ما هي أسباب الخلاف أو سوء التفاهم الذي ينشأ بين الأهل والأبناء ؟؟؟

[غيث تقلا]

[align=center]

هل هي أسباب تعود الى الأهـل ؟؟...مثلاً :
1) _ الفرق بالسن ؟؟
2) _ توهّم الاهل بأن اولادهم لايزالون صغاراً ؟؟
3) _ خوف الاهل على اولادهم ؟؟
4) _ عدم ثقة الاهل والشك بأبنائهم ؟؟
5) _ تهرّب الاهل من الحوار ؟؟
6) _ الاختلاف بين زمن الاباء وزمن الابناء ؟؟
7) _ التعصّب الديني ؟؟

أم أنَّ السبب يعود إلى الأبناء ؟؟... مثلاً :
1" _ التصرفات اللا مسؤولة الصادرة عن الأولاد والمتكررة في سلوكهم ؟؟
2" _ عدم احترام الابناء للاهل , سواءاً من حيث التخاطب او من حيث السلوك ؟؟


وبالمقابل ماهي الحلول المناسبة " برأيكم " لإيجاد صيغة تفاهم بين الاثنين ؟؟؟

[adidas]

لبيت تخفق الارياح فيه ....احب الي من قصر منيف

في البداية شكرا غيث ع الموضوع
في البداية وبنظري كل بيئة بتختلف مشاكلها عن التانية
فمثل مشاكل الاهل و الابناء في المدينة تختلف عن مشاكلهم في العاصمة والضيعة
وانا بتفق معك بشغلات بخصوص يلي ذكرتهم انت :1) _ الفرق بالسن ؟؟
2) _ توهّم الاهل بأن اولادهم لايزالون صغاراً ؟؟
3) _ خوف الاهل على اولادهم ؟؟
وبتعارض معك بها الشغلات
4) _ عدم ثقة الاهل والشك بأبنائهم ؟؟
5) _ تهرّب الاهل من الحوار ؟؟
6) _ الاختلاف بين زمن الاباء وزمن الابناء ؟؟
7) _ التعصّب الديني ؟؟
بالاضافة الى السبب الرئيسي و الاهم "المادة" كلو دفع ورواتب الله يعين اصحاب العيلة
ومنشان الابناء:
1" _ التصرفات اللا مسؤولة الصادرة عن الأولاد والمتكررة في سلوكهم ؟؟
2" _ عدم احترام الابناء للاهل , سواءاً من حيث التخاطب او من حيث السلوك ؟؟

انا هون ضدك فيها كمان لانو الجيل اليوم يمتلك طاقات و امكانات هائلة بس الوضع و الظروف و مناهج التعليم التربوي تقمعه و بتخليه يرجع ................للوراء بدل ماتدفعه الى الامام منشان ترفعو وترتفع هي معو

الحلول كتيرة واهمها "الغاء الواسطة"&"اعطاء كل ذي حق حقه"
يعني الرواتب ترتفع وماتروح لخدام وامثاله ..........اللي كتار عنا بسوريا
تعديل و تحسين النظام التعليمي وخاصة البكلوريا ....
التركيز على اهتمامات الشباب المختلفة ودعمهم ماديا ومعنويا
تامين فرص العمل للشباب و الصبايا بعد تخرجهم من الجامعات خاصة و المعاهد كي يتحملوا مسؤولية انفسهم
واسا فيه بس نشوف تعليق الاعضاء ع الموضوع وشكرا الك

[goldenrose]

