تنحنا نموت وتعيش السياحة

[سيمون نظامي]

مابدي بضيعتي مخطط مساحة ......... تا يوسع ع حسابا وع جراحا
ما بدي من السياحـة تبعتولـــي ......... التشرذم والخلاعة والإباحــة
*****
ما بدي تموت بالجيل الرجولي ......... ويوعى ع التخنث والوقاحة
نحنا أرضنــا أرض البطولـــة ......... خلقت للهوى والليــل واحــة
*****
ما بقبل شوف ع ترابا وصولـي ......... وما فيني شوف حرمتها مباحة
تركولي ضيعتي الحلوة تركولي ......... ع قـد الصحـــن معتز بصباحا
*****
ما بدنــا لا سيولــة ولا عمولـــة ......... ولا يعمر بيتنا من دون راحة
اجو الاطفال بالدمعة الخجولــة ......... ووين بيلعبــو ؟ ما ضل ساحة
****
يا مشتــى الحلــو للكون قولــي ......... الحقيقة وما بقى تخبي الصراحة
حبستو الطفل وخنقتو الطفولي ......... كرامـــة ميــن يــا عالـــم بيكفي
تنحنا نموت وتعيش السياحة
سمون نظامي
عيون الوادي 26/9/2006

[ابو الزلف]

يا ريت بتنزل القصيدة التانية يا سيمون
يا مشتى و جمال و جو راقي ---------يا حب و يا حنين و قلب ناقي
عشت فيكي الطفولة من الطهارة -------على طرقات مدرستي و رفاقي
---------------------------------------------
---------------------------------------------
اجو التجار من اهل التجارة --------و ماخلو لا نهورا ولا سواقي
بنو ع هدم تنورك عمارة ---------------------------
ارجو كتابة البقية يا سيمون
بكل الحب ---- عامر -ابو الزلف