عا هامش مجلس الشعب

[عصام يوسف]

عا هامش مجلس الشعب :

قْرينا بمشـــــــــــتاوي قبل جمـعه أكيد ******* عن جامـــــعه بنيــسان رح تفتح جديد
لْكل أنواع النـــــــــــــصب و الإحتيال ******* و في خصم للّي بيـــــعرفوا الزقفة أكيد

منــــشان فيها تســـــــــــجّل بأيّا مجال ******* بعتلن رســــالة بـــــخط واضح بالبريد
و لو كان عا التسجيل في عندك سـؤال ****** إضــــغط على أعصــابك و إقرا المزيد

لو كان عندك زاكرة و شــــــردة خيال ******* بيحفــــظوك الكذب و الماضي المجيد
ولوكان في عندك حلا و حسن و جمال ****** بيـــــعلّموك العهر بالـــــــــسعر الزهيد

لو كان خــــــــــطّك بالكتابة كتير عال ******* بيعــــطوك فرصة مْنِلْ الكتابة تستفيد
ولو كان في عنــــــــدك ندالة و ابتزال ****** بيوظــــفوك بقـــــــصر هارون الرشيد

لو كنـــــــــت جاهل باليمين و بالشمال ******* بتطلع وزير بســـــلطنة عبـــد الحميد
و لولا كنت بــــــتحب تمشي بالنضال ****** لو مت فوق الــــــتخت مـــنعدّك شهيد

و هيك اللّي عندو موهبة بينـجح مَ زال ******* سيــــــــاسة اللّي بيــحكم بنار و حديد
بدّو شـــــــــعوب مثـــــقّفة عا كل حال ******* ومجلس شعب عا الكعب يفتح جامعة
ويخرّج شـــــــــياطين و ملوك و عبيد

[جلنار]

بكلمة واحدة
رائعـــــــــــــــــــــــــــــــــــــة

[هادي]

فاتح بشعرك ليش كاتب هالقصيد .................. مدري غزل مدري لهالشعب العنيد

لو كان بيوم شعب انتخب مجلسوا ................ كنا عرفنا الحق من كذب ووعيد

بس اللي صاير كان يوم الانتخاب .......... كمشة صور تلزيق باطلها يزيد

وبتقول عنوهامش لمجلس هالشعب ......... بس الحقيقة هو مجلس هامشي

شالنا عن الحديدة وحطنا يوم انتخابه عا الحديد

[عصام يوسف]

لَ جلنار :


الشــــعر ما بِ عَقلِنْ جنونو *** إلاّ إذا قلبو احــــترق بالنار
و الوطن ما بيفـــــتّح عيونو *** إلاّ إذا فتـــــــّح زهر جلنار

[عصام يوسف]

دخـــــلك شو بدّي قول يا هادي *** سمــــــّي بالله و قول يا هادي
فيروز مَ تـــــــــنادي بهالوديان *** و بعدو لِهـــلّق ما رجع شادي

بَدكن تهفّوا البيـــــــت و الدكّان *** بس خلّوا رغيــــف لِ ولادي
بدكن تقصـــّوا الكَرْم و البستان *** بس خلّوا عـــــــــطر بالوادي
بدكن تمحّوا الحــــب و الإيمان *** بس خلـّوا ذكـــــــــــر للفادي
بدكن تزلّوا كرامــــــة الإنسان *** وين بدنا نْصــــــــير يا بلادي

عبد الحميد لْ كان ظالــــم كان *** مسنود عَ بو الهــدى الصيّادي
و بو الهدى يخطــب بكل مكان *** و يخدّر الشعـــب لْ عم ينادي
قال الله بيبعت الســـــــــــلطان *** عادل إذا كان الشعـــــب عادل
و سادي إذا كان الشعب سادي

أبو الهدى الصيادي : من كبار رجال الدين في عصر السلطان عبد الحميد العثماني , و مين بيعرف قديش دفعلو

[فايت بالحيط]

روح الله يفتحا عليك أكتر مو مفتوحة يافاتح

منبــــــــــــ فايت بالحيط ـــــــــــــــــهر !!!

[هادي]

كنا بمجلس الشعب صرنا بقصر يلدز ( شي بيفتح النفس )

بسم الله عا طول يا فاتح ***** قول شو بتريد شي عادي

وخبر الفيروز و طمنها ******* وقلها الوديان للشادي

ولادك يا فاتح متل اولادي ******* رغيفهم من دون زوّادي

زرعنا الفل والريحان وعطر ******* الزهر اسمه لنا شهادة

والفادي فادي ساكن ********* بالقلوب مهما تقلب يذكر الفادي

والحب والايمان شي *********مسكوب بقلوب للرحمن بتنادي

ما عاش مين يذل هالانسان ********* دولاب عم بيدور بزيادي

و بيوم تلج المرج رح بيدوب ******* وتطلع الناس الفايته بحيطان

ويبان مرج زهور بالوادي

:help: :confangry :hahaha:

[عصام يوسف]

لَ فايت بالحيط :

ما زال ما خلّوا شــــعر و بيوت *** ولا دشّروا بأرض الجمال بيوت

بعذرك بالحـــــــــــيط لو بتفوت *** ساعة مَ طمّوا البــــاب و الشباك

تَ الشعب كلّو يختــنق و يموت

[سمرا]

بتجنن يا فاتح