سحر

[مشتاوية]

[color=FA0309]سحر, ومين ما بيعرف سحر :[/color]D

إنها تلك المرأة المختلة عقليا التي تجول في شوارع المشتى كل يوم و تتفوه بكلمات رديئة أحيانا و كلمات لطيفة أحيانا أخرى (تبعا لحالتها النفسية)
بعض الأولاد يركضون وراءها و يضحكون عليها فتبادرهم هي بالشتائم التي يحفظها هؤلاء الأولاد عن ظهر قلب :mad:
و نوع آخر من الأطفال يخافون منها فإن مجرد رؤيتهم لها يصيبهم بالهلع
و طبعا هذا بالإضافة إلى بعض التصرفات المشينة التي قامت بها سحر خلال فصل الصيف, و طبعا هذا كله يسيء بسمعة المشتى .
فهل يجوز أن ننتظر هذه المرأة حتى تقوم بإيذاء أحدهم ثم نفكر كيف نتصرف يعني بالعامية: ننطر حتى توقع الفاس بالراس بعدين نندب حظنا :mad:

ما هي الجهة المسؤولة عن هكذا حالات؟؟؟؟!!!!!! :confused:
لماذا لا تقوم الشرطة بالطلب من أحد المشافي العقلية أن يأتوا و يأخذوها لتتم معالجتها كي تعود إنسانة طبيعية متل السابق .

إن علاج هذه المرأة عمل إنساني قبل أي شيء, لأنها قبل أن يصيبها هذا المرض العقلي كانت إنسانة طبيعية تعمل في التدريس و كانت معروفة بذكائها.
لكنها تزوجت و تطلقت و انهالت المشاكل عليها واحدة تلو الأخرى, الأمر الذي أدى بها إلى الجنون.
كما أنها الآن تعيش في قريتها (الجنين) بمنزل لا يمت للمنازل بصلة و لا تتوافر فيه أي من شروط الحياة.
فإذا ساعدناها على استرداد عقلها فإننا في هذه الحالة نكون قد ساعدنا إنسانة مسكينة على العودة إلى الحياة الطبيعية , و في نفس الوقت نكون قد أرحنا أهل المشتى من الإزعاج.

[Abo Habib]

فعلا موضوع كتير مهم وشكرا عالمشاركة
بس في كتير متل سحر يا مشتاوية وعم يعملوا
اكتر منها
ولا الحكومة عملت شي ولا اهلن قدرو يضبوهن
وإذا ما عرفيتهن ممكن نذكر اسماء
(أبو الحب)

[ramroum]

يامشتاوية ....... سحر بتوجع القلب ومابعرف شو لازم ينعمللا
بس بعتقد مستوصف المشتى لازم يهتم بهالموضوع
شكرا كتير كتير .... ع هالموضوع يللي كلنا نسيانينو عم انو كل مانشوفها لـ سحر بيوجعنا قلبنا عليها ومنزعل كتير عليها وع حالنا لانو مافينا نعملها شي... مو طالع بايدنا
بس منقوووول الله لا يجربنا

[مشتاوية]

اسمحلي أبو الحب بس الشطارة ما بذكر الأسماء, الشطارة بتقليل هالأسماء
أصلا نحنا مافي أشطر مننا بالحكي على بعضنا
(ما تزعل خيو ) :o

أنا بس بتمنى من كل شب و صبية بالمشتى إذا شافو شي بنت عم تتصرف تصرف ما حلو انهم يعتبروها متل اختهم و يحاولوا يحكو معها و يفهموها انو تصرفاتها غلط, و اذا ما اقتنعت يحكو لأهلها مشان هنن يتصرفو مع بنتهم.

بس اللي عم يصير بالحقيقة انو الواحد ما بيصدق يسمع شي خبر صغير عن شي بنت حتى يبلش ينشروا و يا ريت بس هيك , لأ لازم يفلفله شوي مشان يصير مشوق. :mad: و بينسى انو هالبنت هي بنت ضيعتو قبل كل شي

[Abo Habib]

بعتقد يا مشتاوية فهمتي غلط
انا قصدت يلي داشرين بالطرقات من اهل المتشى
يعني المجانين
والدولة ما بتضبن ولا اهلن بيضبوهن
بس هيك عنيت انا
(أبو الحب)

[مشتاوية]

بعتقد يا مشتاوية فهمتي غلط
انا قصدت يلي داشرين بالطرقات من اهل المتشى
يعني المجانين
والدولة ما بتضبن ولا اهلن بيضبوهن
بس هيك عنيت انا
(أبو الحب)

و أنا بعتذر منك و لا تواخذني
بس يلا كانت فرصة مشان احكي عن فكرة دايما بتدور براسي :confused:
و حتى الخوري حكا عنها بالكنيسة قدام كل الناس, و ولا مرة شفت حدا عم يحاول يحلها

