28-06-06, 09:43 AM
كرمـــال عيـون بلادي فاتــح معــهد قرادي
وكل ما غربلت الشّعار بيكبر صف الردادي
moke:
وكل ما غربلت الشّعار بيكبر صف الردادي
moke:
|
لمن يريد التسجيل !!!
|
28-06-06, 03:59 PM
كرمـــال عيـون بلادي = فاتــح معــهد قرادي
وكل ما غربلت الشّعار= بيكبر صف الردادي ======================= يابو سعدى كيف الحال == أهلا وسهلا ومرحبتين المنبر بدو زنود رجال == مش يلي زنودو رخوين إن كنو في راسك موال == عَـلّـي صوتك إوعى تلين البدر إنْ غنى وْصال وْجال == مش انتِ أعتى الشعار بتركعلو حسب العادي =======================
28-06-06, 07:42 PM
كرمـــال عيـون بلادي ----- فاتــح معــهد قرادي
وكل ما غربلت الشّعار ----- بيكبر صف الردادي يـابـدر الطالـع ع الـــدرب ----- الظاهـربـدك درس كتير بوسعدى بمدرستو صـعب ----- والله يعينك ع التقصــير زنودي وحدا بتشعل حرب ----- ويــلـي بـيـتـحدا بـكـيـر بـدو يســــــتـنجـد بالـــرب ----- ويركع ويصوم زيـادي
28-06-06, 07:49 PM
كرمال عيون بـلادي ــــــــــ فاتــح معهــد قرادي
وكلما غربلت الشّعار ــــــــــ بيكبر صف الردادي اللي بدو ينظـم ردي ــــــــــ بالسهرات المحتدي لازملو يسجل عندي ــــــــــ وياخد منـي زوادي ويلي بيكسر رداتو ــــــــــ بدي كســـــــــــــّر دياتو حتى يـوزن أبيـاتو ــــــــــ ويختم من عندي شهادي ويلي بيـكتـب شــو ماكـان ــــــــــ وما بيعرف ينظم قصدان برجعو ع صف الصيصان ــــــــــ وبــــــزحـفـو دادي دادي يمكن أبياتي صعبين ــــــــــ ع الشــعار التعبانين لكن كرمال الحلوين ــــــــــ بفرد قلبي ســـجادي
29-06-06, 08:32 AM
درس عالماشي ...... يا .............
كرمال عيون بـلادي ــــــــــ فاتــح معهــد قرادي وكلما غربلت الشّعار ــــــــــ بيكبر صف الردادي ========================= ردك يا شاعر يا حيف == منقوص بآخر رده رح وضحلك هالتحريف == تا تتعلم يا بعدي قفي ( براء ) وزيد وضيف == قبل الخرجه يَ مصدي مش انتِ بدي يا ضعيف == يل أزعم منك بدي وحيثو براسي طاب الكيف == رح بقبل حدك هدي حاجي تتبهور يا طيف == حيثن يلي لسا زغار مو خرج البدر الشادي =========================
============
بنشوفك السبت ان شاء الله ============
29-06-06, 07:31 PM
كرمال عيون بـلادي ــــــــــ فاتــح معهــد قرادي
وكلما غربلت الشّعار ــــــــــ بيكبر صف الردادي شعري عم يضوي قبالك ------ وأنت بــدرك رح بنــوص ظــبــط حــالــك أحـلالـك ------ هلالك رح يبقى منــقـوص نــوري .. لو هل هــلالك ------ بيعمي عينك والبصبوص لا تـــنـغــر بــأقــوالـك ------ صوص ورح بتضلك صوص بالمعهد ســــــــجل حالك ------ والله يـعـيـنـك لو بتحـوص بوســـعدى مـن أفعــالـك ------ عيونو عم تشـــرقــط نـار حتـى يربـي المتمـادي مع تقديري .........