يعني يا أخ غيث الموضوع حلو ومثير للجدل كتير بأيامنا بس فيك تقول انه الشي اللي بدو قولوا حكيه الأخ اديداس كله تقريبا بس انا بدي خالف الاخ اديداس بشغلة او شغلتين يعني انا بتفق معكم بالشغلات اللي قلتوها متل
1) _ الفرق بالسن ؟؟
2) _ توهّم الاهل بأن اولادهم لايزالون صغاراً ؟؟
3) _ خوف الاهل على اولادهم ؟؟
وكمان عدم ثقة الأهل والشك بأبنائهم وتهرب الأهل من الحوار
هلق قال اديداس انه بيختلف معك بهل شي انا بالعكس مع هل كلام
وصلنا لزمن صار فيه خليني قلك انه من كتر الاهل ما عم يشوفوا من اشياء عن اولاد غيرهم ومن شاشات التلفزة ومن الانترنت وغيرو وغيرو أدى الى عدم ثقة الاهل والشك بالاولاد وما في اصعب من انه يصير في هوة بين الاولاد والاهل من شي قصة حتى لو كانت من اتفه القصص يعني بيصير الاهل يشكوا بترصفات ابائهم ردا على تصرفات صدرت امام الاهل ولكن من اولاد او من عامل تاني غير الاولاد المعنيين بالأمر
وتهرب الاهل من الحوار وللاسف عم تصير كتير بهل وقت اللي نحنا عايشينه واكيد هالشي بيصير بعد صدام بين الاهل والأبناء وبعد ما بيكونوا الاهل فقدوا ثقتهم بولد من الاولاد بيصيرو يشوفوا انه الحوار والنقاش معهم مالو فايدة مع انه العكس صحيح المفروض كل ما شك الاهل باولادهم يحاولوا يرجعوا يعززوا الثقة من خلال الحوار وهيدا الشي للاسف ما عم يصير
الاختلاف بين زمن الآباء وزمن الابناء مش بالضرورة انه يكون سبب خلاف بين الطرفين وكذلك التعصب الديني وقت نشوف ببيت او عيلة انه الاهل عم يمنعوا اولادهم من اشياء واشياء مو بالضرورة يكون الموضوع تعصب دينين لاء انا بقول انه (حرص على الابناء ) من القيام بشي ليس لصالحهم
اما بالنسبة للأبناء: أم أنَّ السبب يعود إلى الأبناء ؟؟... مثلاً :
1" _ التصرفات اللا مسؤولة الصادرة عن الأولاد والمتكررة في سلوكهم ؟؟
2" _ عدم احترام الابناء للاهل , سواءاً من حيث التخاطب او من حيث السلوك
التصرفات اللا مسؤولة الصادرة عن الاولاد والتي لا تتكرر الا اذا يا غيث شاف الولد دافع قدامه وخصوصي من الاهل هالشي هوي اللي بيخلي الاولاد يكونوا غير مسئولين عن تصرفاتهم
عدم احترام الابناء للاهل ما بظن انه هالشي مظبوط واذا كان مظبوط فأنت مش رح تلاقي الا القلة القليلة من الاولاد الذين لا يحترموا اهلهم استنادا الى بيئة ليست لهؤلاء الاولاد او اصدقاء السوء وطريقة المعاملة التي خارج المنزل قد تؤدي الى عدم احترام بعض الاولاد لاهلهم سواء من حيث التخاطب او السلوك
الحلول المناسبة رح تكون بين افراد المشكلة نفسها يعني بين الاولاد والاهل يعني الاخ اديداس وسع نطاق الحلول شوي وخلا المجتمع يحل هالمشكلة مع انها مشكلة ليس الا على الاهل والاولاد حلها بأنفسهم من خلال
الحوار الجدي والصريح بين الطرفين و استعادة ثقة الاهل بأبنائهم واقتناع الولد بأن الكلام الموجه له من ابويه هو اولا واخيرا لخيره ومصلحته وليس لشئ ضده لان الاهل لا يريدون الا الافضل لابنائهم كما انه نستطيع ابعاد الاولاد عن محيط ليس لهم وعن اصدقاء السوء ايضا وأتمنى ان تحل الخلافات بين جميع الاهل والابناء

وشكرا للاخ غيث تقلا لطرحه موضوع اجتماعي ومفيد كهذا الموضوع

[غيث تقلا]

شكراً على مداخلاتكم القيمة جداً والتي اغنت الموضوع ....و أضفت عليه جوّا من الحوار الموضوعي الراقي .

بالنسبة للاخ adidas .. طبعاً نحن نتّفق على ان للمجتمع آثاره وانعكاساته ( سلبية كانت ام ايجابية ) على الاسرة..............وان للاسرة ايضاً ً تأثير في المجتمع "مهما كانت صغيرة ".فهي نواته ومركز انطلاقته . لكنّك و من خلال الحلول التي اقترحتها( مشكوراً ) , ألقيت العبء كله على كاهل المجتمع ...
ولكن ماذا عن دور الاهل في تلك الحلول ??.

أما بالنسبة للاخت goldenrose : لقد ذكرتي حلولاً قيّمة وضرورية جدّا في أيامنا هذه (( الحوار الجدي والصريح بين الطرفين و استعادة ثقة الاهل بأبنائهم واقتناع الولد بأن الكلام الموجه له من ابويه هو اولا واخيرا لخيره ومصلحته وليس لشئ ضده )) ولكن ألا تعتقدين معي بأن تهرّب الاهل في كثير من الاحيان من الحوار مع الابناء سببه " افتقار الاهل للاسلوب أو بمعنىً آخر جهلهم لاساليب التربية الحديثة .....التي تحقق تنشئة سليمة , وتبني ارقى أشكال الحوار داخل الاسرة الواحدة .... ألا توافقيني الرأي بأن هذا الجهل مردّه الى تقاعس الاهل عن البحث والاستزادة من ثقافة التربية الحديثة . والاعتماد على ممارسة أساليب تربويّة أكل الزمان عليها وشرب ... ولا تؤدي في المنتهى الاّ لترسيخ ما يسمّى " صراع الاجيـَال " .

