ابي سعدى ...يتسبح

[ابي سعدى]

بأمواج البحر الأزرق ----- بوسعدى راح وغمق
فوق الركبة عم بشك ----- تحت الركبة عم يغرق

قالتلي قرب لاتخاف ----- تحت الميي مامنشاف
موجة بتغطي لكتاف ----- وموجة ع الخصر بتعلق

طلعت تتشمس ع الشط ----- كل منشافا ريقو شط
يا تعتير فروخ البط --------- لما بوسعدى عبق

صار يخبط بين الناس ----- يكسر كاس يعبي كاس
ومن كونو شاعر حساس ----- قداما عاد وروق

كرمالك يا أمورة ----- كتافي عملتا شختورة
ومهما دور المعمورة ----- قلبي بعينيكي معلق