[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياريت للسانك بيخترعو جهاز=تا مِنّك الألفاظ ماتطلع نشاز
إنت اللّي جيت براغ من أرض الحجاز=يمكن الهمبرغر عِمِلّك إهتزاز
عمغارة المش لابسه رخام وقزاز=نزل الوحي وأعطى الرسول الإمتياز
وجدودنا عاشو لا غيره ولا انحياز=يتقاسمو اللقمه بمحبّه وإعتزاز
مافي حدا حبوب وأُبَر منهن اعتاز=ولا كان في عندن كريب ولا كُزاز
ولا بعمرن احتاجو لا فيزا ولا جواز=ولا حلف أطلنطي ولا عَدْم الإنحياز
النار اللّي للخير اخترعها جدودنا=صارت وسيله للقتل والإبتزاز[/poem]

جعفر حيدر · 03-12-06, 11:08 AM

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نزل الوحي ع الأرض يمحي عارها=ويعطي الحضارة سرّ من أسرارها
كلما غنت وتوسعت أفكارها=بتخوف المتمسّك بأغوارها
روح غتصبها وانهب بآثارها=وانكر عليها خيرها وثمارها
بغزو الفضا وقوة أمل إصرارها=صار الفضا والكون فسحة دارها
ومغارة النازل غرام بنارها=مبروك، خود طرابها وحجارها
وجدودنا اللي الصيد هدّ عمارها=تتضل حرة ...دجّنت أطيارها
ومن يومها بصيّد منافيخ الزجل= وبدجن الفلتان من شعّارها[/poem]

مروان · 04-12-06, 06:53 AM

[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شعرك لتحت المستوى الليله هَبَطْ=وصاير معك متل اللي عاراسو انخبطْ
صرلك بتكتب شعر من عصر النبط=لا القافيه ضبطت ولا المعنى ضبط
بُنْكُر حضاره اللي العدل فيها انحبط=ودم الطفالى بريحة ترابا اختبط
غزو النجوم اليوم بالجرم انضبط=مازال مغزى العلم بالشر ارتبط
ولما العلم بيطعمة الشر اغتبط=لحن الطبيعة اللي بهالكون انعبط
لا تزعلو بخيبة حضارتنا إذا=حصان الزمن آثارها وعِلما لَبَطْ[/poem]

جعفر حيدر · 05-12-06, 10:33 PM

جربت مرا بعد مرا اسمعك
متل الضرب عالراس صاير مطلعك

وعن مستوايي نزلت حتى ارفعك
ما قدرت عن درب التخلف أمنعك

وجربت علّي مستوى الجلسة معك
تا أعرفعك عا موضــعي من موضعك

ولما فشلت .. حاولت أني أقنعك
بلكي القناعة بالحكي بتشبعك

غزو النجوم اليوم ليش مفزعك
ما زال جهلك عالمغارة رجعك

أوعاك تلمس هالموبيل بأصبعك
وخلي التخلف فيك بلكي بينفعك

لو كنت شعرا بصلعتي ومتغندرة
وما فيه ولا شعرا غيرها بدي قلعك

مروان · 06-12-06, 10:12 PM

[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اليوم الحضاره صار موقفها صريح=الأشكال فيها شي جميل وشي قبيح
مش كل شكل بتطرحو بيطلع صحيح=ولا كل مااختَرْعِت دَوَا بيشفي الجريح
بْكبْسه زغيره بتطبع كتاب المسيح=وبكبسة رصاصه بتقتل الوجه السميح
بقدرة الذرّه بتقدر تعالج كسيح=وفيها بتفني جبال والبحر الفسيح
وشو اللي انتفعتو من الحضاره يافصيح=قاعد تْنَتّف صلعتك تاتستريح
مازال إنتي مسطره من رجالها=الأجيال معذوره إذا صارت تصيح[/poem]

