أغنية عاطفية

[adidas]

جربت أكتبلك غنية عاطفية ما طلع بايدي
أنا جربت وحياتك ضحكو الكل عليّ
القصة مش بايدي

يا أختي القصة كبرت ... ما عاد فيّ حب
قصة وعي سياسي .... مش قادر إني حب
حبي هو الجماهير .... وغرامي القضية
صيري إنتي الجماهير والفئات الشعبية
لأكتبلك غنية .... غنية عاطفية

إطلعليلك شي مظاهرة .... إكتبيلك شي بيان
إعلني إضراب مطنطن .... وبضهره إعتصام
إعملي خطة مواجهة .... إضربي عن الطعام
صيري إنتي الجماهير ..... والفئات الشعبية
لأكتبلك غنية .... غنية عاطفية

احتليلك شي سفارة .... انسفيلك شي مطار
اعملي لجنة وطنية ..... افتحيلك شي حوار
صيري سلطة شعبية .... ارفعيلك شي شعار
صيري إنتي الجماهير والفئات الشعبية
لأكتبلك غنية .... غنية عاطفية

خلي متاريسك تعلى ..... تعلى فوق المتاريس
لا تخافي من الملاحقة ..... لا تخافي من البواليس
لا تخافي ان هددوكي ..... قتل وضرب، وتحبيس
صيري إنتي الجماهير والفئات الشعبية
لأكتبلك غنية .... غنية عاطفية

[rams]http://www.aljabha.org/q/rm/habar-siasi.ram[/rams]

[the sad lover]

يسلمووووووون adidas , الغنية ملاني احاسيس

[gogol]

هادي بتروح معنا°°° مشكور بس يا ريت تذكرلنا خينا اديداس , المغني? واملحن ? والمؤلف?اذا عندك فكره

[adidas]

المحب الحزين : ان آلة العود تترجم المشاعر الانسانية الى أنغام تؤثر في عقله و قليه و سلوكه
جوجل : المطرب "خالد الهبر" و لكن لا أعلم أكثر الا أنه يوجد تقارب كثير بين كلمات و ألحان " زياد الرحباني "