لا بيهمّو زين شعيب ....... ولا بتهمّو زغاليلو

[شادي]

هذه الحفلة دارت بين الشاعر مصطفى حسين (( أبو علي البلوداني )) ، وجوقة الزغلول المؤلفة من الشعراء : ( الزغلول - زين شعيب - إلياس ) ، علما بأن جوقة الزغلول كانت بكاملها على الشاعر أبوعلي البلوداني :

بو علي :

نسر المنبر وحي الغيب ............. رف جناحـو مقابيـلـو
لا بيهمّـو زيــن شعـيـب ............ ولا بتهـمّـو زغـاليـلـو

يا زغلـول بشـرق وغـرب ............... على نجوم الضهر بفرجيك
ويا زين على طول الدرب................ عْلى نقـطة ونقـطة بصفيك
ويا لياس الماشـي بالـورب ............... تحـت جنـاحـي رح خبيــك
ولو كنتو مـقـابيـلـي سـرب ............... ومـزال زنــودي عالـديــك
الما بيقتـل من أول ضـرب ............... نْ طلعت روحــو بتـنّـيليـو

لا بيهمّـو زيــن شعـيـب ............ ولا بتهـمّـو زغـاليـلـو

الزغلول :

الزغلول جنـاحـو بيطيـر ................ فوق جناح المعمورة
وديكك يلّي بعـدو صغيـر ................ الليلة بطمّو بالجورة
ومهما يجد ومهـمـا يسيـر ................ بكل قْطار المعمـورة
النسر الشفتو حجمو كبير .................عالإصبعـتـيـن بشيـلو

بو علي :

نسر المنبر وحي الغيب ............. رف جناحـو مقابيـلـو
لا بيهمّـو زيــن شعـيـب ............ ولا بتهـمّـو زغـاليـلـو

يا زغلول نْ شفت العسْر .............. مــش أدّي حتّـى عاديــك
رح حولك عسْـرك يـسْـر .............. بهالحفلة الحلـوة وهنّـيـك
جيت عليكم انصب جسْـر .............. تا أحمي الجوقة وأحميك
الما بيحني راسـو للنـسْـر .............. غصـــبٍ عنّــو بحنـيـلـو

لا بيهمّـو زيــن شعـيـب ............ ولا بتهـمّـو زغـاليـلـو

زين :

نحنا جـوقة خلقنا رفـاق ............... وأْسمنا المنبر بالنـص
في عنّا نخـوة وأخـلاق ............... كل ناصف عنّا بينص
وبلـوداني من التـريـاق ............... نشربتو الليــلة بيغص
وتا ينجى من هالعملاق ............... جيبو الشيـخ يصلّـيلـو

لا بيهمّـو زيــن شعـيـب ............ ولا بتهـمّـو زغـاليـلـو

بوعلي :

يا زين نْ كنت من الصم ................. بسيـفي بتـروح فراطـة
وتا الشـمْــل عليـنـا يـلتـم ................. بطبـخ لحمـك بطـاطـا
ما بغـص وما بحـمـل هـم ................. ورح قـلّك عالبسـاطة
شـفـافي عنـدن شـرب الدم ................. أهون من شرب الميلو

لا بيهمّـو زيــن شعـيـب ............ ولا بتهـمّـو زغـاليـلـو

زين :

لمّا الزغلـول الطيّـار ................... بيحكي كلـمة بكفّيها
خلقنا من أرباب الكار ................... مـن أوّلـهـا لتاليـهـا
ما بفزع تحرقني النار ................... النار بكـفّي بطفّيــها
ولازم تعتب عالإنطار ................... يغنّي مع ربع الكيلو

لا بيهمّـو زيــن شعـيـب ............ ولا بتهـمّـو زغـاليـلـو

بوعلي :

ربع الكيـلو ما بيـنـهم ................... لما عليك بسـيـفـو يميـل
معود سيفو يشرب دم ................... ومافي ولا ضربة بتحيل
يا زين نْ كنك بالحجم .................. كبـيـر وبعـدو الدم تـقـيـل
الإنسان الي تقيـل الدم .................. مـا بـيـقـدر ونش يـشيـلـو

لا بيهمّـو زيــن شعـيـب ................ ولا بتهـمّـو زغـاليـلـو

زين :

الورد الي خـدّو بيـنـباس ................... عـا شـمّـاتـو ما بنـحتــج
الزغلول بـجنـبي ولياس ................... واحـد سافــر واحـد هـج
ولوما كرامة بيت عباس ................... البحصات العادرب الحج
للشيطان كيــاس كيــاس ................... بـعـبّــيـــلك وبـعبّــيـــلــو

لا بيهمّـو زيــن شعـيـب ............ ولا بتهـمّـو زغـاليـلـو

بو علي :

مَـنّي شيطان . الرحمن ............... تـأنّـى فـيـنـي وباركني
عالمنبر شاعـر منصـان ............... ومافي شاعر شربكني
يـا زيــن نْ كنـك فنّـــان ............... دخل عيـونك تتـركني
وحيـاتك تـوب الشيطـان ............... عليـك بيلبـق تفصيـلو

لا بيهمّـو زيــن شعـيـب ............ ولا بتهـمّـو زغـاليـلـو

بعدين بيطلع الزغلول بردّة بيصالحن فيها :

بين ملاك وبين شيطان ............... وبين قنديل ونور العيـن
قلّة ما الســامع فرحـان ............... الموجودين عْلى الميلين
وتيصـفـى معنا العــدّان ............... كل شاعـر من هالإثنـين
مــن أنجيـلـو والقـــرآن ............... يحــط الخيــر مقابيــلـو