اروع ما غنت الفنانة اليسا ( جديد كرمالك)

[susu]

اروع ما غنت الفنانة اليسا ( جديد كرمالك)

ما بدك نبقى حبايب ولاتبقى عن عيني غايب
بدك نبقى متل الرفقة كذب عا البي الدايب
ظلمني وعارف اني انا بشقى لو تبعد عني
الي يا قمري برضى بقدري خبرني انت شو حابب
كرمالك صرت بخبي
بخبي الحب الساكن البي
اعمل حالي ولاعبالي مهتمة ومش مهتمة
ادامك كون رفيقة اسال عنك كل دقيقة
طمن بالي انت قبالي ريح بالك من يمي
لوعني هواك لوعني مشاني وراك ضيعني
خلاني روح مطرح ما تروح لا اخدني ولا رجعني
لوعني هواك لوعني مشاني وراك ضيعني
خلاني روح مطرح ما تروح لا اخدني ولا رجعني
كرمالك صرت بخبي بخبي الحب الحب الساكن البي
اعمل حالي ولاعبالي مهتمة ومش مهتمة
ادامك كون رفيقة تسال عنك كل دقيقة
طمن بالي انت قبالي ريح بالك من يمي
اناني انت اناني ياحبيبي جرب تنساني
البي بيقسى ويمكن ينسى يوم لكنا حبايب
كرمالك صرت بخبي بخبي الحب الحب الساكن البي
اعمل حالي ولاعبالي مهتمة ومش مهتمة
ادامك كون رفيقة تسال عنك كل دقيقة
طمن بالي انت قبالي ريح بالك من يمي

[قابيــل]

الكلمات كتتتتتير حلوين moke: بس اللحن لسا ما سمعتو :confused: بس لعيونك يا سوسو رح اسمع الغنية ورد عليكي خبر :thumbs:
شكرا سوسو moke:
مع حبي
قابيل :thumbs: :thumbs:

[resha8]

شكرا سوسو الاغنية رائعة
كلمات والحان
انتي كتير مزوقة
شكرا

[جولي]

والله ياسوسو اليسا شو ماغنت حلو

انا كتير بحبا وهالغنية روعة

عنجد كلك زوء


و resha8 مشكورة عالصور المميزة

[susu]

شكرا

شكرا قابيل كلك زوء
وشكرا كمان لريشا وللصور الحلوي لحططهم
شكرا جولي انتي المزوءة

[samiaswad]

و الله هااليسا بدعة و هالاغنية ابدع عرفتي تنقي يا زهرة الحب

[قابيــل]

هي شوية صور هدية لمحبي أليسا عامة ولسوسو زهرة الحب خاصة بتمنى تعجبكم

[echo]

أليسا رائعة فعلا و الألبوم الجديد رائع بكل معنى الكلمة

و أحلى غنية بستناك و تعا و بنصح الجميع يسمعوه لأنو رائع

شكرا سوسو و تحياتي لكل محبي أليسا

[angel]

شكرا الك ع الغنية لان كتير روعة
وانا أول ماسمعت السيدي حبيت هل الغنية
ورح قلك سر

هي الغنية بتعبر عن مشاعر كتير بنات بس مابقدروا يحكوا ولايوصولا الفكرة
فالغنية رح تكون ممكن مرسال

[Rammosh]

احلى غنية بالسي دي ... كرمالك

من كتر ماحبيتا ماعدت سمعت غيرا ... وعلقت عليها

السيدي اكتشفتو كلو حلو وبينسمع

اكتر غنية من بعد هي ... تعا .... لو تعرفوه ... اطلوب اتمنى


شكرا الك سوسو ...

بالمناسبة كلمات هالغنية والحانا ... الرائع االمتميز .... مروان خوري

[JIjJjJI]

احلى صوت اليسا

سلام و محبة

عن جد يا سوسو اليسا كتير رائعة و انا من اشد المعجبين باليسا
و انا بحب صوتها كتير بس السي دي الجديد روعة و خصوصا غنية لو بصيت قدامك
بس كرمالك كمان روعة و هي رح حط غنية ( كرمالك )

[rams]http://song4.6arab.com/ELISSA_Kermalak.ram[/rams]

[هابيل]

اهههههههههههههههههههه
حلوة كتير يا سوسو :dazzler:
بتمنى من الكل انو يحافظو على ها المستوى الرائع من الاغاني
وشكرا بتعقد
ويا انجل لا تخافي وصلت الفكرة اكيييييييييييييييد

شكرا الك ع الغنية لان كتير روعة
وانا أول ماسمعت السيدي حبيت هل الغنية
ورح قلك سر

هي الغنية بتعبر عن مشاعر كتير بنات بس مابقدروا يحكوا ولايوصولا الفكرة
فالغنية رح تكون ممكن مرسال

مع حبي
هابيل :thumbs:

[goldenrose]

سوسوووووووو

يعني عن جد يا سوسو ما بعرف شو بدي قلك او كيف بدي اتشكرك بس انتبهي هاه شكله بدها تبلش المنافسة بيناتنا لانك صرتي على طول عم تسبقيني وتنزلني المواضيع الحلوة والأغاني اللي انا بحبها
ولا يهمك عم أمزح اصلا بيني وبينك ما في فرق بعدين انا كتير بيشرفني اني لاقي بقسمي مواضيع حلوة وعم تلاقي قبول وبعدين لولاكم ولاولا مشاركاتكم القسم مالو طعم

سوسو بتشكرك وبتمنى منك على طول انتقاء المواضيع الحلوة والمميزة متلك وانا سبق وقلتلك اني بحبها لاليسا منشان هيك ما عندي شي قولوا لانه اكيد شهادتي رح تكون مجروحة وناقصة

بالتوفيق سوسو وبحب قلك على طول

بستناكي

moke:

[Mr. Samo]

اليسا فنانة رائعة صوتا في حنان و دفء ما في متلن

اغانيا رائعة

بنصح الكل يسمع كل البومها

[susu]

samiaswad:شكرا كتير الك الغنية حلوي وانت المزوء
قابيــل: شكرا كتير الك مرة تانية وعلصور الحلوي كمان وعازوءك الحلو
Tony: اهلا وسهلا فيك وفعلا كل اغاني اليسا رائعة وانت مزوء
angel: كلك زوء ومتل ماقلتي الاغنية مرسال للتعبير عن مشاعر مخفية
,الانسان بيحب يعبر عنها بس ما بيقدر وهلغنية اكيد رح تساعدنا للتعبير عنها وتخلينا نفرغ كلشي عم نحس فيه
Rammosh: شكرا كتير لالك وانا كمان بسمع هلغنية كتير لانها فعلا رائعة كلك زوء
هابيل: شكرا لالك ولزوءك الحلو
JIjJjJI: شكرا كتير الك ولزوءك الكتير حلو وكمان للاغنية لنزلتها ,لو بصيت قدامك رائعة
شكرا كتير عنجد كلك زوء
goldenrose: شكرا كتير وانا كتير مبسوطة انو الغنية نالت اعجابك واعجاب جميع الردود
وأكيد نحنا عطول لازم ننتقي الاغاني الحلوي ونحطها بمنتدانا مشتاوي مشان يضل منور عطول
وفي كلشي جديد كلك زوء

ونهاية بحب اشكركم جميعا لمشاركتكم ولزوءكم المميز
(زهرة الحب)

[Pascale]

thanks so much susu

[titi]

شكرا كتير سوسو الاغنية رائعة
وانتي مزوءة وبتعرفي تنقي
شكرا :coolgleam :coolgleam

[susu]

:thumbs: :thumbs: :thumbs:


شكرا سامو لمشاركتك وفعلا اغاني اليسا رائعة

باسكال : شكرا كتير علمشاركة كلك زوء
تمارا: اهلا وسهلا فيكي وانتي المزوءة