رايح ضهرو

[جعفر حيدر]

[poem=font="Simplified Arabic,7,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العكازة لا تخفيها = سلامة ضهرك يا مروان

ببراغ العايش فيها = ارتحت وريحت النسوان


***

شحار الرايح ضهرو = ما منعرف شو بيبقا فيه
يمكن طايش من قهرو =مندعيلو الله يشفيه
مضيع يومو من شهرو =بلكي الرحمان بيهديه
شربو عا الصافي دهرو =وما خلاّ قطرة بفنجان[/poem]

[جوزيف السعوديه]

ابيات جميله جدا ... وسلامات يامروان ههههههههههههههههههههههه

[مروان]

العزيز جعفر آسف على التأخير

[poem=font="Simplified Arabic,7,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العكازة لا تخفيها = سلامة ضهرك يا مروان

ببراغ العايش فيها = ارتحت وريحت النسوان


***

شحار الرايح ضهرو = ما منعرف شو بيبقا فيه
يمكن طايش من قهرو =مندعيلو الله يشفيه
مضيع يومو من شهرو =بلكي الرحمان بيهديه
شربو عا الصافي دهرو =وما خلاّ قطرة بفنجان[/poem]

بهالردّي ومْعانيها --- الشعر بيخجل والأوزان

واضح للعالم فيها --- إنّك ياجعفر خرفان

*****

ضَهري مع قلبي بينْعَل --- كلما اسمع هيك بيات

من واحد فكرو منْشَل --- وداير يشلف بالكلمات

بي ضَل ال ضَهرو مِنحل --- وروحو بتناغي النسمات

أحلى مْن ال عقلو مختل --- وعامل شاعر بالميدان

[جعفر حيدر]

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


العكـازة لا تخفيـهـا = سلامة ضهرك يا مروان
بهالردة ومعانيها = لساتك بعدك دوخان

***
***
المشكل يا مرون كبير = هي تاني شغلة ضهرك
عم تحكي من دون تفكير=وأول أمراضك فكرك

عقلاتي ختلو بكير=من يوم البين ذكرك
لأنك هيكي وشو ما يصير=معتر وبعقلو فرحان[/poem]

[مروان]

بهالردي ومعانيها --- الشعر بيخجل والأوزان

واضح للعالم فيها --- إنك ياجعفر خرفان

***

خلّيني معتّر مبسوط --- مافي همّ بيطويني

ماعندي بالدنيا شطوط --- سرّ البحر تنسّيني

وإنت اللي عايش مربوط --- بين ضواوي لمْديني

مابتفرح إلا بشروط --- ومسمّي حالك فهمان

[جعفر حيدر]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



حظ !!! وشو بتعمل بالحظ ؟؟ = معتر ... مبسوط ... وفرحان
أشعارو عمال يبظّ = المشكل أنو مش ندمان !!


***
***

شروطي الحرية والحب = حتى الدنيا توسعني

ومنهن كل عمري رح غبّ= ما فيه واحد يمنعني

مربوط بوحي من الرب = بتسمّعلو وبيسمعني

مش واقع متلك بالجب= ولاني هاشل بالوديان


[/poem]

[مروان]

بهالردي ومعانيها --- بالنادي صارو الخلاّن

من الساعة ال نِزْلِتْ فيها --- ينسحبو رجال ونسوان

***
ياشب ال عندك إحساس --- وطعم الحب بيحلالك

قاعد تحكي بحب الناس --- وإنتي مش طايق حالك

الله في عندو مقياس --- وخصّص دور لأمثالك

جابك لتصير الوسواس --- بالدنيا ان مات الشيطان

[جعفر حيدر]

الشيطان فيني حي ... روحو محرتكي
تشيطن تيعطي البشر من شعرو الذكي

تطلع بشعري .. قراه ... حاجي فزلكي
شياطين المعنى ... جنود المعركة

بتشيطن وبزرع بشعري ومسلكي
آيات من روح الشموخ محيكي

مش متل فضلك ... تخ ضهرو وانتهى
وما ضل غير لسان ورم من الحكي

[مروان]

سبحان الله كيف هالكون انبنى --- نور وظلام ترافقو بكل الفنا

الشيطان بالدنيا بأدوارو اعتنى --- وعدة أسامي بالحضارات اقتنى

اسمو قبيل اللّي على خيّو جنى --- وفرعون يلّي ذاق من موسى العنا

وأصبح يهوذا بعصر عيسى اللي انضنى --- ومْسيلمه بعصر الرسول ال ما انثنى

واليوم اسمو جعفر بعصر الفضا --- جايي على المنبر يحاربني أنا

[bader]

عدم المواخذه أبو أحمد ................ ملعوبه من الأخ مروان .......... تحياتي لأحلى شعّار

[جعفر حيدر]

مدحني وتقل كيف ما ردت المديح
بفرح وبشكر حقدك الحلو المريح

قابيل ما بيقبل ظلم خيو القبيح
اللي قاتلو عا لقمتو وضلو شحيح

ولولا تركت موسى - أنا - عالمستريح
لا نبي صار ولا مشي البحر الفسيح

ولولا يهوذا منين بتجيب المسيح
ومسيلمة لولاه ما قريت الفصيح

وان كنت ناوي بهالعصر تعمل نبي
تفضل وأعلنها نبوة عالصريح

[جعفر حيدر]

