عالميج .... يا ويل ويلو البيقرب صوبنا

[البلوداني وبس]

عالميج يابو الميج يابو الميجنا ،،،،،،،،، يا ويل ويـلو البيـقرب صـوبنا



ياما الشعر غزّا لروحي وقاتلي ،،،،،،،، أنتو استغلو إذا بغنّي وقاتلي
بدنا عتابا سم أفاعي وقاتلي ،،،،،،،، شعر الغزل مش عميروّي حبابنا



لوينا الدهـر مش قـادر علينا ،،،،،،،،، ذكرنا المصطفى وحيدر علينا
الحمل بالشعر عا الله وعلينا ،،،،،،،،، وأنتو عليكم بلعب لكعاااااااب

[mohamad kh]

يا ناس اسمعو كــل قاصر وِدَانِي
حكي لسانك عــلى الموت ودَّاني
ما ناقصنا بهالمندى اللا البلوداني
وبس نـــــــــاقصنا كلمات حبابنا
** ** ** ** ** **
يا ثـــنـــاء حــيــدر عــــلــــــينا ورِّدي
وشــــعرك مــــن ورود الجناين ورِّدي
وكــــــلمات شعرك بعنـــــــيْقي ورِّدي
بس ارجعي وشوفي شو حـال اشعارنا

[البلوداني وبس]

شو صابك هاجم..يا ولى كن ،،،،،،،،، لسانك بالشعر قاصر ولكن
إنتْ أعمـى متـل طــه ولكــن ،،،،،،،،، لا شعــر ولا علــم ولا أدب

[البلوداني وبس]

إذا بيتـك كسـرتو بـنـزيـنو ،،،،،،،، بــكلام مــن الأنــاقة بـنـزيـنـو
أخونا صار خالص بنزينو ،،،،،،، وماعاد عقلو بيوت الشعر جاب

[mohamad kh]

اسف على التاخير

يا بلوداني باشعارك لاقينا
وفيك القوافي معثرة لِقينا
الشبكة ببحر القوافي ألقيْنا
ما طلعلنا اللا نفحة من عَتَاب
*************
من بعد ما وصفتي بلا علم ولا ادب --- ما عرفــــتــــني للشعر مكتبة الكُتََب
ان كنت اعمى البصر هيك الله كتب --- بس ما كون اعمى البصيرة والسبب
طــــه وانـــــا الله خَــــــلَقنا للزجل --- منوزع الاشــعــــار بِــقْوَافِي الذهب

[البلوداني وبس]

شاعـر مرتجـل معــروف عنّي ،،،،،،،، جلعت بقلب خصمي ميت عنّي
يا قوافي تألّمي ويا بيوت عنّي ،،،،،،،، إذا المتلك صار يغنّي عْتااااب