(بحبك) بطريقة غير شكل

[مشتاوية]

بحبك حب الشباك للبرداية ، بحبك حب الأرنبيط للكوساية
...! بحبك حب الشلمونة للكولاية .. بحبك حب الطشت للكبجاية..!
بحبك حب الزيت النباتي للمقلاية .. بحبك حب الجرابات للصرماية ..!
لك بحبك حب سلاحف النينجا للبيتزاية ...!!!
يا ريت تكوني شخوطة .. وأكون أنا المحاية... يا ريت تكوني بريات .. وأكون أنا البراية... بحب ضحكتك يللي متل صوت المعزاية …بحبك حب المقلمة للشنتاية ....
يا ريت تكوني عوجا وكون أنا العرباية.. يا ريت تكوني طربيزة… وكون أنا كنباية ....
يا مدلوئة حياتي وشعيبيات عمري يا أحلى زبدية محلاية...
بحبك حب الريموت للتلفزيون... بحبك حب بنت أخي الفصعونة لسبيس تون...
بحبك حب أبو السوم للطابة.. بحبك حتى لو كان صوتك متل موتور الدبابة..
اسمعيني شوي لحتى احكيلك الأصة... يا ريت تكوني حنفية مي عم تشرشر ... وأنا بعصّا.. انشالله ما يبلا هلطول ... متل عرئ الفصة... لك يا ريت تكون معي هيكة كمشة بزر وأعطيكي نصا
بحبك حب منير الجبان لكلمة صباح الخير... بحبك حب جهاد سعد لبرنامج خبرني يا طير... لك بتسدئي ؟؟ بحبك حب جورج بوش لتوني بلير...
بحبك حب الزلائط للمعؤوود....بحبك حب بيشو لأبو الفوود... بحبك حب السعادين للقرود...
بحبك اذا كنتي ساكتة أو عم تحاكينا... بحبك حب ابن أخي الفصعون لبوظة كارينا... بحبك حب البردآن .. للكرمنتينا ...!
حاجة بأه جننتينا

[echo]

ههههههههه موضوع حلو بس مكانو بنادي الترفيه

[مشتاوية]

أنا بحتج على نقل موضوعي من القسم العام إلى قسم الترفيه , و بطالب بإعادته حالا. :mad: أصلا شو يعني قسم عام؟؟؟؟؟؟؟
يعني فينا نحط فيه كلشي بدنا ياه , ولا شو ؟؟ :confused:






لا تصدق عم بمزح

[amigo]

عنجد خوفتيا بأول سطرين ( خفنا نزعلك ما صدقنا صار عنا بالمنتدى عضو نشيط متلك ) :eek:
بس بآخر عرفنا أنك مشتاوية عنجد وقلبك طيب ومهضمومة :p

[ramroum]

هههههههههههه وانا بحبك حب الشحاطة للصرماية ...ههههههه
ياهيك الحب يا بلا ..... شو هالحب هاد
ع كل حال يسلموووووون

[Relax]

اللـــــــــــــــــــــــــــــ يامشتاوية ـــــــــــــــــــه
عنجد عنجد موضوعك بيفتح القابلية عالحب اي شو هاد ماشالله ماشالله مصطلحات عجز عنها قيس وليلى وكلّ مشاهير الحب !!!!
ياريتك أجلتيه شي كم يوم ونزلتيه بعيد الحب كنتي اخدتي عليه جائزة اكيد :p
عالعموم يعطيكي العافية ومنتمنى منك موضوع تاني تعتذري فيه للحب عن الجريمة الخطيرة اللي ارتكبتيها بحقّه !!!


لاتصدقي

عم

أمزح

الله

يعطيكي

العافية

*** كتّري منهن ***


Relax
Germany

[مشتاوية]

قصيدة وجدانية

أمس الصبح
بعد العصر
حوالي نص الليل
ضحكت بحزن
فرحان من ضيق صدري

شاعر حمصي

(طبعا مع احترامي للحماصنة اللي هنن أطيب شعب)