جعفر حيدر · 08-12-06, 02:20 AM

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تعو يا ناس نحكي هالحكاية=ونبدا معو من أول بداية
لما ربنا أرضو دحاها=جعلنا هون غاية كل غاية
وعطانا العلم تنحل المتاهة = بحكمة وعقل وشوية دراية
وهلق بعد ما زدنا حلاها= ووصلنا بالعلم درب الهداية
تخلف بعضنا عن مستواها=وناوي يشدني القاعد ورايي
***
الحضارة كلما زادت نقاها=كلما صارت بحاجة رعاية
وواحد بعد مبيقطف جناها=ناوي يعمل عليها وصاية
ورافض نعمة الربو عطاها=وبيتغنّا ببدايات البداية
***
بمكروفونها بيلعن سماها=وبتلفزيونها بيعمل دعاية
وبآلياتها بيقرف صباها=وبطياراتها بيهدم بناية
وبأخلاق التخلف والوجاهة= بدو يقود دربها للنهاية
وبحرياتها بيسجن فتاها= ومعانيها بيشقلبها نكاية
وحتى يزيد بالطينة بلاها=ناوي اليوم يتزعم ولاية
***
ويا مروان هالحجة بلاها=حكيك والشعر عندك نكاية
حضارتنا عم يشعشع سناها=وأنت نازل حقد فيها ووشاية
عطتنا خير هالأرض وثراها=حاجي حامل عليها العصاية
ترك الحقد هالشغلة بلاها=تريك الجهل تتصفي معايي
الطيارات بتطير بسماها=وع خد الأرض عنا ترامواية
وبدل النقل عبغال الوجاهة=عنا ألف آلة وعرباية
والكمبيوتر بخفة ونزاها=أشرلو بيجيك العلم جايي
الظاهر أنت بدك شي نقاهة=لحتى تفيق من تحت العباية
التخلف طنجرة وجهلك غطاها=وإذا بيكون كم واحد ع شكلك
يضيعان الحضارة من البداية[/poem]

مروان · 09-12-06, 12:34 AM

[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياالله صوبنا عْمَلّك زياره=وشوف اليوم أخبار الحضاره
بإسمك وِلْعت حروب العنيفي=وبإسم العولمه خِرْبتْ ديارا
نْ ماكان العلم أهدافو شريفي=وزاد الناس أخلاق وطهاره
الحياة ظروفها بتصبح مخيفي=العقول بأمرها بتبقى حيارى
*****
التلوّث دنّس الأرض العفيفي=ونَزَع تربة بساتينا العذارى
لا عاد المَي طعمتها أليفي=ولا الأثمار عَخدودا نضاره
*****
شو نفع الآلة ثقيلي وخفيفي=إذا اللّي كان بيشَغّل زرارا
حياتو معقّدي صعبي سخيفي=ملان هموم وبقلبو مراره
*****
وتحت أحكام هالحقبه الكفيفي=ال كلّها مصلحه وكذب وتجاره
لا عاد نفوسنا حُرّه لطيفي=ولا عاد قلوبنا فيها حراره
*****
ياجعفر بعد هالجوله الكثيفي=نْ كنت فهمان أسرار العباره
إذا جينا بحضارتنا الطريفي=نْحُط المربح قبال الخساره
ودَرَسْنا الواقع بنظرة شفيفي=جميع الناس بالدنيا بِقولو
-------------------------=ياريت منِرجع لْعَصر الحجاره[/poem]

مروان · 09-12-06, 11:18 PM

بذلك انتهى الحوار الرئيسي، ثم ختمنا الحفلة بموشح غزل الذي بدأته بهذه الردة:

*****

[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عالشّط مشيتي وفيكي=احتارو الرملات
خافو الموج يناجيكي=ويمحي الدعسات

*****

عيون ووجنات وبسمي=بتحاكي الروح
والبسمه متل النسمي=تحضر وتروح
قالتلي نْ بَدّك اسمي=وأسراري بوح
كل سراري مرتسمي=بجنح النسمات[/poem]

تسجيل الدخول
اسم العضو:
كلمة المرور:	نسيت كلمة المرور؟
	تذكرني

منتديات مشتاوي

روابط سريعة

تابعنا