تفضل يا انهل دبس... تنشوف!!!!

[mohamad kh]

يا عمي انهل انا من بعد ما قريت عنك شوي بمنتدى التعارف هون بمشتاوي استغربت انو يكون عمرك 55 سنة وفايت بال 56 وما توقعت انو تكون بهذا العمر عنجد كل الاحترام!!! وهاي قصيدة وبتمنى رد قريب منك وخلينا نطرب هالشباب
يا انهل قـــــــرّب عليك يوم الوعيد --- ضلَّك غني الافكار وعــزمك حديد
منتمى إلك يا اخي العمر المـــــديد --- ومن بعدها لجنه الخلد بيوم الوعـيد
إعمل لاخرتك لا تتـــعدى التقيــــيد --- ضـلك شاعر عليك بالشعر التسديد
سوق الشعر عكاظ من ماضي بعيد --- كــــرَّم اساطير الشعر عمرو ولبيد
ومـــعــــلقات الشعر ما بـين العبيد --- ماء الذهب مكتوبة في البيت المجيد
ظلت بصفحات الخلود مطـلع جديد --- مع كــــل مطلع شمس بالعد العديد
ونحنا اذا مـــنـــريد للشعر الرصيد --- منجمع قـوافي من المعنّى والقصيد
والــــــناس مـنَّـا هـالقوافي بسمعو --- وبـتـمـتـعـو في جنـة الشعر الرغيد

[انهل دبس]

تحياتي عمو محمد

أهلا وسهلا فيك يا محمد خطيـــــــب ـــــــــ أهلا بوجُودَك عِـندنا...رْفيق وحبيـب
شو باك جاي مْعَـزَّم ... تـْرَوَّى وفِيق ـــــــــ بَعْـدَكْ زْغـَيَّر... بَعْـدَك بْعِـمر الدَّبيــب
هَـدِّي عْصابَك عالهَدى خِدْلـَك شَهيق ـــــــــ حتى حِكِمْتـَك عالهَـدا تِقـْدر تـْجيــــب
إنتو بْدَوالي كْرومنا...الغِصن الرقيق ـــــــــ ونحنا اللي عَتـَّقـْنا الدهر صِرْنا زْبيب
نحنا مْنِعْـطي للدني ... الخَمر العَـتيق ـــــــــ نحنا بروس النـَّخِل...هالتـَمر الرطيب
نحنا الأمِسْ واليَوم... مِهَّـدْنا الطريق ـــــــــ انشالله مَعَاكُم عابُـكْرا ... بيبقى هَـنــا
رَحْ نِنـْتِظِـرْ هالعَـبُـكرا شُـو رَحْ يجيب