[poem=font="Simplified Arabic,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
ما كنت اعرف ليش قلبي حب=وكرمال مين احرقت اعصابي
ومني وصية لكل بنت وشب=لاتغرقوا بأوهام كذابي
*****
أوهام فيهاهم دوبني=وخلا حياتي كلها حيري
وبلشت برج عواطفي إبني=وينهد من نسمات تفكيري
*****
خليت قلبي يدوب عالكلمي=استغربت كيفاالضعف طلعها
وصارت الكلمة توقع الزلمي=احترقت الجمرة وداب موضعها
*****
ولو جيت خبر قصتي بها البيت=بدكن تقولواخايف من الصد
حبيت همي وبس ما حبيت=يعرف حدا إنو القضية جد
*****
ونطرت حتى يدوب وسواسي=والضعف فيي ينتهي ويموت
وسخرت فكري وكل احساسي=وكرمالها بدمعي كتبت بيوت
*****
حبيتها بالسر شو بيضر=معروف إنو البنت بتريدك
وقالوا حرام يضل حبك سر=معقول بكرة تطير من إيدك
*****
معقول بكرة تطير مش معقول=البتحب ما بتقدر على الفرقة
لكن أنا كلمي أخيرة بقول=حبيتها وكتبت عاورقة
*****
بحبك عاشرط كرامتي بتضل=عندي الكرامي من بعد الله
وأؤعى شي مرة تغلطي بمحل=فيي تقولي بحب إتسلى
*****
لاتجبريني إندم لحبيت=وعنك محبي صادقة خبيت
منشان فجرها بآخر بيت=بحبك وقلبي صادق بحبك

وكرامتي قد الدني كلا
*****[/poem]

تسجيل الدخول
اسم العضو:
كلمة المرور:	نسيت كلمة المرور؟
	تذكرني