29-06-06, 08:01 PM
[rams]http://6arab.com/singers-ar/north/fairooz/index-ar.shtml[/rams]
01-07-06, 01:51 PM
ممنونك على التقدير احتراماتي
كرمال عيون بـلادي ــــــــــ فاتــح معهــد قرادي
وكلما غربلت الشّعار ــــــــــ بيكبر صف الردادي ======================= نور ونيران وصيصان == شو هالرد المش لايق جاي تهذرب كف ما كان == وجهلك قدامك سايق بتشرقط نار ودخان == شكلك حالك مش طايق إنكنك ملتاع وحيران == قلي من شو مضايق تا إوصفلك يا خرفان == وصفه بتقصر لعمار تا تتريح بزياده
02-07-06, 08:46 AM
عم نتسمع يا شعار ردة وردة عم نقرا نور وبدر وكمشة نار وفكرة عن تلحق فكرة بدنا ما يجينا ثرثار ويقول العالم بقرا ونبطل نكتب أشعار ونصير نقعد ع حيادي
02-07-06, 09:28 AM
كرمال عيون بـلادي ــــــــــ فاتــح معهــد قرادي
وكلما غربلت الشّعار ــــــــــ بيكبر صف الردادي يــابـدر العـم تـتـحدا ------- يـاريـت تخبـر اهـلـك مش رح ترجع تتغدا ------- بوســعدى عم يندهلك نارو الشـــعلاني بـدا------ من راســـك تاكل جهلك وصيـصانو منّك قدا------- هيدي نسور بتصرخلك هلق جايي بوسـعدى ------ يبعت من شعرو اعصار يزتك بكعب الوادي
02-07-06, 12:27 PM
كرمال عيون بـلادي ــــــــــ فاتــح معهــد قرادي
وكلما غربلت الشّعار ــــــــــ بيكبر صف الردادي جعفر حيـدر شــرفنـا ------ الهيئة تلميــذ مشــاغب رح سجلك بمدارسنا ------ بصف التحضيري طالب تـاوصلك ع مـطرحنا ------ كل يوم بدرّســك واجب نحنـا للشـــعر خـلقـنا ------ وأنـت ع بـابي حـاجب ولـو بـعدك مابتعـرفنا ------ وجايي بشــعرك لتغالب رح جمـدك عامنبـرنا ------ بنظرة بو سـعدى الغاضب منقبل حتى تآنســـنا ------ وعينك من تحـت الحـاجب ويلي بدو يعاكســـنا ------ بشــعري مهيئلو منشــار ياكل من راسو برادة
02-07-06, 02:58 PM
ابي سعدى كتب: مع حفظ الألقاب لشاعرنا الكبير ابو احمد جعفر يا شيخ الشّعار == شايف أيام القِــله ؟جايي المرجو بْـليا بذار == يرمي بْ بيدرنا الغَـله ======================= وْبو سعدى مهما الأعصار == قدام البدر يعلي ويْــثَـَــوِّر غيمات غْبار== مَ بيحجب نور الطله وْأهلي بْ بيتي ياثرثار == قالولي جيبو يلي تايه بردودو وْمحتار == تا نحطو مع هآ .. لِزغار تا يـِـقوى بالقراده
03-07-06, 01:44 AM
كرمـــال عيـون بلادي--- فاتــح معــهد قرادي
وكل ما غربلت الشّعار--- بيكبر صف الردادي عرفتك يابدر معتر ----- شويعر بالأفكار ركيك بترد بشعر مكسر ----- شو جايي من الأطلنتيك للشعر حبوبي بيدر ----- حبة وحبة رح طعميك حتى جناحاتك تظهر ---- صرلي مدة عم ربيك ع المنبر لا تتجبر ----- بجمدك لو بتطلع فيك مهماالصيصان بتكبر---- بتبقى تحت جناح الديك ومن بعدك شرف حيدر---- ولازملك للرد شريك لكن لعيون المنبر ----- رح ابقى أعطي أفكار تبقى الكن زوادي
03-07-06, 02:28 PM
حسبك با بو نص لسان == ما فيك تكفي المشوار
