25-01-06, 11:49 PM
نرجو أن يعود شعار الزجل إلى مواقعهم ويلبوا دعوة الأستاذ رامي
![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif)
ســـوريا يا كمام الورد ** لونو عا خدودك صـافي
عندك مني أحلى وعد ** رجعة عا الحضن الدافي
عندك مني أحلى وعد ** رجعة عا الحضن الدافي
منتديات مشتاوي
›
المنتدى الثقافي و الأدبي
›
قسم الزجل
رجــعـــوا الشــــــــــــــــــــــــــــــــــــــــــــــ?
رجــعـــوا الشــــــــــــــــــــــــــــــــــــــــــــــ?
|
رجــعـــوا الشــــــــــــــــــــــــــــــــــــــــــــــ?
|
26-01-06, 12:17 AM
المعذرة حصل خطأ بالدخول بين اسمي واسم زوجتي / ثناء لأننا نكتب من نفس الكمبيوتر والمشاركة الأصلية لي جعفر ------ جعفر إجا من بعد غيبة مطولة جايي تا عرش الشعر وحدو يعتلي الشعار صارو واقعين بمشكلة رح رقصن يا هويدلك يا هويدلي وعمار هالشعار بدي اقصفا وأول قصف رح ببتديه ببو علي -----
26-01-06, 06:29 AM
*****
جعفر رجع يا ناس طلـّي وقشعي مطوطح بنص الدرب ماشي بلا وعي بقصف العمار بالبهوره عم يدعي ويا ويل ويلو علقتو طلعت معي من قبل ما يوصل تا عمري يقصفو رح يوصلو من هون قصفي المدفعي *****
26-01-06, 03:12 PM
منو حكي يا بو علي ولا بهورة قصف المدافع ما بيخوف عنترة هيدي الحقيقة الواضحة لكل الورى وضوح الشمس وقت الضهر من منطرة البيمد ايدو اليوم عا قوافي الزجل إلا بزجل ... بيكون عا روحو افترا
26-01-06, 03:33 PM
شكر كبير للاستاذ الفاضل الشاعر الكبير جعفر حيدر على تنزيل هالموضوع الحلو ..
وشكرا للشاعر الكبير أبو علي حسن بنوت ...اللي بيضل يتحفنا بشعر حلو ...وجمل مرتاحة بتذكّرنا بجمل المرحوم زين شعيب أخوكم شفيق
26-01-06, 06:25 PM
*****
يا عنتر السهم العليي طالقو وباب الموده خلف منك غالقو النمرود من قبلك لاًلله شالقو وعلاج بغرور البراسو ما لقو وبالشعر وحروب القوافي بالزجل ما بيكبر المخلوق علـّي خالقو *****
26-01-06, 08:30 PM
[SIZE="6"][COLOR="Blue"]
--------- إن كان ما بيكبر تواضع يا همام خصوصي وشعري للشعر مسك الختام تلقّى سهامي اللي طلقتها بإحترام وصلي وكبر ربك وزيد الصيام وبقدر ما برصّك يا سيد بو علي لازم تزيد محبتي وتضرب سلام[/COLOR][/SIZE]
26-01-06, 10:44 PM
*****
ما زالها صارت القصه مسايره من بعد ما دارت عليك الدايره اتطمن ما رح خليك نفسك حايره وعالرص لو صارت عروقي فايره بخليك ترجع لا سهام ولا سلام وعا راسك بكسّر صحون الطايره *****
27-01-06, 12:41 AM
نفسي وحيرتها حكايي من الأزل خلف الحقيقة راكضة بلغز الأمل وهاك الصحون الطايرة بسرعة وعجل هيّي متتكسر بدونك يا بطل كلّ ما شافت شعر دوّى إلي متلك بتتكسر ... بيقتلها الخجل
27-01-06, 06:06 PM
*****
يللي اعتبرت الصحن بوسه عالخدود صحون وطناجر قد ما بتريد خود بحيثك يا جعفر شاعر وقلبك ودود والذوق عندك زين قوافي الردود رح بكسر الشر وما بكسر خاطرك وخلـّي المحبه البيننا من دون حدود *****
28-01-06, 02:59 AM
لما حسن بنوت في صحنو لطا طنجرة شعرو ضيعت عنو الغطا من حروف شعري اللي عليه مسلطة خايف ... وبصحونو بيجزل بالعطا وكرمال حبو النازل عليي غرام رح كسر حدودي ... وبلش زلغطة
28-01-06, 04:51 AM
*****
ياليل ودّي نجومك لصوبي تجي تسمع غزل وتعود ليك مبنجي جعفر اٍذا من سطوتي الليله نجي هيدا هيدا لاًنو الحب مني مرتجي هات نتغزل سوا برمش الحبيب وحّول السهم لزر ورده بنفسجي *****
28-01-06, 12:00 PM
سطوة الشعر العذب مش سطوة سهام
ولا حرب شعلاني ولا قتل ولا احتدام يا بوعلي كلك عذوبة وانسجام ورقة وغزل ... كلمات من ريش النعام كيف لما تشد خيطان الغزل ؟؟؟؟ وتغزل من الكلمات آيات الغرام ؟؟
29-01-06, 01:54 AM
*****
كرمال خاطر قدها وفستانها شرايين قلبي بتنغزل خيطانها وبشد فارس همتي وحصانها وبقطع جبال الكاينه ووديانها وبعود حامل راية بيوت الغزل الخلقان سيدها الوفي وسلطانها *****
29-01-06, 02:58 AM
[SIZE="6"][COLOR="Blue"]
وبعود حامل راية بيوت الغزل اللي شالها الإنسان من يوم الأزل اللي بكل نفس بتزرع بذور الأمل وبكل تم بتزرع شفاف وقبل ومن كل روح بتزع وجوه العلل ومن كل قلب بتنزع شروش الخلل وبكل عين مكحلة عالميلتين شلال حب بتسكبو فوق المقل[/COLOR][/SIZE] |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر