ليش المنتدى نايم بالفترة الاخير!! اعملولكو شي طوشة بالزجل!!

[mohamad kh]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=right use=ex num="0,black"]
شاعر انا والكل ضاربلي تحية = موهوب جايي من نْهور العَبْقَرية
أمير الحِرْف والفِكْر وْمَحّكّو = وما في شاعر بْيِثْبَت بين دَيِّي
على ذْراعي مواج بحري اتَّكّو = من طْلُوع الفجر حتى عشية
بنظرة عتب عَ مسار شمسي بْلِكُّو = بْأَمِر العين والكِلْمة الوَفِيّة
وضِلْعي بْعين الباطل بْشِكّو = ولقمة حق ما تِصْبِح طّرِيّة
وكل اللي بأفكاري إحتكّو = ذابو من البلاغة والفلهوية
عيوني جرح فلسطين بَكّو = وما بنسى جرح الدولة العراقية
وبدم الشهيد الغالي تْزَكّو = عند الرب بِيْنالو الجزية
انا جايي تَـ أكبر راس فِكّو = وكسرو بضربة وحدة قوية
انا الْ بِشِعْري زاد شكّو = ييجي لحتى يطلب السماحة
وحتى ولو انو كان خيي[/poem]

[zohertoba]

شي حلو يا معلم

[سمير طنوس]

يا ريت كل مين بيحب يعلّق على موضوع سواء بشكل سلبي أو ايجابي إذا ما كان قادر يعطي رأي سليم يحاول يخلّي رأيو إلو لأنّو هيك بيضيّع القارئ و خصوصي إذا كان ما عندو خبرة و معرفة بموضوع معيّن .

مع إحترامي للجميع .

هون بحب قول عا سبيل المثال للأخ زهير طوبا و إسألو كيف قصيدة ما فيها شطر موزون و صور متهالكة و غير مترابطة بيقول عنّها حلو كتير . شو خليّت للبشع كتير

عا كل حال الموضوع عا بساط البحث و إذا حكمي غلط بتمنّى من مشرف المنتدى حسن بنّوت يعطي رأيو .

و يا ريت إذا حدا كتب قصيده و ما لقى مين يطيّبلو ما يدخل بإسم تاني و يطيّب لحالو , و هالنوعيّات معروفه بالإسم

خلّوا هالموقع راقي بالنوعيّة الراقية سواء بالقصايد و غيرا من المواضيع و مو عيب القصيدة الضعيفة , العيب النفسيّات الضعيفة و الحقيقة كاتب هالقصيدة صار أفضل من الأول و صار الوزن عندو نوعا ما مقبول و أنا بحيّي تطوّرو و مثابرتو عالتقدّم بالرغم من صغر سنّو و نحنا منريد من كل الكتّاب و الشعراء التطوّر المستمر و ما حدا كامل .

مع إحترامي للجميع

[mohamad kh]

اخ سمير طنوس شكرا عالملاحظات وبالفعل انو الذوق اللي عندك ما مرق عليي قبل بمرة
بس بحب قللك انو انا من يوم السبت اللي مرق لليوم ما فتت عالكمبيوتر ولا حتى شفتو لاني كنت مسافر!!! وهي وصلتي من السفر ويا ريتني متت وانا مرووح ولا افوت على المنتدى اللي بحبو واشوف فيو شبه بهدلة لالي وهي انو انت مفكرني اني فايت باسم واحد ثاني وعم طييب لحالي!!
على كل حال انا بعرف حالي وبعرف انو مش انا!!
بس العيب يا اخ سمير طنوس انو... واللا بتعرف خليني مسكر ثمي احسنلي لانو انا بني ادم وكل كلمة بقولها محسوبة عليي ووما بدي وسخ لساني!!



تحياتي......... محمد خطيب

[سمير طنوس]

مليح يا اخ محمد ما بتوسّخ لسانك لأنّو إذا توسّخ بالديتول ما بينضف
عا كل حال بدّك تصير شاعر مو عيب
بس العيب تدّعي الشعر
هالموقع ما بيكتب فيه مين ما كان
اللي ما عندو حد أدنى من الشاعرية يا ريت يوقّف عا جنب
الناس صارت تكره الشعر بسبب التفاهات و الإجترار الممل و المزعج
يا ريت نرد الناس كلها للكلمة الراقية الجديدة
الشعر متل الرياضيات و الفيزيا والفلسفي و العلوم الإنسانية بحاجة للتطوير المستمر

يا ريت إنت و أمثالك تتثقّفوا و تتعلّموا بيجوز تسبقوا خيالاتكن

سمير طنّوس
مع إحترامي للجميع