ابــــــــــــــراهـــــــــيـــــــم صــــــــقـــــــــــر

[شاعر وفنان]

السلام عليكم ورحمة الله وبركماته

جذبني مؤخّرا حفلات العتابا الارتجاليّة وجّوها الحلو اللي بيقرّبنا لجوّ ضيعنا الحلوة الساحليّة ..
واستهواني سمع شعراء كتير بالذّات الشعراء صالح رمضان والشــــــاعر الكبير المرحوم يوسف القاروط(الحسّون) والمرحوم رفعت مبارك والمرحوم محمود الحسواني والشّاعر الصديق أبو علي البلوداني ودرويش حمّود وابراهيم صقر..

بس ابراهيم صقر(أبو عاطف) سحرني سحر يا جماعة ..صوتو حلو وحضورو قويّ وارتجاليتو جبّارة وعنفوانو لا يقهر واللي ميّــزو عن خصمو الدّهري صالح رمضان التزامو الوزني المحبوك وجملو الحلوة الخفيفة ومقدرتو على ارتجال قصائد زجليّة موزونة ..

وكمان لابراهيم عدّة حفلات مهجريّة ناجحة وحلوة ..استراليا والاردن وغيرهن ..وعندو عدّة شرايط أغاني ترائية ساحلية..

والشاعر الكبير ابراهيم صقر من قرى جبلة حمّام القراحلة ((على ما اعتقد)) __قريبة من ضيعتي__ومن هالشّي اخد عنفوانو وقوّتو ....

واللي عندو معلومات عن الشّاعر بتمنّى تزويدنا فيها ..لأنّو للحقيقة يا شباب ابراهيم صقر شاعر كبير عمستوى المنطقة ومنقدر نرفع راسنا فيه لأنّو بيمثّل التراث السوري الحقيقي واللي خلاني حب ابراهيم كتير هوّي نظمو للشّعر بلهجة الساحل السوري الحقيقيّة ....

واللي عندو اراء بتمنّى يكتبها وبالذّات من جماعة العتابا ...

من أبياتو الارتجالية بمباراتو مع صالح رمضان بجبلة وكان أوّل موضوع عالحرب((انشالله كون ناقلهن صح)):

قالوا أنا في فنّي الأمر كان.......فرضوا حبايبي عليّي الامر كان
ان كنّو الغرب حاميتو الأمركان.......الشرق حاميه بشّار العرب

بني صهيون اسمن لاعنينا..............طفال الانتفاضة لاعنينا
تراب القدس كحلة لـ عينينا........وبالجّولان طاب الموت طاب

غيره:
بدّي دوم زور الحيّ والفيه.........وحيّي ساحل الأبطال والفيه
وما زال بهالبلد موجود ولفي........بزورو كل ما الدّاعي وجب


لمّا توجّهت عالبحر توجيه.......ما كان بدّي من الشعّار توجيه
يا دنيا ساحل الأبطال توجيه.......بتاج النصر من فضّة ودهب

في السّلم مع درويش حمّود:

البشر رأين لبو عاطف عطوا في.............فنّي والزّجل فايق عطوفي
وكتر ماالرّب ما نفسو عطوفي............وصف نفسو بحليم بلا غضب


شفيق

اخي الشاعر مع احترامي الك البيت مكسور

اللي هو
بني صهيون اسمن لاعنينا..............طفال الانتفاضة لاعنينا
تراب القدس كحلة لـ عينينا........وبالجّولان طاب الموت طاب


الشرح لاعنينا ياء واحدة
كلمة ل عينينيا فيها يائيين ولك الشكرررررررررررررررررر:nono:

[حجيرات حسن]

مشكووووور الك كثير يا غالي يا ريت تحط رابط حفلة الاذقيه بين يوسف الحسّون ورفعت مبارك وصالح رمضان وشكرااا الك يا غالي

[amer12]

سلام للكل وربي يقويكن وحابب اتسمع لبراهيم صقر لوسمحتو

[هاوي شعر]

[size="5"] حبيبي انت لئسمك شاعر و فنان...البيت مانو مكسور بنوب ..بس شفيق هيك كاتبو حتى لما بيفهمو بالعتابا يعرفو كل كلمة من التلت كلمات لمتل بعضهون شو بتعني .. و انت البركي مع هشي ما وضحتلك الصور ..ال شاعر ال ...وتعليقي اجا بعد فترة طويلي شوي بس انا لهلأ لحتى شفت هاذا الموضوع .. و ما حسنت غير ما ضيف رد لانو عنجد بتئرئو الواحد انتو بتعليقاتكون البايخا و لمافيها جنس الفهم [/size]

[نبيل درويش]

نار ررررررررررررررررررررررررررررررر