[Pascale]

اهم شي بين الاهل و الابناء التحاور....و كلشي بعدين ثنوي

[resha8]

اخ غيث هذا الموضوع هو صراع منذ اولى العصور بين الاهل والابناء
فلاهل باعتقادهم انهم القدوة والمثال الاعلى للابناء وعلى ذلك يحبون فرض
اراءهم وافكارهم على ابنائهم دون أي تعديل متناسين ان ابنائهم منذ ولادتهم
اصبح لديهم شخصية مستقلة منفصلة عن الاهل وتتفاقم المشكلة عندما يبدا
سن المراهقة لان الابناء يعتقدون انهم كبار ومسؤولون عن تصرفاتهم
اما الكبار فلا يعطونهم الثقة باعتقادهم انهم ما زالو اطفال ولايفهمون مصلحتهم
والثقة هنا هي الموضوع المهم في هذه المشكلة لان اذا اعطي الابناء الثقة ضمن حدود
يستطيعون التعبير عن اراءهم بشكل صادق وتكون اغلب اختياراتهم صحيحة
وشكرا

[رغدة المصري]

الوعي مفقود عند اهالينا

:weep: في تصرفات للأبناء ما فيها احترام وما فيها وعي بس برضو هدول الابناء لساهم فبداية عمرهم وبدهم يثبتوا وجودهم فأي طريقه حتى ولو كانت الطريقه بتتجاوز حدود الأحترام للوالدين أو ما فيها وعي...ومش لازم نستغرب او نتعجب من قلة الوعي عند الأبناء لأنه بالوقت الحاضر اللي بنعيش فيو الوعي مفقود مش بس عند الأبناء..لأ..الوعي فالوقت الحاضر ما بتلاقيه حتى عند اولياء الأمور،لأنك بتلاقي الأب نفسه صار عمره اكتر من 40 سنه ولساه لسااااه ما طلع من مرحلة المراهقه وبتلاقيه طول الليل عالأنترنت يعمل شات ويفوت ويطلع عمواقع اولاد ال18 سنه ما عندهم فضول يفوتوها وبستغرب وبتسأله ليش هيك بتعمل؟بحكيلك والله انا بدي اشوف شو فيو الأنترنت عشان اولادي بطالبوني فيه وبدي اعرف احكيلهم آه ولا لأ...فبتحكيلو طيب الأنترنت فيو من المنييييح للمنييييييخ ومش ضروري كل الناس تنسى وتتجاوز المواقع المنيحه وتفوت عالمواقع المنيخه...فبحكيلك:لأ بس هدول اولاد ومراهقين والفضول مسيطر عليهم بشكل مرعب وانا مش لازم اسمحلهم...فبترد عليه وبتحكيله:ازا انت اللي المفروض ودعت المراهقه وتزوجت واشبعت فضولك لساتك بتفوت على هيك مواقع بمجرد جلوسك امام جهاز كمبيوتر كيف اولادك اللي فعز المراهقه
بس الغلط ما بعود لا عالأب ولا عالأبناء الغلط بعود على المجتمع السافل اللي الأبناء بعيشو فيو وممكن يسمعوا فأي لحظه شب من الشباب بيعطي صاحبو موقع ويحفضو ويروحو يفوتوه...وهون المصيبه لما يفوتوه بصير الفضول يدبح فيهم دبح والجنس بيعشش فدماغهم ولما يكبرو ويجيبوا اولاد بيصيرو يقولو:الأنترنت ممنوع فبسألو الأولاد:ليش ممنوع يا بابا؟وبرد الأب بكل غبا وجهل: لأنه في اشيا لسا صغار على انكو تشوفوها،فبروح الأبن المراهق يفكر طوول الليل شو في بالأنترنت اشيا عيب اشوفها،وليش أنا صغير لحتى ما أشوفها.
وفي اليوم التاني من الصبح بروح على مقهى انترنت عشان يشبع فضوله بس الحقيقه انو ما بشبع فضوله هو بزيده وبصير كل يوم يروح ويفوت على المواقع اللي حكالو ابو انو لسه صغير عليها.
هو صحيح الأب بيمنع ابنو لأنه خايف عليه بس برضو الأسلوب قبل أي شي .
يعني الأب ازا بطلب منو ابنه انترنت ما يحكيلو {لأ}
بإختصار يوفرلو انترنت جوا البيت وبرقابه كويسه ويعطيه مواقع شبابيه بتمتعوا وبهيك الولد بيضل محمي ومش مجبور يروح عمقاهي الانترنت اللي صفحة المواقع فيها عباره عن عالم من الجنس.
وازا اكتشف الاب انو ابنه بشوف مواقع مش كويسه ما يستخدم معاه اسلوب الضرب او اسلوب الحرمان لأنه لازم يذكر حاله لما كان فعمره ايش كان يعمل وازا الاب غلط واستخدم اسلوب الضرب رح يتضايق الولد ويصير يعمل بالغلط جكاره فأبوه ليش يضربو وهو شب كبير مش صغير،وازا استخدم معاه اسلوب الحرمان بضطر الولد انو يروح يصرف فلوسه عمقاهي الانترنت.
بإختصار لازم يقعد الاب مع ابنو يحكيلو ايش استفدت لما شفت هيك اشيا شغلت بالك عالفاضي وضيعت وقتك عإشيا ضرتك ما نفعتك وعإشيا حطمت نظرتك للفتاه وبكره لما تتجوز بتتعلم وبتشوف لحتى تشبع ليه تغلب حالك من صغرك ،كلمتين ورد غطاهم هاي اشيا مش كويسه وما بفوتوها غير المراهقين{عشان يحسسوا انو كبير}الفضوليين وانت شب كبير وازا كان عندك فضول هيو راح وانا ما ربيتك على هيك فبعطيك آخر فرصه ازا بضيعها رح تنكسر الثقه اللي بيني وبينك ووقتها الشب الا ما يتأثر فكلام ابوه.
وغير هالموضوع في مواضيع كتيره متلاً ممكن انو الاب يشوف في الخارج تصرفات خارجه عن اطار الادب لبعض الصبايا والشباب ولما يرجع عالبيت بفكر انو كل الصبايا زي الصبيه اللي مش كويسه اللي شافها وبنزل بهالبنات اللي عندو بقوانين الها اول ملهاش آخر وبيجي على اولاده بعد الساعه10 ما الك فوته عالبيت لانه الشباب في الليل بتأخرو وهمو يعاكسو فبنات العالم ويدخنو ويأرجلو ويحششو .
بس ليش انت بتفكر انو كل الاولاد زي المجموعه اللي شفتها انت يعني مش واثق بتربايتك ولا ايش يعني.
وبيجي الولد لما ابوه يمنعه بضطر يطول لسانه من شدة غضبه وبحكي لأبوه ليش وانت قدي كنت تطلع زي ما بدك وتلبس زي ما بدك وتعمل اللي بطلع عبالك .
الأب:حاط راسك براسي ولا يا نكره وانت بعدك مش طالع من الأرض حاط راسك براسي والله لألعن....
الأبن:ألعن اللي بدك اياه شو هالحياه هي استعباد ولاشو
الاب : اخرس ولا لا تعلي صوتك عصوتي
الأبن:بعلي وبعمل اللي بدي اياه انا شب كبير وما حدا بمنعني انا بالغ عاقل وحر بتصرفاتي وبعمل اللي بطلع عبالي{وبفتح الباب وبطلع من الدار}
الأب: تعال وله ازا ما بترجع والله ما بتفوتها الدار.
الأبن من الشارع:اريح خلي هالدار الك ولقوانينك.
الأب بحكي للأم:اسمعي ازا الغضيب هادا بفوت او بعتب هالبيت انت طالق سااااامعه.
الأم:طيب طيب طول روحك.
الأب:حلي عني الحق مش عليه الحق عليكي انت اللي ما عرفتي تربيه{وبتبلش طوشه بين الاب والام}
والولد ماشي فالشارع فنص الليل وبلاقي شلة شباب منحرفين بروح عندهم وبصير منهم وكل هاد عشان الاب ما بثقش فأولاده وبشك فيهم وبدو يمشي كلمتو من دون نقاش حتى ولو هالكلمه ممكن اضيع الابن وتدمر سمعتو وتدمر اخلاقه.
انا بلاحض كتير على الأهالي انهم بعتبرو البنت او الابن عطول جاهلين وكل حكيهم غلط وانو الابناء لانهم صغار ما عندهم خبره وما عنده وما عندهم لحتى يوصلو الابناء لدرجة انهم ما يتقبلو كلام اهاليهم متل ما الاهالي ما بتقبلو كلمة الابناء.
الوعي مفقود من عند الاهالي اكتر ما هو مفقود عند الابناء وهادا الي مضيعنا....[/color]

:p رغدة المصري :bawling: