسو جولاتي.......في يوم الحرب

قلوب الإعدا بساحاتي........بعملها فطور


أبو علي ::

يا بن بلودان تقوى.....قبالك فرسان

بتطعّج وبتتلوى .......متل الغزلان

بضرب العصايي تروى....وهز الأكوان

وسوّي أكتر ما سوّى......موسى عالطور



طليع ::


بلودان بأحلى زيارة..........علينا بتغار

بتعرفنا من هالحارة.......ومن أهل الدار

انكنّك أنت الطيارة...........نحنا الطيار

انكنك أنت السيكارة.........نحنا الزرزور



عادل::


سوريا أرضي برحلي....وتارك لبنان

بدي بكلمة تسمحلي......بين الأخوان

كل ما الدهر تنحنحلي....وطيلقت عنان

شو بدها تساوي النحلي....ان هاج الدبور


رفعت::

ما زل هيك تصرفتو.....بسوق الميدان

ياما وياما تلهّفتو.........بساحة زيدان (((ما فهمت شو بيقصد بزيدان أو مين بيقصد))

وابن بلودان عرفتو......شيخ الفرسان

تنعشر مرة كتفتو........وبعدو مغرور


أبو علي::

من طعناتي ما صحّو ...تلاتي شعار

صاروا يعنو ويطحو.....من كي النار

ومن درب الزير تنحّو....لو مرة ثار

بخاف تدوبو وتتمحّو....متل الطبشور



طليع:::

الطعنات بصدرك خبي....وكرمي مليان

نقودني حبّي وحبي ......انكنك جوعان

وحياة الناس وربي .....وأرض بلودان

بطلع قد المتنبي.........وأنت الكافور



عادل:::

سوريا بوقت الشدي.......أنتي الإيمان

أنتي الكون بتتحدي......مع بو سليمان

وموسى عالطور بودّي......شعّل نيران

وطورك هالليلي بدي......اطفيلو النور...

وبهالحفلة كانو التلات شعراء ضد أبو علي ....



شفيق

[آصف]

شادي .... حيدرا ..... فراس
بما انكن متولعين بهالاسمين الكبار يلي هني بو علي البلوداني واسامة سمرا
الحقيقه بو على البلوداني أول مرة بسمع فيه بين اسماء شعراء الزجل وبعرف انو بشعر الزجل مابيصير تكرار القافية لابالارتجال ولا بالتحضير وهالقصيدة يلي قريناها لبو علي شفنا فيها اسم بشار مكرر كزا مرّة ياهلترى هالخطوة واردة بشعر الزجل او مكررها كرمال الزقيف وتمسيح الجوخ
اما اسامه سمرا سمعتو مرة وحدة بحفلة عرس اسمها ( الحوش ) .. مع طليع حمدان واسعد سعيد , وكان الموضوع بين الحاضن والمحضون.... :
بحب استفسر منكن بما انكن متولعين بهالاسمين كتير عن ردة غناها اسامة سمرا ... وشو مصدرها الحقيقي ؟؟؟
حافظ علّمنا للضيف .......... عَ كفوف العفة نشيلو
بس انجرَّب يسحب سيف........... بحط الموت مقابيلو
هون طليع حمدان بيقاطعو بعد تهربو من وزن المعنّي , وبيقلّو :
ضلّك عَ المعنّى يا قنديل انطفا ..... وكنت استحي لوكان في عندك وفا
هالردة اللي قلتها مش ردتك ......... ردة ( بو روكز ) لَ ( محمد مصطفى )

[شفيق]

أهلا فيك أخ اصف بقسم الزجل معنا ....


بشعر الزجل خصوصا ما في شي اسمو ما بيصير أو ممنوع ما عدى كسر الوزن وإلغاء قافية الحرف الأخير ...
بس في شي للاحتراف وفي شي للكتابة العادية....
والشاعر إلو حرية الاختيار بس أكيد المحترف غير اللي بيكتب بمظهر عادي لأنو المظهر والجوهر نصفين أساسيين بالقصيدة...

وبخصوص كلمة بشار ....
لاحظ أوّل مرة ...مقصود بكلمة بشار ....مبالغة اسم فاعل ....مو اسم
بس بشار التانية ..مقصود فيها اسم ...
يعني هالعمل إذا اعتبرتو ممنوع هوي صح .....
وحتى شعراء كبار متل السيد محمد الله يطول بعمرو ...مرة عندو ردة ..

على قافية سقط ...

زاد تلات أبيات على كلمة نقط ..وباختلاف بسيط كتير بالمعنى ......يعني هالشي فيك تقول بيصير.!!!

وخليل روكز الله يرحمو...كانت نص قصائدو وبالذات بكتاب حرمان وابن الحرمان كان يذكر القافية مرتين ..بس كلمة وحدة مو أكتر ...لأنو مرات المعنى الحلو لازم يفرض عالشاعر بعض التنازلات ..!!

وأهلا وسهلا فيك مرة تانية بيناتنا يا أخ اصف

أخوك شفيق

[شادي]

أهلين بالسيد آصف

بشكرك على مشاركتك :
بشكر الأخ شفيق على توضيحه بس بحب زيد على ما قاله وبحب وضح للأخ آصف :
بيكفي أنو الشاعر أبوعلي لما بيكون بحفلة بيتحدا كل الشعار ، وكل الشعار بيكونوا ضده ، وبيطلع أدها وأدود ،فمثلا حفلة البلودان التي ذكرها لنا الأخ شفيق كانوا ثلاثة شعار ضد أبوعلي الذين هم (( أبو شادي ، رفتعت مبارك ، عادل خداج )) ، ، وغيرها الكثير من الحفلات ، وهذا إن دل فإنه لا يدل إلا على قوته ........مما يجعل الناس يميلون إليه ويشجعونه ويحبونه.
وكما ذكرت أنه شاعر إرتجالي بمعى الكلمة ومعروف عنه إنو ما بيحضر بنوب ، وقليل من الشعراء يلي ما بيحضرو
(( يعني بينعدوا عالأصابع ))
ومحدا بينكر قوة حضوره وحماسه على المنبر الذي يشعل الحفلة ويحييها ويحميها ،،،،،
وبعدين بيكفي أنو ما بيعيد بيوته ، وأنا أنزعج من الشعار الذين يعيدون بيوتهم خصوصي بالتحدي .......................هدا حسب رأي .........ما بعرف إذا شفيق بيوافقني ولا لا

الأخ آصف بدي منك طلب والي هو إنك تجبلي شاعر يتحدى ثلاتة شعار أو أربعة مع بعض وياريت تجبلي الحفلة،،،،،،
بكون ممنونك........................وشكرا

[آصف]

السيد شفيق المحترم : مهما بالغتَ بالاسم او باسم الفاعل ... أو باسم المفعول فانه يبقى اسم ,
اما بخصوص السيد محمد مصطفى : اذا كنت تعتبره مكرر للقوافي .. مع احترامي لك هذا الحديث عارِ عن الصحة .

فكلمة ( نقـط ) , اتمنى منك ان تعيدها على مسامعنا كما وردت حرفياً في المباريات مع جرجس البستاني , لتجد هنا ان كل كلمة متشابهة باللفظ ومختلفة تماماً في المعنى ..."" هذا بالنسبة لمصطفى "" .
اما ما يتعلّق بالشاعر خليل روكز : في كتابه حرمان وابن الحرمان , " أتمنى منك ان تورد لنا بعض من الامثلة ان كان كلامك صحيح .

أما بعض التنازلات التي تتكلم عنها بخصوص قافية بشّــار .. فما هي الصعوبة في تلك القافية لكي يكررها الموقر البلوداني ,...( أما قافية نقـط ) فهي من اصعب القوافي واحرجها "" السيد مصطفى لم يُحرج في حياته .

