الزواج من معاق (سؤال للبنات)

[ملك الغرام]

إسمحوا لي أن أطرح الموضوع التالي
الزواج من معاق هل تقبلين أختي بالزواج من معاق
وهنا الإعاقة الحركية أو نقصان بعض من الأطراف باليدين أو سمعية أو بصرية أي لا نقصد الأعاقة العقلية شاب يمتلك الشهادات وقادر على تكوين أسرة ويعمل بوظيفة محترمة ومحبوب من المجتمع وله العلاقات الواسعة ولكن الله سبحانه وتعالى إبتلاه بإعاقة ..... معينة
أرجو أن تكون الاجابه واضحة وصريحة مع الأخذ بعين الاعتبار نظرة الأهل والمجتمع وهل تستطيع الفتاة السليمة اقناع نفسها أولا والمجتمع ثانيا
أرجو المشاركة في الموضوع

[Mr. Samo]

ما لازم يكون اعتراض لانو اللي عندو اعاقة بكون الله مكمل عليه بغير اشيا

[عاشقة سورية]

عزيزتي ملك الغرام مارح إعمل فيها ملاك أو دبلوماسية أنا مقتنعة بأن الإعاقة هي بالفكر بالعقل وليست بالجسد وأكيد إقناعي إجا من تربيتي ومن البيئة يلي إنا فيها ولهيك ما في مشكلة أبدا من هي الناحية .
والموضوع رائع .

[sisi]

هلق رأي البنت بيرجع لتربيتا و ظروفا
بالنسبة الي ما عندي أي مشكلة
و ما بتصور لازم نوقف موقف الشفقة من هيك ناس
بالعكس تماما نحنا لازم نزعل عحالنا اللي مع كلشي مكملنا ياه الله بشكلنا ما عم نقدر نعطي قد مو كتاااااااااار من المعاقين جسديا عم يعطوا
و الأمثلة كتيرة
و انا بشوف اننو ازا حدا منا عندو إعاقة ما لازم ييأس لأنو متل ما قال مستر سامو اننو الله بيكملا من غير نواحي
يعني ما لازم نتطلع اننو ما عندي هالشي بالعكس بتطلع عالإشيا اللي عندي و بستمتع فيها و بشكر ربي عليها
الموضوع حلو كتير و الحكي عنو ما بيخلص
و المعاق جسديا يمكن يكون عقلو بيوزن بلد لهيك ما في ايي مشكلة
بتمنى من الكل المشاركة

[jeje]

أنا بالنسبة إلي ماعندي أي مشكلة لأن الانسان ما بيتعيب بشكلوا بيتعيب بتصرفاتوا بحياتوا اللي عايشها بينما الشكل , مو نحنا اللي منقدر نقرر أو نغير أو نعيب عليه لأن الله هيك خلقوا , وإذا كان نصيبي اتزوج من معاق فهي إرادة الله أكيد ما منقدر نعارضها .
وبنفس الوقت بدي أسأل إذا كان العكس البنت هي المعاقة جسدياً هل يقبل أحد أن يتزوج منها ؟؟؟

[جوزيف السعوديه]

والله سؤال محير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللهم اشفي الجميع وارفع عنهم البلاء برحمتك ياارحم الراحمين

قولو امين

[هادي]

لنكون صريحين في هذا الامر ولا نجعل العاطفة تسبق العقل :
ان الانسان المعاق أو لنقول أصحاب الاحتياجات الخاصة هم اناس مصابون بعاهة جسدية معينة تؤثر في جمالية شكل وقدرت المعاق في تحركه وادائه لاعماله والانسان دائما يسعى الى الكمال فلا نستطيع ان تجبر الفتاة بعاطفيتها الى القبول به الا ان وجدت هي في نفسها القدرة على تحمل اعاقته دون شفقة عليه كي لا تؤذي شعوره لاحقا ولنعلم جيدا ان المعاق غالبا ما يكون حساس جدا مما يزيد في صعوبة التعامل معه لان الاعاقة الجسدية تولد شعور ينعكس على الصحة النفسية للشخص
وعلى قولت المثل ( اللي متلنا تعال لعندنا )

[هالة]

كلّ من قال أنّه يتزوج من معاق فهو كاذب .........فلا يهمنا الا المظاهر والقشور ..... لن تغامر اي فتاة في رجل منقوص الاعضاء ، ولكنّها قد تغضّ الطرف عن خلله الفكري ...... ولن ينظر أي رجل الى معاقة حتى نظر ...... ولكنه قد يغضّ الطرف أذا كانت.......... تافهة ............. بلا مثاليات كاذبة ، من يريد أن يتكلم فليكن نفسه أو فليصمت .... مللت أكاذيبكم

[sisi]

بصراحة انا استغربت كتيير رأي هادي و هالة
يا عمي سهيل ما قصد الإعاقة العقلية ... قصد تشوه بالشكل و ما بيأثر عالعقل نهائيا
و بصراحة بعد ما شفت آراءكم شفقت عليكم لأنو مع كل شي كملو الله فيكون مااااااا عم تقدروا او حتى نقدر نعمل قد ما عم يعمل معاقيـــــن جسديا
و نحنا يا أنسة هالة ما كذبنا و لا منكذب و لاا بدنا نكذب
و نشكر الله انو لسا الدنيا بخير و اسسا في ناس بيطلعو عالناس من الزاوية الصح و الزاوية اللي لازم يتطلعو منها
أسفي عناس بعدا بتفكر بهالطريقة

[هادي]

السيدة هالة
يا عزيزتي هناك فعلا اناس يتمتعون بقدرة غير منطقية في قبول الاعاقة وأعرف شخصيا مدرسة ابتدائي وعلى قدر من الجمال لا باس به تزوجت من رجل اعمى ولكنه متعلم وحصل على اجازة جامعية بعد زواجه و لا يمت لها باي صلة قرابة وانجبت منه مع العلم ان حالته وحالتها المادية ميسورة قبل وبعد الزواج وهي سعيدة بعائلتها مع لامنطقية هذه العيشة
على قولت المثل عيش كتير تشوف كتير
اما sisi فأقول اني لم اتكلم عن الاعاقة الذهنية ولكني قصدت تاثير الاعاقة الجسدية على صحة الحالة النفسية للمعاق فأرجو مراجعت استغرابك بدقت قرائتك
مع تحياتي

[sisi]

بعتذر منك هادي
عفوا لأني فهمتك غلط

[mounirfarkouh]

أنا أعرف أحدى النساء تزوجت وهي فتاة من رجل لديه أعاقة في يده اليسرى وحياتهم رائعة فليس هناك مشكلة

[المشتى]

أنا باعتقادي أن هذا الزواج يمكن أن يكون و لكن حسب الإعاقة و مداها