[باسم خوري]

عن جد منظر هل المراة بالطريق محزن ومؤسف بس ما حدى في يعمل شي لهل المسكينة لأنو بهل الإيام يللي عندو عقل ما عم يعرف كيف بدو يحافظ عليه فكيف يمكن للي فقد عقله انو نرجعلو ياه

[echo]

بالفعل مشكلة سحر مشكلة عويصة و اللي بيتذكر الحادثة اللي صارت وقت خلعت تيابا (حاشاكم) بالساحة العامة وقتها العالم اللي بالساحة انذهلو و كمان هديك المرة صارت تضرب الأولاد بالحجار و كل حجر أكبر من التاني

هي لازم يلاقولها حل ما بيصير هيك

[مخلص للمشتى]

مشتاوية العزيزة و أبو حبيب الغالي :
ما هكذا يحكم على سحر بأنها مشكلة و يطلب من السلطات حلها .....مسكينة هذه الإنسانة التي فقدت كل شيء حتى عقلها و هذه تستحق الشفقة فبالعاطفة و الحب تعالج مشكلة هذه الإنسانة ....... تعتبرونها مشكلة بالمشتى لما فعلته في الساحة العامة أو في أي مكان كان ........... خسرت كل شيء حتى بيتها و أولادها و شخصها فانتم تحملونها أكثر مما تحتمل ..... مشكلتها أكبر مما تتوقعونه و اسألوا الأطباء لتتأكدوا فالإنسان هو محور الحياة _________هكذا علمنا السيد المسيح : المحبة لإخوتنا في الإنسانية _____________ يقول السيد المسيح "رسول المحبة و السلام ":"الحق أقول لكم : كل مرة عملتم هذا لواحد من إخوتي هؤلاء الصغار ففي عملتموه "(متى25-40) فهؤلاء الصغار هم البائسون و المحتاجون و المرضى و المتألمون و كل إنسان يطلب منا يد العون .
المشتاويون بتاريخهم و ذكائهم و محبتهم أكبر من أن يعتبروا سحر مشكلة ......... لن يحكم على المشتى من خلال سحر و غيرها بل من خلال تاريخ و ثقافة و محبة و ذكاء المشتاويون فالمشتى أكبر من التفكير بهذه الأمور فلنكن أعمق تفكيرا و أبعد نظرا و غير آبهين بالمظاهر التافهة ...... لنكون أكبر من كل الصغائر و لنكن محبين و خادمين لإنسانيتنا و وطننا .....
هــكذا يحكم على الامور يا أعزائي

[مشتاوية]

مشتاوية العزيزة و أبو حبيب الغالي :
ما هكذا يحكم على سحر بأنها مشكلة و يطلب من السلطات حلها .....مسكينة هذه الإنسانة التي فقدت كل شيء حتى عقلها و هذه تستحق الشفقة فبالعاطفة و الحب تعالج مشكلة هذه الإنسانة ....... تعتبرونها مشكلة بالمشتى لما فعلته في الساحة العامة أو في أي مكان كان ........... خسرت كل شيء حتى بيتها و أولادها و شخصها فانتم تحملونها أكثر مما تحتمل ..... مشكلتها أكبر مما تتوقعونه و اسألوا الأطباء لتتأكدوا فالإنسان هو محور الحياة _________هكذا علمنا السيد المسيح : المحبة لإخوتنا في الإنسانية _____________ يقول السيد المسيح "رسول المحبة و السلام ":"الحق أقول لكم : كل مرة عملتم هذا لواحد من إخوتي هؤلاء الصغار ففي عملتموه "(متى25-40) فهؤلاء الصغار هم البائسون و المحتاجون و المرضى و المتألمون و كل إنسان يطلب منا يد العون .
المشتاويون بتاريخهم و ذكائهم و محبتهم أكبر من أن يعتبروا سحر مشكلة ......... لن يحكم على المشتى من خلال سحر و غيرها بل من خلال تاريخ و ثقافة و محبة و ذكاء المشتاويون فالمشتى أكبر من التفكير بهذه الأمور فلنكن أعمق تفكيرا و أبعد نظرا و غير آبهين بالمظاهر التافهة ...... لنكون أكبر من كل الصغائر و لنكن محبين و خادمين لإنسانيتنا و وطننا .....
هــكذا يحكم على الامور يا أعزائي

معلش خيو:
إذا سحر هلأ مانها مشكلة,بكرا بس تئذي شي ولد بيصير فينا نقول عنها مشكلة؟؟؟

بعدين انت عم تقول نحن خادمين لانسانيتنا و وطننا , يعني برأيك اللي عندو انسانية فيه يشوف سحر بالحالة اللي هي فيها و يقول انو نحنا أكبر من هالصغائر, وتفكيرنا أعمق منها؟؟؟؟

أنا لما كتبت هالموضوع كان قصدي انو لازم تنبعت على مشفى مشان تتعالج لأن الحالة اللي هيي فيها هلأ, حالة يرثى لها, و المخلوقة مانا وعيانة على شي.

و كل اللي شاركوا بالموضوع من نفس الرأي (اذا ماني غلطانة)

بس اذا انت برأيك انو لازم نتركها بالشارع و هي بنفس الحالة, فيك تشرحلنا ليش؟ :eek:

[غير مسجل]

كل ما بشوفك يا سحر بزعل كتير>><< وبخاف متلك صير مجنون وفقير
وبسأل ياالله وين اصحاب الهمم>><< و وين العداله ووين اصحاب الضمير

راجح

[مخلص للمشتى]

بسلامة فهمك يا مشتاوية
ما حدا بيشكك بفهمك و شكرا على اهتمامك بالرد إنما الموقف إنساني فقط و الله لا يجرب حدا و كلنا معرضين لهيك مواقف بتمنى التواصل دائما بالردود على هذا الموقع العظيم و بأمثالك يرتفع مستوى الموقع و أنا عم تابع عطول كتاباتك الجميلة و أرجو عدم الإطالة

[Relax]

عندما يجتاح الظلام أضواء النهار ....عندما تعود الطيور إلى أعشاشها ...عندما يعم الظلام أرجاء الكون ،ويكسوه بهيبته وسطوته ....عندما ينام العالم ليستعد لصباح يوم جديد .. ينطلق فيه بكل شراسة لبث مزيد من الألم ...والحزن ...والفتك ...والقتل ......
تظل عيون باقة من الزهور مستيقظة .....با قة من النرجس والياسمين .....والرياحين .... تظل ساهرة لم تنم طوال الليل ...ساهرة تترنم بألمها وحزنها ....ساهرة تأنّ وتتوجع وتتحسر على ذنب لم تقترفه .....على حالها الذي لم تشاء في يوم أن تكون عليه.....
زهور ليس لها ذنب ...لكي يقسو عليها هذا العالم ...ويحرمها حتى من التمتع بأقل حق من حقوقها ....وكأنما خلقت بلا حقوق ...وبلا هوية ....وإنما حق العيش للقوي الظالم .....وليس لها إلا الظلام .. عندما تغيب العيون فترسل زخات حزنها
وتشكو لجواهر السماء المضيئة ما قد حل بها ...
من ظلم ممن لايخاف الله ....ومن هجر الناس لها ....ومن النظرة الدونية لشخصها ...ومن تحرج من حولها من القريبين لها لئلا يراها أحد في بستانهم ...وكأنما هي جريمة في حقهم...ومن....ومن....ومن.....ومن.....
زهور ليس لها مكان في هذا العالم وإن كان فهو من باب الرحمة والشفقة ...ومن يرضى بأن يكون طوال حياته محلا لشفقة الناس ورحمتهم....لا لا لا أحد يقبل أبدا...

لو سأل أحدنا نفسه ، كيف تكون حياته لو كان حاله كحال هذه الزهرور؟؟؟؟؟؟؟؟؟؟؟؟
ليست هذه الزهور من عالم الأساطير ...وهي موجودة بيننا وتعيش معنا ولكن ما موقفنا تجاهها.؟؟؟..ما نظرتنا إليها؟؟؟

هل عرفتم مانوع هذه الزهور ؟ التي أتحدث عنها ...إنها زهور من البشر أتدرون من هم؟هم الفئة المعاقة في مجتمعاتنا ...
التي مازلنا لم نوفهم حقوقهم كما ينبغي ...وإن قال لي أحد بل هناك اهتمام بهذه الفئة ..فسأقول له :ما دافعها ؟أهو الرحمة
ما مدى شموليتها لحاجاتهم ؟ مانظرة من حول هذا المعاق لشخص هذا المعاق؟ ما ؟ وكيف ؟وووووووووووووو

أسئلة كثيرة تدور حول هذه الفئة ، ومدى ماتلقاه من مراعاة لحقوقها الإنسانية بغظ النظر عن الإعاقة ......

فمن الأجدر بنا ( أقصد هنا كل أهل مشتى الحلو ) أن نتوحد يد بيد لنفعل شيء لهذه الزهور

ولكم الشكر ...

[fade antar]

يمكن يا مشتاوية كل إنسان بالمشتى بيتمنّى أنو تنحل مشكلة سحر لأنو كل واحد منّا ممكن يعاني من تصرفاتها المحرجة أحيانا وما حدا ممكن يحكيها أو يوقفا عند حدّا لأنو بيشفق ع حالا والحل أكيد هوي إدخالا لمصح عقلي بس هالشي ما ممكن نحنا نقوم في لأنو عندا أهل ممكن يهتمّوا فيها ونحنا على ما أعتقد ما عناّ صلاحية ندخلا عالمصح بس منقدر نشتكي للشرطة