شوية عتابا بين جعفر ورائد

[جعفر حيدر]

[SIZE="6"]
الشاعر / ملك العتابا / رائد يحضر رسالة ماجستير في إيطاليا
وقد أضاع عدد من الملفات الضرورية في الكومبيوتر
وراح يفتش عنها
ابتدرته بالقول

[COLOR="Blue"]جعفر

قدر ما الريح بالدنيا ما لفت
وقدر موجات في بحرا ما لفات

بدعيلك تلاقيها ملفات
اللي ضاعت واحترق فيها تعاب[/COLOR]

-----------

فرد الملك بالقول:

رائد
بيوت العتابا اليوم صارت تدعي
عليي ، و قالت وين صفى مبدعي

قلتلها ملفات شغلي و مرجعي
طارو من الحاسوب .. صفى بلا وعي

كنت القوافي مبكلة قولا ... و صار
أرخص قوافي صعب تا تطلع معي

----------
[COLOR="blue"]جعفر

ماني يا طور الشعر الا مطلعك
تا شوف يا بدر المحبة مطلعك

ضيعت رسماتك وهيكي مطلعك
كيف بدو يصير لما بتحضنا

---------[/COLOR]


رائد

بعصر المضى ربك يا جعفر من عطور
موسى ، و متلو طور يطلع منعو طور

لكن بهاك الطور باخد من عطور
جعفر هوا منشان ينعش قلبنااااااااااااا

----

[COLOR="blue"]جعفر

بيحلالك حرف تبدا بعصرو
لأنك عارف بصبحو ... بعصرو

يا باني للشعر وقتو بعصرو
الحروف بايدك ببتمسك سحاب[/COLOR]


--------

فقال لي وقد ذكره هذا البيت بمحاورة بينه وبين صديق له اسمه ناصر
فقال:

رائد

عاصرنا الناس و صرنا
نناصر يللي معاصرنا

و لما عاصرنا منصور
بطل الله ينصرنا

وأردف:

رائد
سحابة للشعر جعفر بحرنا
على كيفو اذا بدو بحرنا

و وقت ما بيكتب الردة بحرنا
ببحرو نحن نقطة من الشراب

-------
[COLOR="blue"]
جعفر

العتابا شعر عالي وشعر حالي
وشعر رائد من اللذات حالي

بشعرو كتير يا ما بشوف حالي
بنسى غربتي وبنسى الغياب[/COLOR]

-----

رائد

جبلة عزها من عز تلنا
و علملفات انتة عزيتلنا

و بعزة هالقوافي عزيتلنا
العتابا و صرت رب من الربااااااب

---

وهنا لا بد من ذكر بيت العتابا الذي أرسله لي وانا مسافر بين طرطوس والاذقية دون أن أقدر على اللقاء به في طرطوس حيث كان
فقد كتب لي هذا البيت على التلفون النقال


رائد

الل ما داق الحد جعفر جبلو حدنا
و لو حطو قبال أبعد جب لحدنا

وقت بتمر يابن جبلة حدنا
العظام بتنحنيلك بالترااااب

وانتهت السهرة على أمل سهرات أخرى


بكل الحب لكم
جعفر حيدر[/SIZE]

[جعفر حيدر]

[SIZE="6"][COLOR="Blue"]
وتستمر العتابا مع ملك العتابا
الاستاذ رائد حقا يستحق هذه التسمية الجميلة

وبدأنا
نحن لا نحيي بعضنا إلا بالعتابا

جعفر


قلبي لأعداء المحبة ماصفي
وكاسي لغير الحلو عمرو ما صفي
دمي أنا لا غير حسنك ما صفي
ومن أجل حسنك نادرو دمي أنا

***

رائد

احكمي بعدلك يادنيا وانصفينا

تنعرف وين كنا ،، وين صفينا

منتعكر دقيقة ، وان صفينا

انت بتكون عم تنشد عتاااااب


وهنا قلت لرائد أنني أحاور ابو علي حسن بنوت فرد على الفور

رائد
ياجعفر بيحتج قلبي اللي غلي

عاكل يوم ببوعلي عم تختلي

لولا قسمنا فيك حصة معادلة

مرة إلو ان رديت ،، في مرة إلي

و منشان هيكة انت تا تحكي معي

ياريت متلو كان إسمي بوعلي


جعفر


لا قي يا زمن للشر صرفي
يشفلك زمن تاني الشر صر فيه
لو أنو الطفل يعرف شو اللي صار فيه
تكان يشيب من قبل الشباب

رائد


علينا لُ بنت الوحي منت شي كلام

نتش الألف بالشعر من نتشي كلام

وْ ما في حدا بالكون منا تشيكي لام

حيثو أمير الشعر رافع راســـــــنا

جعفر

طلبت الزمن يهدى شوي لحظى
بعشيقة عمر ... ساحر كان لحظة
لو أنو العمر مرة يعود لحظة
لقلو يا عمر وين الشباب


رائد

حبيبي وقت ما نورك بثق بين

الحنايا بيثقب المهجة بثقبين

و مازالي فيك وحدك بثق ،، بين

الثقة اللبتقرب قلوب الحباااااااب

جعفر

يا نفسي برائد المحبوب رحبي
معو بكتب عتابا بروح رحبي
معو كل اللغة بتصير رحبة
للمعنى ولأبيات العتاب

رائد

المجد يا جعفر بيحبك عبى لك

و بيدر شعرنا ياما عبى لك

مازال بتخطر بيوتي عبالك

إلك قلبي هدية عالحسااااااااااااب


جعفر
هات الشعر يا غالي ورد هات
العتابا دروب مجنونة وردهات
هات بيوت مليانة وردهات
تنتعلم ردودك والعتاب


رائد


كيل القوافي بالبيت ت بكيلها

عيون اللي قرئت سحرها تبكي لها

بتحلى إلك هالقافية تبكيلها

و كل ما تبكل بيت بيطيب الغنى


جعفر

شعرك بيفلش العالم متاهات
لو أنها الناس وليتك ما تاهت
بكرا الشعر يا رائد متى هت
البشر بتكون يا خيي السبب


رائد

أنا ثغري لريقك عاش راشف

ما رح يشبع لو كاسة عاشرة ..... شف

و كتر ما الجسم ناعم عا شراشف

حرير ، بغار لو مسوا الحبااااب



جعفر

صار الشعر يا حلوة خَديني
فلشيني ... بين أحضانك خديني
وقلبي ان كان بتريدي خدي نيّ
قبل ما يشلحوني بالتراب


رائد

يا جعفر ما إلي رغبة وداعي

نمشي، و كنت عازملك و داعي

أنا ما بقول في ساعة ودااعي

سوى راجع إلك بعد الغياب


جعفر

خسارة الليالي يا حبيبي راحلي
كل الأماسي بالعتابا راح الي
من بعد منك ما فيه عندي راحة لي
إلا إذا عدتي وعادو حبابنا

وإلى اللقاء
بكل المحبة
رائد وجعفر

[/COLOR][/SIZE]