ثم انا طلبت منكم التوضيح بخصوص الردّة التي قالها الشاعر" اسامة سمرة" فلم يجب أحد ؟؟؟؟؟؟؟ .

فيا اخ شادي تعلم ان هذا الحوار الذي تتفاخر به ,,( ليس المهم بالشاعر ان يتحدى) .. المهم ان يأتي بالشعر الجميل
فمن يقرا هذه الردّات التي اتت بالموشّح ويكون غريب عن الشعر الزجلي فانه ينفر من هذا اللون الفلكلوري والتراثي , " مثلاً " :
( صاروا يعنّوا ويطحّوا ) .... ؟؟؟؟؟؟؟.
هل تعلم ايها الشاعر((( من الذي يطــــــــُـــــــح ))) , بالفعل انا أخجل ان اخبرك .!!!!!!!!!!!!!!! .

ثم ان التحدي اذا لم يكن حاملاً صيغة الجواب" كما يقول الشاعر رفعت مبارك " :

( قلوب الإعدا بساحاتي ............. بعملها فطور )
فيرد البلوداني :
( سوّي أكتر ما سوّا ............... موسى عطّور ) . فقل لي بربّك اين هو الجواب ؟؟؟؟؟!!!! .

أما في هذا الحوار فلا أجد ان سطراً واحداً يحمل الصورة الشعرية ," باستثناء الشاعر طليع حمدان عندما يقول :
( بطلع قد المتنبّي ....... وإنت الكافور ) .
فإذا كان " كما تزعم " البلوداني هو الاول في سورية ولبنان فكيف يكون الثاني والثالث ؟؟؟
اعود وأكرر .. عن اصل الردّة التي ذكرها( اسامة سمرا مع الشاعر طليع ).

ورداً على طلبكم بخصوص شاعر يتحدّى ثلاث شعراء دون ان يخرج عن الجواب " كما يفعل البلوداني وأعوانه هناك حفلة أعتقد ان اسمها " المتَين "... أقيمت سنة 1953 , وفيها تحدّى الشاعر احمد شعيب أربــــــَـــع شعراء (الشاعر أنيس الفغالي , الشاعر حنّا موسي , الشاعر موسى زغيب , الشاعر خليل روكز )
أعود وأكرر مع الحفاظ على الاجوبة من الطرفين ,, والحفاظ على الصورة الشعرية وعدم تكرار أي قافية ." حتى في القصيد "

فبينما يتوجب علينا في عصرنا الحاضر ان نرتقي بالشعر الزجلي ونطعّمه بالثقافة والعمق الفكري ؟؟. نجد ان من تتمثلون بهم يشدّون بهذا اللون الى الهاوية , وهذا الشيء يتنافى مع الشعر الفصيح .

أما قصّة الحضور والحماسة والتحمية .. هذه حجج تأتي في أخر إهتمامات المنبر الزجلي , الذي لايحتفظ سوى بالفكر التجديدي والعنفوان العميق والصورة الجميلة .

" آصــــــــِـــــــف "

[شفيق]

عــــــال كتير يا اصف ...تكرم عيونك::

من كتاب دموع الطير ...أبو روكز بيقول ((وأنا من أشد محبي خليل وعم بستشهد بشعرو ما عم ذم فيه)) :::


أول القصيدة :::

كنت اضحك قبل ما عني تغيب,,,,,,وبغيبتك خلّيتني حبّ البكي

بيختمها ...

..............ومنين بدها العين تجمعلك بكي....................


وبنفس الكتاب ..بقصيدة ...يا سائلة عنّي ...

بيبتديها ...ب يا سائلة عني وعن حوالي وبيختمها بنفس الجملة ......ونص قصائد خليل كان يستخدم هالأسلوب ..ولا تقلي أنت مو هيك بتقصد ..لأنو هي خليل كرر القافية وكرر الجملة كلّها ....