يا بو سعدى بالأوزان == نحنا مرجع للشّعار للفكر الوافي عنوان == للشعر السامي معيار منهل صافي للضمئان == خزنه معبايي أسرار مش متلك بيدر زيوان == خرجو نشعل فيّو النار ======================= وجعفر يا شيخ الليوان == تْرفع يا عالي المقدار الحاجب عاباب الديوان == عامل سعرو بالأخيار عربد في ساح الفرسان == وتْجاوز حد المضمار وحامل للجهل شـْــهادي
03-07-06, 10:57 PM
كرمـــال عيـون بلادي--- فاتــح معــهد قرادي
وكل ما غربلت الشّعار--- بيكبر صف الردادي بوســـعدى بشـعرو مختـص ------ بعمــق المـعـنـى والتعـبيـر وأنـــت بشـــعرك عم بتغص ------ لمــــا وقــت الجـد يصيـر لســــــــانك بـدي جبلو مقص ------ حـتى شــــفي مـنو كتيـر يـــمــكـن طـيـر مـنــو نـــص ------ ويــمكن كــلـو رح بــطـيـر الظاهر رح ترسب بالفحـص ------ وتــرجـع ع بـيـتـك بـكير بشـــكل مـجعلـك ما بينطـص ------ جايب ســـبع تمـان صفـار ومن عندي صفر زيادي
04-07-06, 11:59 AM
بو سعدى عما نداريك == من شي سبع تمن تيام
قلنا بلكي بيثمر فيك == لكن شكلك مَ بتنلام حيثك سبحان الباريك== عايش في دنيا الأحلام مره نسر ومره ديك == ومره بيدر للأوهام مَ بتسوى نحنا نباريك == روح تمدى إسترخي ونام جهلك من كترو مواريك == حرفك من عتمو منضام كلك مَ بتسوى متليك == لما الشعّار بتنسام البدر الي بعطفو مثاويك == مَ بيقبل حدو الأقزام لاتنغر بحالك هيك == روح إسئل شو يلي صا ر بغيرك مع بدر النادي
05-07-06, 02:04 PM
كرمـــال عيـون بلادي--- فاتــح معــهد قرادي
وكل ما غربلت الشّعار--- بيكبر صف الردادي يـا محتد ســـماع الرد ------ ع الـــردات الـتعـباني ردي حد وســيـفي حد ------ بقيم الحد على الجاني بعطي وعد اليوم وغد ------ ارفع ســــد بـقصداني برد الـرد ان جد الجـد ------ بصـــد المـد وبـالـبـتّار بقطع يــد المتمـادي
05-07-06, 06:28 PM
=============================
يا بيّْ سعدى ماجت بشطئانها == بحور الدرايه والبدر قبطانها هات المعاني وإعتني بأوزانها == ونسِّق معي الردات عا ألحانها بين العقل والعاطفه رح خيرك == حدد مجالك وإصدح بميدانها =============================
06-07-06, 11:51 AM
شــوباك غـيـرت اللحن ما أثـقلكْ ------ غربال شعري ع المنابر غربلكْ أنا ع بحور الزجل رح ابقى مَلَكْ ------ يلي عمل قـبطان ع شكلك هَـلَكْ بالعاطفة بْحَرِّكْ شـعور الكائنات ------ وببعت صـقيع العقل تـجمدك إلـكْ
06-07-06, 05:59 PM
================================== يا عقل زاخــر بالفكر والمعطيات == سَطِـــر حِــكم تـَنْـفـَـهِّــمـو سر الحياة عا مبدئي رح ضل جامد في ثبات == باقي عَ ذات النهج عا ذات الصـفات مش متل يلي مْشاعْــرو بتحَر ِكو == مـــحتار قلبو وْ ملتهي بالــتــافــهات ================================== الى اللقاء يوم السبت ان شاء الله
|
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر