03-01-06, 11:08 AM
أول لقاء بين جوقة الجبل وجوقة زغلول الدامور ...وكانت ::
جوقة الجبل
خليل روكز
السيد محمد مصطفى
موسى زغيب
وجوقة زغلول الدامور
زين شعيب
زغلول الدامور
جان رعد
الجولة الثانية ::
السيد ::
بعام المضا قمت بشمالي قيمتك..........وتركتك على الكرم ناصب خيمتك
وبعد الفشل والمحل عالموسم دخل.........بنص الحصيدة شو بتنفع غيمتك
زغلول:
بعام المضى وهلق وعا طول المدى........بتفلح بتزرع رايحة تعابك سدى
رح شوّفك من غيمتي طوفة شتي..........وردك على بيتك لا غلّة و لاحدى
سيد:
غيم الطبيعي شغلة معلم قدير............وغيم اصطناعي عندك يكلّف كتير
بحري يخلّف بحر تا يشتّي على.......زرع البسيطة وصار يضحك عالغدير
زغلول::
كانت زنابق مار يوسف صالحة..........وعاشت على ضفاف الغدير الصالحة
وعند العطش نقطة المي من الغدير...........بتسواك وبتسوى البحور المالحة
سيد:
مية غدير شو بدها تشري وتبيع.........مش كل بحر الملح في موجو فظيع
في عصر يوسف طوّفو بحر الحلا.........ولبس أراضي اليابسة بدلة ربيع
زغلول::
لما شعب فرعون بالجوع ابتلا........الله أمر سر المشيئة يكشفو
يوسف سميّي طوّف بحور الحلا......وأنت البحر من خلقتك بتنشّفو
السيد:
بين الغدير والبحر موضوع المعك......يوسف بعصرو وأنت هوني بموضعك
يا بتثبت الغدران أقوى من البحور..............يمّا عا كومة جمر بدي ركعك
الزغلول::
الجمر انطفا بميّة غديري الناقيي.........وما أنت إلا ساقيي مش ساقية
واللي بيبلع بحر بيقول المتل............بهالاخرة مش رح يغص بساقيي
السيد::
شو خصني من الساقية حاجي تحور......أنت الغدير مش عقد جوات النحور
مرّة وقف ضفدع على حفّة غدير............بطنو نفخها وقال نشّفت البحور
زغلول::
خود البحر يلي بعمرو ما حلي.........وخلّي الغدير وميّتو الحلوة إلي
عن ضفّتي بتضل أصغر ضفدعة.......عا سلطعون البحر تعمل بو علي
السيد::
حضرتلك بحر الحلو تا ترشفو.......ما استطعمت فيه ولا قادر تكشفو
معبّى كنوز وجوهر لشاعر كبير......وعشواطئو زت اللي أنت بتعرفو
زغلول::
أنت افتريت وما حدى عليك افترى.......ومن معدنك ما شفت جوهرجي اشتري
وين البحور العندك ووين الكنوز.............عرفنا المخبّى بس شفنا المسطرة
السيد::
مساطر ثمينة ما عرفت مقامها............شاعر عدل حاكم على اعدامها
وعين الغدير لو شافت البحر الكبير.......بتشوف شو خلف السما وقدامها
زغلول::
بعين الغدير وقفت بحرك اوزنو..........خليت عينيي عا حالك يحزنو
شفت شو خلف السما وقدامها............وما شفت هالدر اللي أنت مخزنو
السيد::
شفت السما ودري عا بابك ما طرق........هيكي عصر فرعون مع موسى مرق
ما كان يأمن المعاجز كلّها.......................حتّى بموج بحورنا لفّو الغرق
زغلول:::
كان بعصر فرعون موسى مش معو.........أخصام كانو وبالبحر يتصارعو
واليوم ما عدنا نامن بالسمع...............ما منعترف بالشيئ حتّى نقشعو
محمد::
هالأنبيا وهالرسل كانو يخضعو..........للرب هودي منين قشعو موضعو
ونحنا بأسرار المسيح مأمنين..............اترك مسيحك ونتظر تا تقشعو
زغلول::
من جهّتي عالانبيا ما بدعي..........وما بعترف إلا بلمسة اصبعي
وامنت في سر المسيح على السمع......من حيث يللي سلّمو شفتو معي
محمد::
مرّة قلت ما بامن برب التقى..........وين علقت امنت حاجتها بقا
تنقّلت بالموضوع معنا مرّتين.........مش بس بدّك حبس بدك مشنقة
زغلول::
احبسني اشنقني هالحكي معروف مين.......المجرم ومستاهل قصاص الحاكمين
لكن أنا بالقلب بدي علقك....................من شان ربي فيك كل المجرمين
وإذا حبيتو مننزلكن القصيد,.؟!!!!!!
جوقة الجبل
خليل روكز
السيد محمد مصطفى
موسى زغيب
وجوقة زغلول الدامور
زين شعيب
زغلول الدامور
جان رعد
الجولة الثانية ::
السيد ::
بعام المضا قمت بشمالي قيمتك..........وتركتك على الكرم ناصب خيمتك
وبعد الفشل والمحل عالموسم دخل.........بنص الحصيدة شو بتنفع غيمتك
زغلول:
بعام المضى وهلق وعا طول المدى........بتفلح بتزرع رايحة تعابك سدى
رح شوّفك من غيمتي طوفة شتي..........وردك على بيتك لا غلّة و لاحدى
سيد:
غيم الطبيعي شغلة معلم قدير............وغيم اصطناعي عندك يكلّف كتير
بحري يخلّف بحر تا يشتّي على.......زرع البسيطة وصار يضحك عالغدير
زغلول::
كانت زنابق مار يوسف صالحة..........وعاشت على ضفاف الغدير الصالحة
وعند العطش نقطة المي من الغدير...........بتسواك وبتسوى البحور المالحة
سيد:
مية غدير شو بدها تشري وتبيع.........مش كل بحر الملح في موجو فظيع
في عصر يوسف طوّفو بحر الحلا.........ولبس أراضي اليابسة بدلة ربيع
زغلول::
لما شعب فرعون بالجوع ابتلا........الله أمر سر المشيئة يكشفو
يوسف سميّي طوّف بحور الحلا......وأنت البحر من خلقتك بتنشّفو
السيد:
بين الغدير والبحر موضوع المعك......يوسف بعصرو وأنت هوني بموضعك
يا بتثبت الغدران أقوى من البحور..............يمّا عا كومة جمر بدي ركعك
الزغلول::
الجمر انطفا بميّة غديري الناقيي.........وما أنت إلا ساقيي مش ساقية
واللي بيبلع بحر بيقول المتل............بهالاخرة مش رح يغص بساقيي
السيد::
شو خصني من الساقية حاجي تحور......أنت الغدير مش عقد جوات النحور
مرّة وقف ضفدع على حفّة غدير............بطنو نفخها وقال نشّفت البحور
زغلول::
خود البحر يلي بعمرو ما حلي.........وخلّي الغدير وميّتو الحلوة إلي
عن ضفّتي بتضل أصغر ضفدعة.......عا سلطعون البحر تعمل بو علي
السيد::
حضرتلك بحر الحلو تا ترشفو.......ما استطعمت فيه ولا قادر تكشفو
معبّى كنوز وجوهر لشاعر كبير......وعشواطئو زت اللي أنت بتعرفو
زغلول::
أنت افتريت وما حدى عليك افترى.......ومن معدنك ما شفت جوهرجي اشتري
وين البحور العندك ووين الكنوز.............عرفنا المخبّى بس شفنا المسطرة
السيد::
مساطر ثمينة ما عرفت مقامها............شاعر عدل حاكم على اعدامها
وعين الغدير لو شافت البحر الكبير.......بتشوف شو خلف السما وقدامها
زغلول::
بعين الغدير وقفت بحرك اوزنو..........خليت عينيي عا حالك يحزنو
شفت شو خلف السما وقدامها............وما شفت هالدر اللي أنت مخزنو
السيد::
شفت السما ودري عا بابك ما طرق........هيكي عصر فرعون مع موسى مرق
ما كان يأمن المعاجز كلّها.......................حتّى بموج بحورنا لفّو الغرق
زغلول:::
كان بعصر فرعون موسى مش معو.........أخصام كانو وبالبحر يتصارعو
واليوم ما عدنا نامن بالسمع...............ما منعترف بالشيئ حتّى نقشعو
محمد::
هالأنبيا وهالرسل كانو يخضعو..........للرب هودي منين قشعو موضعو
ونحنا بأسرار المسيح مأمنين..............اترك مسيحك ونتظر تا تقشعو
زغلول::
من جهّتي عالانبيا ما بدعي..........وما بعترف إلا بلمسة اصبعي
وامنت في سر المسيح على السمع......من حيث يللي سلّمو شفتو معي
محمد::
مرّة قلت ما بامن برب التقى..........وين علقت امنت حاجتها بقا
تنقّلت بالموضوع معنا مرّتين.........مش بس بدّك حبس بدك مشنقة
زغلول::
احبسني اشنقني هالحكي معروف مين.......المجرم ومستاهل قصاص الحاكمين
لكن أنا بالقلب بدي علقك....................من شان ربي فيك كل المجرمين
وإذا حبيتو مننزلكن القصيد,.؟!!!!!!
ماحدا يزعل.... 