وبقصيدة يا جارة الوادي ....باكي مرتين ...


وبكتاب الأسرار بقصيدة أنا ورباب بالعيد ...

بيقول ....بردان قومي دقّري خلف البواب
..............وبيقول..........وبيزورنا وبيفتح علينا البواب

وبنفس الكتاب ...بقصيدة خيال

بكير كان الفجر شي أنّو مشي

وبيرجع ....وبين فجر وصبح دشرني ومشي

وبقصيدة حلمين

بصحرة سراب مغبّشي أنتي وأنا

قانعين بحالنا أنتي وأنا



وبكتاب ابن الحرمان

بقصيدة المغتربين ...

ارجعو يا غايبين على وطنا

برجوع المهاجر عا وطنّا


وبقصيدة بحبّها ...

تحرجولي موقفي أمري إلي

عمري إلك يا خالقي وقلبي إلي

وبقصيدة ..وتقول ما بتحبني


ضحكت وقالت أنت ما بتحبّني

غني وقولي أنت ما بتحبني



وبقصيدة شعرك

شعرك الكان يلفني وينام

حتى يشبع جوعتو وينام

وبقصيدة هربان

شاعر غريب وما بقا عندي حدى

وإلا خيالك ما بيدخلها حدى



والكثير الكثير وإذا بدك كمان بنزّلك كمان ...



وبخصوص السيد محمد ...أنا أكتر شخص مناصر للسيد محمد ..يعني لا تزايد عليي بمحبتو وتقول أنو انحرج ...

أنا بدي وصلك فكرة ...أنو تكرار القافية على فرق بالمعنى ولو بسيط صحيح ...

وهي الردة ...ردة السيد مع أحمد السيد .....وقت بيقول ....

غربال صفّاها بأمر عادل حكيم.........حتى علينا وعالزرع نزلت نقط

بيعيد .....عهالمفرق نقط ..((نقط عسكرية))

دفعنالو عهالزودة نقط ..((نقوط العريس))

ونقط ونقط ونقط ..وكل وحدة بفرق بسيط .......


وأنت عن أي مباراة للسيد عم تحكي مع جريس.....بيت الدين ...أو الوردانية ..أو الزهراء؟؟؟؟؟



وبخصوص أسامة السمرة ...أنا ما بقبل أنو حط حالي محامي عنو لأني غير مقتنع فيه من الأساس..

وأنت كتبت الردة بشكل غلط ....تاني شطر ...بيقول ...خليك صافي متل شلال الصفا ...وأنا غلطتك هي سمعتها من شاعر صديق........

وحتى أبو علي كشخص ادمي كتير وشاعر حقيقي بس التجارة بمظهر الشعر نزعتو ....بس بموضوع الشعر أنا ما بتفق معو .....لأنو جماعة شعراء ريف دمشق بيعتبرو حالن بمدرسة خاصة بلهجتهن ....




وبخصوص ردة أسامة مع طليع أنا سألت واحد بيعرف أسامة ...قلي أنو الردة اللي قالها هيي ..

معقول معنا سيئاتك ينمحو.........بس الفرق بيناتنا ما بينمحي ....وهي ردة خليل للسيد ..

بس القرادية ما جبلي سيرتها....



وبخصوص حفلة المتين صارت عام 1959 ....مو 53 ...وأحمد شعيب تحدى فقط ...شحادة الفغالي ..وحنا موسى ...وخرج عن الجواب ...أكتر من مرة وهنن خرجوا ...بس مرات جاوبو ومرات لا......



وبخصوص الارتقاء بالمنبر الزجلي هي وظيفتنا يا أخ اصف ...وواجب علينا كلنا نطعّمو من قواعد الشعر الفصيح مو من الشعر الفصيح .....ولازم نبطّل نستخدم القوافي ونمطّها تتصير عالأوزان ...مثلا ...كلمة ...حقلتو ..من الغلط أنو تستخدمها بالقصيد .وهي السيد حبيب قلبي استخدمها ...وأنا استخدمتها مرة ...بس بالرغم من هالشي هاد شي غلط....ومثلا استخدام الزحافات غلط ...واستخدام الكسرات مثلا وضع الفتحة محل السكون كمان غلط ...وتنقيص الحرفين من أول ردة المعنى غلط ...وتنقيص حرف من القصيد كمان غلط ...ولفظ الواو ...أو ..بدال و كمان غلط .....ولفظ كلمة الشعب ....بتحريك العين كمان غلط ...

بس أنت عم تحكي بلغة عامية فلذلك كلو بيجوز ....بس كل ما الشاعر تقيد كل ما نجح أكتر ...


وبخصوص التحمية ...هيي سر نجاح الشاعر ......هلق برأيي ...أكتر شاعر نجح عالمنبر بالجيل التاني هوي السيد محمد المصطفى لأنو في وراه جمهور قوي والسيد بيغني بنبرة حماسية كتير وجمهورو فهم عليه ....

وأكتر شاعر نجح بالجيل التالت هو طليع حمدان ..لأنو كمان جمهورو قوي وصوتو حماسي وحلو .. ....ومتل ما بيقول جريس

لكن لأنو فيك ملزومين .......بيزقفولك قبل ما تغني

وبغض النظر إذا كان هالشي منيح أو لا....بس هاد سبب نجاح طليع ونجاح السيد .......


والزقفة مرتبطة بالكلام الحلو ....فإذا الشاعر كان كلامو حلو ...رح ياخد الزقفة ..وإذا كان لا ما رح ياخد زقفة ...وإذا كان كلامو حلو ..وما حدى زقفلو ..بيكون يا المشكلة من الشاعر نفسو أو من جمهورو ........


وعلى فكرة الشاعر حسان بسطاطي اليوم من الصدفة سألني عنك وقال أنو لازم يتعرّف عليك

[البلوداني وبس]

وهل يخفى القمر

الشـاعر أبو علي ميـن ما بيعــرفو ،،،،،، الشعّـــار بسمـــاع اســمه بيرجــفو
وركابهم من الخوف صارو يقصفو ،،،،،، ومــا عـــاد بـيتٍ فــي حيــاته ألّـفو
وكسّــار روس بــيـبقى بالإرتجــال ،،،،،، لكـــن عند المقـــدرة بيـعمـل عـفـو

[شفيق]

تحيّة إلك حبيب قلبي ..

وشكرا على مرورك

أنا قسما بالله كل يوم عن يوم عم تزيد محبّتي لربّ الارتجالي أبو علي البلوداني ...
وبهاليومين انشالله بدّي نزّل حوار ارتجالي بيني وبين أبو علي ....

وبدّي رأيك

[البلوداني وبس]

ال وبخصوص أسامة السمرة ...أنا ما بقبل أنو حط حالي محامي عنو لأني غير مقتنع فيه من الأساس.. ال

(( هههههههههههههههههههههههههه)) ضحكتني ومالي نفس أضحك ،،،،،،
مع أحترامي إلك مين أنت على شان تقييم شاعرنا الكبير أبوخليل ،،،، يا حبيبي أنت وين والشاعر أسامة وين ،،،،
لك أسامة جد جد جد جد جدك بالشعر

بس أهم شي تكون مقتنع بحالك ...................ههههههههههههه أمّا مهزلة صحيح

ياكلمة الحق والصـدق عمّو ،،،،، وعمّو لعيون الأعداء عمّو
أبو خليل لشفيق بيكون عمّو ،،،،، وجد جدّو بالشعرانحسب



وبخصوص هالردة الي كان فيها مع الشاعر أبو شادي بتمنى أني اسمعا على شان اتأكد ،،
وبعدين السيد آصف تأكد من الردة بعدين حكي ............

والله العظيم شي بيرفع الضغط