06-10-06, 10:12 PM
متل الفارابي بسالف الإيّام-------حبّ الكتابة و كان باريها
بنشوف هيك بمشغل الرسّام-------لوحات كل الحب عاطيها
و عالِم صفي مغروم بالأرقام-------تايشرح العلّة و أحاجيها
و تا يشمخ الجندي على الأعلام-------حب الحدود يكون فاديها
لكن تا يشمخ شاعر الإلهام-------بدّو قبل ما ينغرم بالشّعر
----------يلاقي عيون و ينغرم فيها
و يام العيون.. الشّاعر الفنّان-------من كل صورة في إلو منهل
و تا أوصفِك رحت بنهم حيتان-------حروف القوافي و الصّور إسئل
شو بقول عنِّك طفلة الريحان؟-------ما كل طفل بيولد و بيرحل
شو بقول بدر بهالسّما منصان-------بتراب و حجار و حصى مشكّل؟!
شو بقول ورد بينسقى بنيسان-------و بعد الربيع بيرجع بيدبل؟!
شو بقول؟رح قلِّك بلا عنوان-------يا حكم خلّى الناس تتغزّل
انتي ينابيع و انا العطشان-------عا خط سيرِك بحفر و بنهل
انتي يا حريّة و انا لبنان-------عا كل نظرة بيولع المشعل
و الغد انتي و الأمس و الآن-------حتّى الدهر بعيونك تأمّل
تا الصّيف صار عْلى الشّمس سكران-------لمّا عمل بجبينِك المنزل
و التّلج تا يقسى على الإنسان-------التف بإيديكي و صار أقسى تلج
----------من دون ما حبّة تلج تنزل
و الحب لمّا حالف التّقصير-------و الفحص لمّا دق عالأبواب
قلت انتبه يا صاحب التّقدير-------بيكفيك غربة بعالم الأحباب
حملت الكتاب و رحت عا بكّير-------و مْرقت حدِّك مرقة الأغراب
و من بعدها بوعى من التّخدير-------و بيصير فيكي مندوخ الكتاب
ليش الكلام بحضرتِك مدبوح-------و همس العيون مغلّف بأسرار
و من نيتي بالذّات مش مسموح-------يدخل عا نيّاتِك ولا مغوار
رح روح جبلِك من حديث الرّوح-------كلمات عطّرها النسيم و طار
و إزرع صلا عا شفافِك البتفوح-------و كلما عملتي بغيبتي مشوار
انتي اهمسي و خبّي الصّدى المبحوح-------تا يضل صوتي حارسِك عالدّرب
و بالليل عودي عا ديار القلب-------تا يضل عمري حارسِك بالدّار
إبراهيم ياسين 06/10/2006
بنشوف هيك بمشغل الرسّام-------لوحات كل الحب عاطيها
و عالِم صفي مغروم بالأرقام-------تايشرح العلّة و أحاجيها
و تا يشمخ الجندي على الأعلام-------حب الحدود يكون فاديها
لكن تا يشمخ شاعر الإلهام-------بدّو قبل ما ينغرم بالشّعر
----------يلاقي عيون و ينغرم فيها
و يام العيون.. الشّاعر الفنّان-------من كل صورة في إلو منهل
و تا أوصفِك رحت بنهم حيتان-------حروف القوافي و الصّور إسئل
شو بقول عنِّك طفلة الريحان؟-------ما كل طفل بيولد و بيرحل
شو بقول بدر بهالسّما منصان-------بتراب و حجار و حصى مشكّل؟!
شو بقول ورد بينسقى بنيسان-------و بعد الربيع بيرجع بيدبل؟!
شو بقول؟رح قلِّك بلا عنوان-------يا حكم خلّى الناس تتغزّل
انتي ينابيع و انا العطشان-------عا خط سيرِك بحفر و بنهل
انتي يا حريّة و انا لبنان-------عا كل نظرة بيولع المشعل
و الغد انتي و الأمس و الآن-------حتّى الدهر بعيونك تأمّل
تا الصّيف صار عْلى الشّمس سكران-------لمّا عمل بجبينِك المنزل
و التّلج تا يقسى على الإنسان-------التف بإيديكي و صار أقسى تلج
----------من دون ما حبّة تلج تنزل
و الحب لمّا حالف التّقصير-------و الفحص لمّا دق عالأبواب
قلت انتبه يا صاحب التّقدير-------بيكفيك غربة بعالم الأحباب
حملت الكتاب و رحت عا بكّير-------و مْرقت حدِّك مرقة الأغراب
و من بعدها بوعى من التّخدير-------و بيصير فيكي مندوخ الكتاب
ليش الكلام بحضرتِك مدبوح-------و همس العيون مغلّف بأسرار
و من نيتي بالذّات مش مسموح-------يدخل عا نيّاتِك ولا مغوار
رح روح جبلِك من حديث الرّوح-------كلمات عطّرها النسيم و طار
و إزرع صلا عا شفافِك البتفوح-------و كلما عملتي بغيبتي مشوار
انتي اهمسي و خبّي الصّدى المبحوح-------تا يضل صوتي حارسِك عالدّرب
و بالليل عودي عا ديار القلب-------تا يضل عمري حارسِك بالدّار
إبراهيم ياسين 06/10/2006