دفتر خمسمية

[adidas]

مرة ع سكره طلعت صبحية
صوب السما تشوف شو علي

ومن قبل ما أدخل جناح الآب
وقفت عند المدخل شوية

شفت شوفي بترعب الألباب
منبع خمر من صدر حورية

متلت ع جمر جهنم اللهاب
و مسحوب بالكركي السماوية

وبتعرفوا انو الطبع غلاّب
سألتها كيفك يا عينيي

متل كأنه نقص ملح و داب
وبقيت وحدي فرفك بديي

راحت و تركتني بأمل كذاب
و تَـقوم ارجع ما بقا فيي

وصفى بعيني النعيم خراب
والله عليي سجّل خطية

قلت لازم بعد كل حساب
صفي حساباتي بصدق نية

رحت ع جناحه وقرعت ع الباب
و لما انفتح باب الالوهية

شفت الاله وفي معه كتاب
يعني متل ما تقول ذاتية

قالي تعا لا تخاف يا حباب
وقدت اوراقي الثبوتية

هو لمح اسمي اخدني وغاب
وشفت الخطايا كيف مدرية

وقلي يا شكبو بعد هيك غياب
ما تركت عندي وراق فاضية

ع كل حال رجاع ع المرآب
وخود سيارة ع حسابي
وجبلي معك دفتر خمسمية

الكاتب من المشتى ؟؟؟

[amigo]

الاخ اديدس
القصيدة رائعة ولكن كانت موضوعة بشكل مشوه تماماً حيث كانت مليئة بالاخطاء على كافة انواعها
لذلك قمت بتصحيح ما تيسر منها

وللتنويه القصيدة ليست لشاعر من المشتى وإنما هي للشاعر شكيب ابراهيم موسى من عيون الوادي المجاورة للمشتى والقصيدة بعنوان ( الطبع غلاب ) ص 34-35 من ديوانه ( حكاية عمر ) 2002

[جوزيف السعوديه]

شكرا لك اخ اديدس على هذه القصيده ....وشكرا لكاتبها

[adidas]

الصديق أميغو ....

لقد قمت باعادة كتابتها لكثرة الاخطاء فيها , شكرا صديقي واعذرني لانه قمت بتدوينها على دفتر لدي في غربتي بعد ان سمعتها عن لسان احد الاصدقاء المشتاويين هنا في الغربة الذي سردها يمكن باسلوبه الخاص اشكرك لتنويهك

ملاحظة:" في الامس وضعت تعليق على هذا الموضوع ولكن اليوم لم أجده ؟؟؟؟؟ "

[adidas]

هل هذه القصيدة أيضا له ؟؟؟

رح أبعتلك بالمكتوب
كلمة بتفرح القلوب


كتبوها قلبين صغار
يمكن كانت بالمقلوب

بح وقوش وتلج ونار
بتخلي كل الجسم يدوب

مثل شئ طفلين صغار
لبسوا ثيابهم بالمقلوب

خافوا من شخصيين كبار
كان خيالهم جاي صوب

حيطان و جدران الدار
وشقفة خبز مثل الطوب

أكلوها طفلين زغار
صار التراب اللي فيها يدوب

تحت سنان سنان زغار
من ديق اللي فيها بتدوب

وقفت وقلبي محتار
اتفحص شكل المحبوب

رح ابعتلك قلبي تذكار
يمكن يوفي بالمطلوب

كل ما اشتقتي و شفتي زغار
ارجعي اتذكري المحبوب

من يوم اللي كنا زغار
ونلبس كنزه بالمقلوب

معشعش بقلبي تذكار
مش ممكن من النار يدوب

حبك مثل شعلة نار
ما بتقدر تطفيها قلوب

شعلاني ع طول الدهر
تنتظر رجوع المحبوب


الأخ أميغو الرجاء تصحيحها اذا وجد فيها غلط وأسألك هل لنفس الشاعر هذه القصيدة أيضا؟؟؟

[ثناء حيدر]

[size=6]

المطلوب حاليا تصحيح أغلاط المشرفيين و الإداريين و ليس تصحيح أخطاء الكتاب

نحن للأسف لا نقدر أن نفتح أكثر من موضوع أو رد جديد و غيرنا يفتح أشياء لا نملكها بحكم تكوين الخليقة الإلهية

[/size]

الأخ Whipped Ices

أشكر نقدك وحرصك وديمقراطيتك في أن تصحح أخطاء المشرفين والإداريين، ونحن لا يوجد ما يمنع من أن تصححوا أخطاءنا كمشرفين فالإنسان ليس معصوماً عن الخطأ... أشكر اهتمامك ...
ولكن ليس من العيب أن يصحح السيد أميغو بعض الأخطاء التي لم تكن عن قصد بسبب أن القصيدة قرئت من قبل أحد الأصدقاء، لذا أوجه الشكر للسيد أديداس على حرصه الدائم في إغناء هذا القسم الثقافي بما هو مفيد وممتع، وأشكر السيد أميغو الذي قام بمهمة التصحيح بسبب تواجدي في الوطن وتغيبي الغير مقصود عن موقعنا الغالي .

[size=6]

نحن للأسف لا نقدر أن نفتح أكثر من موضوع أو رد جديد و غيرنا يفتح أشياء لا نملكها بحكم تكوين الخليقة الإلهية

لم أفهم قصدك يا صديقي، هلاّ شرحت لنا ماذا تقصد؟ أكون لك من الشاكرات .




أشكر الجميع، لحرصهم وغيرتهم على هذا الموقع للظهور بما يليق به فكرياً وثقافياً واجتماعياً .

دمتم جميعاً بخير ومحبة

ثناء حيدر - براغ -

[/size]