بالطـــوائف عــم بتحـــكو؟؟؟؟؟؟؟؟

[شفيق]

بهالموقع العن قلبنا ما بينفرق................ شفنا الحقد عا باب مشتانا طرق
من ناس نسيو بفعلهن اسم الشموخ..............بالطوائف عم بيحكو وبالفرق

بإسلامنا الغالي الأعلى من الرضوخ...........وبدين فادينا العلى الدنيا شرق
ولولا شي مرّة شيخ مسّح طقم جوخ...............وبالطّائفية مدّ إيدو تا سرق

كرمال الله والنبي بسكن بكوخ.............ومعليش لولا العمر بالزّهد انحرق
لكن نكاية بكلّ شي اسمن شيوخ........بفطر على صوت الصلا كاسة عرق




وماشي أنا بالكون عا منهج علي...............ومنهج محمّد والمسيح المؤتمن
ما فرقت منهن منزلي عن منزلي................لكن زمنّا مو متل هاك الزمن

ولا بالصّلا ولا بالصيام المسألي..............ولا بالسّعوديةّ ولا حتّى باليمن
واللي بيحكي بالخلود المبتلي..............متل العم بيعصر من الصخرة لبن

تروح الدّيانة تروح..لديار البلي.............تروح الديانة تروح وتفصّل كفن
تروح الدّيانة تروح منها مشكلة...................بسّ ما تروح المحبّة للوطن




لمّا يسوع الناصري مشّى الكسيح..................ابن الله كان عالي المرتبي
ولمّا محمّد رصّع كتابو الفصيح..............من وحي الله عالرّسول اليعربي

كان الوحي واحد بتفسيرو الصحيح.....نفس الوحي المشهور نفس الموهبي
الدّين مانو طائفيّة ولا قبيح...................ومانو طبيّة ولا عمامة ولا عبي

الدّين أخلاق وحلا ومنطق منيح............واللي عن المنطق عمل حالو غبي
انكنّو مسيحي بيكرهو خير المسيح............ومسلم انكنّو بيكهرو خير النبي




و الهلال المسلمي المش مختفي................. والصليب اللي الجرح منّو شفي
يا وحّدوهن بالدّيانة يا رجال.........................يا كسّروهن واتركونا نحتفي

يمّا بخشبات الصليب بكلّ حال...............بصلب الحاقد والغبي والمش وفي
وبرجع بسوّي يا بشر شكل الهلال............منجل تأقطع راس كل من طائفي



وبالموقع الفي كلّ عسر ويسر....................طوبى يا أصفى رجالنا طوبى
وبالذات رامي اللي بجلّو و نسر...........................وبو حبيب وخيّنا كوبا

[نسر]

يا أخي السوري
أنت أخي لأنك سوري، والبلاد التي لفظتك كلمة في مسامع الأبدية قد همستني كلمة أخرى .
أنت أخي لأنّ البلاد التي حبلت بك ولدتني، والفضاء الذي حمل أول صرخةٍ خرجت من أعماقك يحمل أول صرخة تمخضت بها أحشائي .
أنت أخي لأنك مرآتي فكلما نظرت إلى وجهك رأيت ذاتي بكل ما في ذاتي من العزم والضعف ومن الائتلاف والتشويش ، ومن الهجوع واليقظة .
أنت أخي لأني ما فكرت بأمر إلاّ ورأيت عناصره تتموج في فكرتك وما سعيت إلى أمر إلا ورأيتك سائرا وماتقاعدت عن أمر إلاّ لأنك منصرف عنه .
أنت أخي بيسوع وموسى ومحمد .
أنت أخي بكوارث خمسين قرنا .
أنت أخي بالقيود التي جرّها آباؤنا وأجدادنا .
أنت أخي بالنير الثقيل الذي أثقل عاتقنا .
أنت أخي بالألم والدموع ومن تجمعهم نكبات الدهور وأوجاعها لن تفرقهم أمجاد الدهور وأفراحها .
أنت أخي أمام قبور ماضينا وأمام مذبح مستقبلنا .
* * * *
يا أخي السوري - - -
بالأمس وقد كان الضباب يغمر وجداني كنت ألومك وأعنفك .
واليوم وقد بددت الريح ذاك الضباب علمت أنني لم ألُم سوى ذاتي ولم أعنف غير نفسي . فما استهجنته بالأمس بك أراه اليوم بي . وما كرهته في أخلاقك قد ألفته معانقا أخلاقي . وما حاولت اقتلاعه من روحك وجدت عرقه متمسكة بروحي . نحن متساويان في كل ما جلبته الحياةإلى ماضينا وكل ما ستجلبه إلى حاضرنا .
نحن متساويان في كل ما آل إلى شقائنا ومايؤول إلى سعادتنا .
نحن متساويان، وما الفرق بيننا سوى أنك كنت هادئاً ساكناًمتجلّداً أمام مصابك بينما أنا كنت أصرخ متسرّعا وأصيح قانطاً في مصابي .
والآن وقد عرفتك وعرفت ذاتي ، صرت إن رأيت عيباً فيك أنظر إلى نفسي فأرى ذلك العيب فيها
* * * *
يا أخي السوري
أنت مصلوبٌ ولكن على صدري، والمسامير التي تثقب كفيك وقدميك تخترق حجاب قلبي .
وغداً إذا ما مرّ عابر طريق بهذه الجلجلة لايميّز بين قطرات دمك وقطرات دمي، بل يسير في طريقه قائلاّ : ههنا صلب رجلٌ واحد .
جبران

[Abo Habib]

حلوة كتير منك خيي شفيق

[move=up]المختار[/move]
[move=down]ابو الحب[/move]