رد راجح على دعوة الأخ رامي خوري!!!!!

[شفيق]

اذا بيرجع شريم بقص راسو ** بخلي الموت يطلع عاقياسو
لأنو شاعر مهزهز مهلهل ** منسل كنزتو مجنزر نحاسو
وأنا البشعر بوزيد المهلهل ** بشاكوشي رح بكسر ضراسو
وهوي وجوقتو وكل مين هلهل**لغيري بخنقوا بطوفان شعري
********** وبزعقة هيبتي بلعن فطاسو


واذا بشار جاوبني برصو* وبين المنبر وبيني بعصو
بخلي الدم منو نهر سايل* ودبابير الضعف بدها تمصو
أنا سيفي أنا عالكل طايل * الفطاحل عند ما بينت غصو
أنا بعمر الأرض عمري بجايل*الشعر وبسطوتي أقلامي اختصوا
الزجل قللي أنت بالحق عايل* وشفيق المابيطلع نص دكه
************قوم احروق نصو وكب نصو


ولبسطاطي بقلو دير بالك*لأني صرت عمطقطس قبالك
وبعدمامحيت صعلوك المعنى *عمر جهزت حالي عارجالك
السيف للي كبر راسك استنى * ونطر تايفوت عاحلبة مجالك
صفي قبالك ووج بوج غنى *وقطع من قبتك خرزة دلالك
وهلق وقت ما يفز المكنى *بغول الشعر بدك خوف منو
تشق الأرض وتفوت بخيالك

[شفيق]

واذا هالحيدريي عالتحدي * بتنزل بعمل الموضوع جدي
وبحرقهاع بلان القوافي * متل صوص نتفت ريشو بيدي
ضعيفه وضعفها ماعاد خافي * متل عود الرفض انو يندي
بس بتدعي شعر وثقافه *وهيي فرنك عالمسرح مصدي
وانا ن هزيت عالمنبر كتافي * الشمس من جوها بتنخ حدي
و زأيري ن هاج من فتحة شفافي *ببلع كل شعار المنابر
وعبونورس بكفي بفرد ردي

[شفيق]

هديك القصائد ...هيي ردود راجح ...

[شفيق]

وهي ردودي


يا راجح أنت من أية قبيلي ..............حروفك مزعجة ,,فكارك هزيلي

مهما تكون بدي ضل قلك............................البخيلة بدها تبقى بخيلة

ما حلّك ترجع قبالي ما حلّك......................تلات مرّات غرقتك بنيلي

وشريم الأبي بالشعر ذلّك ...............ورجوعو صوب موقعنا يا راجح

..................... بيسوى راجح وهيكي سليلي


وبشّار الأبي بينو وبينك .....................مسافة صعب توزنها بعينك

هوّي شاعري وبالشعر ناجح............وأنت بالشعر متل غراب بينك

نصب عالكوكب الشمسي مراجح.......وأنت لو متت ما بقلّك يا حينك

ويا حارق نص بالأفكار راجح......................وكبّيتو بأنهارك وعينك

ومش هالنص لو بيبقى يا راجح................إذا بيضلّ منّي بسّ اصبع

..........................رح بيفوت هالإصبع بعينك


وبسطاطي إذا بيكون بدّو.................فيه يدوّقك ضربات حدّو

وأنت يا شويعر بهالذل راضي..........بتحلم توصل دقيقة لحدّو

هوّي كبير في حاضر وماضي..........أبي وكتار أمجادو تحدّو

ورفض ينزل عميدان المواضي.......إذا ما كان ربّ الشعر ضدّو

وإذا شفتو بخيالو صار ماضي........وشقّ الأرض في كدّو وجدّو

هوّي عن قصد شقّ الأراضي..........حتّى يجهّز التربة ويصرخ

.................لراجح بيك الله لا يردّو


وثناء بشعرها الصافي قويّة .......... محبوبة من عموم الرّعيّة

ونظرها ما تنازلّك وشافك...........يا مجهول الأسامي والهويّة

الحسد بالشعر كتفلك كتافك...........بعمرك ما ربحت بالشاعريي

قلت فرنك ما أجمل هفافك...........يا برغوت العمولة اليعربيّة ________المقصود بالبرغوت ..هي عملة قديمة ..

وحكيت على الزئير باصطيافك.........ومن شفافك بتطلقلي المنيّة

بدّي سدّلك فتحة شفافك..............إذا في غير مرّة جيت تحكي

.......................على بنت السلالة الحيدريّة

[شفيق]

ونقل قد مابدك ردودي * وعبر عن نفس سودا حقودي
وفعل الخير صفا ضو والع* أكتر بالأحاديث الحسودي
وأنت ياضعيف لا تعادي المقالع*لأنو حدودها صارت حدودي
وفي عندي ألف لغم ولغم طالع*بوجك متل طلعات الفهودي
انتبه يللي بوجك حب طالع* كتر لدع الحماوي والبرودي
أنابالشعر من هلق وطالع *أمير الحرب والسلم ومقامي
فرض حالو بغيابي وبوجودي



راجح

[ثناء حيدر]

الأخ راجح

أنا ترتيبي الرابع في هجائك لزملائي الشعراء
سأنتظرهم بالرد عليك احتراماً لهم .

وحين يكون دوري بالرد
سأكون لك بالمرصاد

[شفيق]

وأبو نورس مزوّدلك جروحك.........وعمر عا وجهك مكتّر قروحك

هودي مواهب وهودي ضماني...........جبالن ما بتنزل عا سفوحك

وأنت موهوب لكنّك أناني ...............وبودّي كان ما انكر طموحك

هاجمني أنا عندي تفاني ................ولا تحارب رفاقي في نزوحك

وبموضوع النقل والاستهاني...........رح بقلّك وعتّملك وضوحك

نقلت الرد عا موضوع تاني..............لإني ما بودّي عود انقل

................ عنار جهنّم بهالليل روحك..................

[جعفر حيدر]

الشاعر الأستاذ راجح

إما أن تعتذر عما قلته عن ثناء حيدر
أو أن أدعوك لعركة زجلية
شريطة أن أرد أربع ردات على كل ردة تقولها أنت .

ولتكن هناك لجنة
تحددها أنت،
هي التي تفصل بيننا .


كما أنني لا أدعي أنني زجال كبير

من المعيب على شاعر مثلك أن يهاجم ويتحدى بهذا الأسلوب، خاصة شخصاً كالسيدة ثناء التي تدافع عن حرية الرأي والتعبير في كل محفل .

لا أمهلك أكثر من 24 ساعة فقط

جعفر حيدر

[راجح]

منك بعتذر وبشعر ناري * برد وبطلب تلاقي اعتذاري
بكبرصدرك بعفوك بالمحبه * بطيبة طفل حد النهر جاري
وأنا الرديت عارامي تلبي *الندا وشعل فتيله عالتباري
واذا بدك أنااللي عملت قبه *من الحبه البايدين الجواري
بسحب كل ردات المسبه * لكن بس مابقبل بشعري
صفي متلكم شاعر تجاري

راجح

[جعفر حيدر]

يا شعري من ندى الأفكار ندي
ويا روحي من الأزل للأزل مدي

خصمي ما رح بزلزل كيانو
ولا ناوي فركشو بفرد ردة

ولا بدي اسحقو بصهوة حصانو
ولا ذلو ببعض كلمات بدي

كتار الكنفشو ورجعو استكانو
لما وضعت فوق الخد يدي

سكتت شوي تا يطلع جنانو
وعدي يا نجوم الضهر عدي

بلكي راجح الفلتة زمانو
بعد شي كام سنة بيصير ندي

[ثناء حيدر]

غضبان راجح عكّر الجو وبدي
يقمز عا حد الموقدي قمزة جدي

تروا ياراجح من قبل ما تبتدي
معنا حدود الشعر منها محددي

وتا فيك تعرف شو مرامي ومقصدي
بدك دهر تدرس زجل في معهدي

بأشعارنا البتقول للشمس اسجدي
بأشعار سطحية معك مش واردي

ويللي بيقطّر سم عا ورود الزجل
مش متل يللي قطّر دموع الندي