المشاركات: 575
المواضيع: 157
تاريخ الانضمام: Jan 2006
السمعة:
0
شو بدك بطول القصة ;... جملة محشورة داخل قصة يزيد عدد كلماتها عن
100000000 كلمة
بدك الصحيح وإلا ابن عمه ;... مقدمة لكذبة من الحجم العائلي
وما شفنالك الا; ... موسيقى تصويرية قوتها 7.9 على مقياس ريختر
لقصة سخيفة
صلي على النبي ;... استراحة لكثير الكلام ليبلع ريقه
وما كذبت خبر ;... عبارة لنفش العضلات وبداية لكذبة ورسم بطولات
ما حصلت الا بالخيال
انت لسه ما بتعرفني ;... تقال عندما يشعر المتكلم انه تبهدل و انمسحت بكرامته الأرض
نشفت دمي; ... تقال للذي يطلب كل دقيقة إعادة نفس الجملة بطريقة
مختلفة
الله يستر على خلقه ;... تقال بعد نهاية كل قصة تم فيها نشر غسيل
جميع بنات الحارة و صديقات بنات الحارة
أتمنيتك تكون معنا أو اشتهيناك تكون معنا; ... تقال لحرق أعصاب
المستمع وإذلال شعوره
المشاركات: 19
المواضيع: 0
تاريخ الانضمام: Jul 2006
السمعة:
0
تعيش وتضحك
:hahaha: ولله معك حق
وكل وحدة من هدول بنسمعها باليوم شي أكتر من مية مرة
بس أحلى وحدة أنت لسه مابتعرفني
هههههههههههههههه
وعلى فكرة كمان النكت اللي حطيتون قبل كانو كتير مهضومين
شكرا الك كتير بشار
عم تحطلنا شغلات بتزرع ابتسامة لو كانت خفيفة بس نحنا بحاجتا
جزيل الشكر
المشاركات: 326
المواضيع: 17
تاريخ الانضمام: Aug 2005
السمعة:
0
شكرا الك بشار عبارات صحيحة
كل واحد بقولا شي مية مرة بالنهار وبيحكيا بدون مايشعر
شكرا بشار كتير حلوين
المشاركات: 164
المواضيع: 53
تاريخ الانضمام: Nov 2005
السمعة:
0
شكرا عا الموضوع المهضوم .. و ها شوي من عندي
مالك بالطويل ... بعد مط الحديث و الدخول في ترهات ( الا أول و مالا آخر )
بدك الدغري ؟؟ ... متل ( بدك الصح ولا ابن عمو )
حاجتك بقا !!! .... للاستغراب و الدهشة من كلام الآخر و التشكيك بكلامو
شو ها الحكي ؟؟ .... عند الاندهاش من فظاعة كلام الآخر
و دخيل فلان ..... للدلالة على أن تصرفك شابه تصرف فلان لا و بل أسوأ
حاجتك هرت يو ... بالمشتاوية .. تعني عن الاقتناع إطلاقا بحديث الآخر
كلنا عا ها الطريق ... كلمة عبرة تقال عن المتوفي
متل ما عم قلك ... للدلالة انو في تهويل و مبالغة و الحكي ما بيتصدق
ما بذلّ عليك ... نفس الشي
المشاركات: 1,139
المواضيع: 194
تاريخ الانضمام: Dec 2005
السمعة:
0
و هاي مصطلحات شامية " منقولة "
دشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لخار : بعد شوي
بنت عمي : يعني مرتو وطبعاً بالعكس
المشاركات: 1,139
المواضيع: 194
تاريخ الانضمام: Dec 2005
السمعة:
0
تكرموا ملببلم و طوق الياسمين
و هاي مصطلحات حلبية مني إلكون :
مطرمخ = يقال عن شخص أنو فايق مطرمخ أي ما صحي مظبوط وما عم يستوعب-
فستوكة = يقال عن بنت أنها فستوكة أي أنها لا تزال صغيرة
جوجحانة = مرجوحة لعبة للأولاد الصغار
فرشخانة = أداة للمّ الوسخ
جقجقة = المشي بحذاء مبتل فوق مكان نظيف و الفاعل مجقجق
شنق=صحن
بتاتة=بطاطا
أربا وأربين=أربع وأربعون
سقرطون=خزانة
مقرمد = يقال عن الشيء اللي ملزق ويبسان عليه وسخ
مجقة = قبلة
سهسكة = الضحك بصوت عالي
بشتي = أشتهي
بركي = لعل
معلاق = تقال للشخص الغليظ
لقلوقة = يقال عن البنت التي بتدور كتير من بيت لبيت
عالهس النس = يقال عن الشخص التحتاني (يعني اللي من تحت لتحت)
طشم = بهيم
مفجلق = قليل الحياء
صقاق = شارع
يوب = بابا
يوم = ماما
خيتو = أختي
خيو = أخي
" امممممم ما بعري إش في كمان .........
ميت السلامة و الله ........
المشاركات: 575
المواضيع: 157
تاريخ الانضمام: Jan 2006
السمعة:
0
بالفعل يا سي سي ................
الكبير بيظل كبير
المشاركات: 168
المواضيع: 72
تاريخ الانضمام: Jan 2007
السمعة:
0
ولله انت دقيق الملاحظة بقى اذا حدا بدو يتعلم لهجة ما ألو غيرك هههههههه شكرا الك
المشاركات: 575
المواضيع: 157
تاريخ الانضمام: Jan 2006
السمعة:
0
شكرا الك كتير يا تايجر على مرورك الكريم ....
:thumbs:
