شو رايكم كل واحد يكتب احلا مكان الو بالمشتى

[قتيبه]

شو رايكم يا زوار المشتى كل واحد يكتب احلا مكان الو بالمشتى ويكتب السبب ونخلي اهل المشتى كمان يعطونا رائيهم

[Ninos]

اه اه..لا تذكرني يا أخي..ليش في أحلى من القعدة تحت الدلبة..أو شرب مية النبع الي حدا.. ليش في أحلى من نفس ارجيلة بالكوخ ( ايام زمان)بعد صندويشة شاورما من ايدين المعلم سومر.. أوالقعدة عالبال اللي بتطلب طلب وبعد ساعة ليجيبولك ياه..لا "عالبال" و لا عالخاطر..بس خيي شو بدك بتضل القعدة غير شكل..أو في أحلا من التمشاية عالطريق الغربي وتشتري عرانيس من عند برهوم..وبعدين قرن بوظة عربية من الكشك.. بعد ما تكون آكلك شي صندويشة فلافل من عند سعيد البوكس عالعشا ..و بآخر السهرة شي نفس ارجيلة و قنينة بيرة بجار القمر عجبل السيدة moke: :beer: ..و انت عم تتأمل ضوايا الكفرون و المنتجع و فيلا جورج وسوف ..ع ألحان ربيع حمدي أو علي ديوب أو وفيق حبيب وهالشلة..لكن يلعن ابو الغربة .... سلام

[عاشق سوريا]

احلى مكان زرته هو كان يا ماكان وعيون الوادي وسكنت فيها وطبعا كل مشتى الحلو رااااااااااائع والله واعجبني منتجع مشتى الحلو كتير

[savant]

الطريق الغربي بالصيف ....
كنيسة السيدة بالشتوية ......
مشكور

[bashar]

الطريق الغربي ثم الطريق الغربي ثم الطريق الغربي

[angel]

أنا أحلى مكان حبيتوا بالمشتى هوي الساحة والدلبة يلي القعدة تحتا بترد الروح
وهوي كل الأماكن بالمشتى حلوي كتير

[Pascale]

شكرا قتيبة ...موضوع حلو..بس السؤال كتير صعب..
والله انا بدفع كل عمري بس تروح هلق شم هوا المشتى و اشرب من النبعة و غب...يا ريت بقدرارجع شوف طلوع الشمس من جبل السيدة (اساها طعمة القهوة المرة بتمي) على صوت فيروز؟و طلعة الكنيسة يوم احد و القعدة برا بعد ما يخلص القداس؟
قال عم بسأل حالي وين اكتر مكان بحبو بالمشتى ليش في اغلى من التمشاية بليل بين طرقات المشتى بعيد عن العجقة و الضجيج؟ ولك في احلى من قعدة لسوق؟ و في احلى من الطريق الغربي باخر الصيف و قت بكونو بس اهل المشتى ختايرة و ولاد عم بكزدرو؟ في احلى من قعدة مار يوحنا ببيت سركيس؟ و لك في احلى من سهرات عمر الشعار و وقت منكون شباب و بنات المشتى عاادبكة و تكون دبكة عرب بطيئة متل للبس الاسود...يا ربي رجعتلي ذكريات كتير.
ميشان هيك السؤال لي بقدر جاوب عليه هو شو احلى مكان بالدني بقلك المشتى.....
سلامي...

[suhail]

مشتى الحلو

سوال صعب كتير وخصوصا عا شخص متلي ولد وتربى وعاش احلى ايام عمرو بين بيوتها وحاراتها بين سوقها وساحتها بين كنيسها وجبلها , المشتى كلها حلوة ما هي مشتى الحلو .
بشكر انسة باسكال (غنوجة الحارة )عارد الحلو متلها وبحب الكون انوا لمشتى عن جد متل ما بيقولوا اسم على مسمى وبتمنى من كل شخص ما زار المشتى يزورها ويشوف بعينو جمال المشتى .
اوف ولواا شو مشتاق للرجعة عاضيعة احلى ضيعة بالكون < المشتى > مشتى الحلو .
لله يلعن ابو الغربة عا ابو لي كان السبب .