عدم المواخذه أبو أحمد ........
ملعوبه من الأخ مروان ....
تحياتي لأحلى شعّار

يا بدر من حكيك هوى الكلمة بدر
حلو الأدب من شعرك العالي صدر

مروان نيشن عالنبوة عينتيه
وشيطان شعري صار للمتلو قدر

[مروان]

مدحني وتقل كيف ما ردت المديح
بفرح وبشكر حقدك الحلو المريح

قابيل ما بيقبل ظلم خيو القبيح
اللي قاتلو عا لقمتو وضلو شحيح

ولولا تركت موسى - أنا - عالمستريح
لا نبي صار ولا مشي البحر الفسيح

ولولا يهوذا منين بتجيب المسيح
ومسيلمة لولاه ما قريت الفصيح

وان كنت ناوي بهالعصر تعمل نبي
تفضل وأعلنها نبوة عالصريح

ياآلهات المعرفه وضروبها --- ضوّي مشاعل نور فوق دروبها

وخلّي الحقيقه ينكشف ملعوبها --- متل الشمس بشروقها وغروبها

الشيطان خلّف بالحضارة عيوبها --- ولّع حروب الشّر بين شعوبها

خلّف يتامى مجَرّحين قلوبها --- وخلّف بيادر محروقين حبوبها

ولما عن الأسباب صرنا نسألو --- الأعذار طلعت أقبح من ذنوبها

[جعفر حيدر]

ياآلهات المعرفه وضروبها --- ضوّي مشاعل نور فوق دروبها

وخلّي الحقيقه ينكشف ملعوبها --- متل الشمس بشروقها وغروبها

الشيطان خلّف بالحضارة عيوبها --- ولّع حروب الشّر بين شعوبها

خلّف يتامى مجَرّحين قلوبها --- وخلّف بيادر محروقين حبوبها

ولما عن الأسباب صرنا نسألو --- الأعذار طلعت أقبح من ذنوبها

من حروبكن يا بشر خرّبتو الدني
حاجي قتل حاجي حروب وولدني

البيشعل الحرب الضروس المحزنة
بيقول أنو الوحي نزلو روزنة

وبيقول: ربي أنا أرسلني السنة
تالشرّ عا ايدي الذكية ينفني

واللي أكلها ... بيتهمو بالشيطنة
وبيقول: الله بجانبي ولا بنحني

هالفعل مَنُّو يا بشر من معدني
هيدا فعلكن ، حاج عنّ ... وعنعنة

هيدي دناءة ولعب بمصير البشر
لا تتهمو الشيطان بالفعل الدّني

[مروان]

الله وقت ماالروح من روحو زَفَرْ --- طاف الشعر بالكون وبروحي ظَفَرْ

وصارو أهالي الفن أيّام الطفر --- يطلع نَفَر عا مسرحي وينزل نفر

شَرّك لنفسك بالزجل حفرة حفر --- ضحكو عليك العالم ونادو الخفر

مسكين عامل حالك ودمعك طفر --- لمّا ميزان الحق من فعلك نفر

مازالك الّلي كنت أول من كفر --- انت ال بَذَرْت الشر عا طول السفر

حتى إذا الإنسان بالشر انغمس --- هَيدي تعاليمك وذنبك ماانغفر

[جعفر حيدر]

لما إله الكون للمتلك طرز
سبحان الله ... شقد أزرق يا خرز

واحد طلع واحد نزل واحد برز
يتفرجو: الرحمن كيف متلك درز

منيح اللي طينك أنت عن ناري فرز
لا رفقتك حلوة ... ولا طبعك حرز

لولا التعاليم اللي لقنتك جرز
عمرك ما ميزت النجاص من الكرز

وعمرك ما كنت بتقدر تقول القصيد
لو ما بروحك ابن شيطاني انغرز

[أبو نورس]

رائع هالحوار

[مروان]

من وقت ما بالموهبه لساني كَرَجْ --- بعدك ياجعفر مختبي تحت الدرج

ومن بعد ما عا المنبر وقعت بحرج --- قاعد قبالي تصيح مستنّي الفرج

اسمي دخل عالمسرح واسمك خرج --- وجه الشعر من وقت مارحت انفرج

خلّي تعاليمك وفكرك لو درج --- للّي متل شكلك من شفافو عرج

لا تربّح جْميلي بفعلك للبشر --- اسمك مع الأشرار عالنار اندرج

[جعفر حيدر]

هالنار أنضف من الطين اللي انهرس
بالمعمعة ... وغبّر على حوافر فرس

مِنّو البشر جونا ... من البرد القرس
ومفكرين العمر حنطة بتندرس

درب النبوغ بألف شيطان انغرس
وإلا بشياطين المعنى ما اندرس

ومروان يلي حروف بيشعرو ترس
ياريت أنو قبل ما يحكي انخرس

رفاقي نبوغ المعرفة وأنتو الحرس
أنتو لحطب نيراننا صرتو المرس

المتلك ... بعز الشعر ما بيطلع حدا
لما شياطين الوحي تدق الجرس

[مروان]

بالنار زتّيتَك بدون مْحاسَبه --- الفرصه عاهيك شعار إجت مناسِبِه

نارين صرتو والعلاقة خايبه --- النار ال بنفسك في جهنم ذايبه

نار الطمع نار الشرور العايبه --- نار الكفر نار الشكوك اللايبه

ومازال بتحب النيران الشاهبه --- ظَلْ احترِق تتصير نفسك تايبه

ومن بعد ما تِنظَف بجي بحفنة تراب --- طَفّيك وبْطفّي النيران اللاهبه