دعوة لحضور حفلة زجل

[ثناء حيدر]

أمنياتنا للزملاء الشعراء :

الشاعر : شادي موسى
الشاعر : عمر تنن
الشاعر : شفيق الديب
كل النجاح والتوفيق وننتظر منهم أن يتحفونا بتسجيل هذه الحفلة صوتاً وصورة لأنزالها في منتدانا الغالي مشتاوي

بالنجاح والتوفيق

ثناء

[amigo]

أكرر أمنية وطلب السيدة ثناء بنجاح الحفل والتميز للشعرائنا شادي وعمر وشفيق
على امل ان نكون قادرين على مشاهدة او سماع الحفل


سؤال صغير : ليش الغالي شفيق بلا صورة ؟؟؟

[عصام يوسف]

أنا جاي عالحفلة يا شفيق .
دير بالك ....

[شفيق]

ولك وحياتك بدها تكون أكبر فرحة وبدّي افرح فيك قدّ الدنيا

أهلا وسهلا فيك

[جعفر حيدر]

يا ريت بقدر شلّع حدود الدني
وبالأرض كلما ردت اعمل روزنة

واحضن ( عمر ) بالقلب أحلى سوسنة
و ( شادي ) رفيق الغزل والشعر الغني

وأكسر بواب البعد يا خيي ( شفيق )
وضمك لصدري ... وغيب بيقلبي سنة

[باسم القباني]

مرحبا يا شباب و يا صبايا
قولي ألي كيف بدو يموت شعر الزجل و في شباب بتل جوقة الشام بصغر سنها عم تبدع أبداع حلو كتير
أنا كنت بالحفلة طبعا لأنو الشعار الثلاثة أخواتي

منبلش بالتنظيم : التنظيم كان غير عادي يعني طاولتين على كل طاولة جوقة و خلفهم طبعا الردادة و عازف ناي و طبلة و أورغ و على ما أعتقد عود يعني كتنظيم منبر ( منبر رائع ) طبعا ما ممنسى جهود الشاعر حسان بسطاطي يلي سافر من المشتى للشام حتى يحضر الحفلة.
أما الحفلة شاعريا : صدقوني بأني كنت عم بسمع شعار بتبشر بمستقبل و لا أروع

عمر : عمر كان بطرفة زين و الأهم من هاد كلو أنو روحو الشاعرية مطعمة من روح أدار حرب و كان رائع خصوصي بالقرادي و كانت كل الأجوبة عالمحك بتل ما بيقولو و كل رداتو مدروسة وكان موفق

شادي : شادي أذهلني لأنو ما كنت عم بسمع شادي موسى كنت عم بسمع ختمات السيد محمد كنت عم بسمع فلسفة طليع حمدان و كان موفق كتير خصوصي بالختمة يعني بالختمة صارت العالم توقف عالكراسي و تزقفلو حتى أنو كان كل ما ينتهي مقطع تزقفلو العالم حتى يعيدو ( كان جبار)
و في ردة معنى ما قدرت أحفظ غير الختمة منها بس عنجد ردة رائــــــــــــــــعة بعد ما يقول ألو الشاعر سامح أبو الفرح كلمة بما معناها السلطنة ( يعني أنا أسف ما بتذكر منيح ) بيجاوب شادي العبقري كمان بما معناه أنو عصر أفكارو ................. إلى أن يقول
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صارت خمر شعر و موسيقى ملحنة= سقيتك دوختك ميسرة عاميمنة
ولما سكرت فيها و بتقل عيارها = عمْرت براسك سلطنة من السلطنة[/poem]أنا أسف أذا كان في أي غلط بالردة بس أنا هيك بتذكرها و مع هيك منتأمل من الأخ شادي لو يكتبها ألنا
أما بالنسبة للقرادي بين الشاعر شادي و الشاعر عمار مابدي أحكي شي عن هالجولة بس كان مشد القرادي يلي أبتداه شادي (كاسح)

شفيق ( بطل من هذا الزمان ): بصراحة بالرغم من أنو كل الشعار حلوين بس شفيق يمكن هو الوحيد يلي أداءوا على المنبر بعدو مطبوع بذاكرتي
شفيق أفتتح عن جوقة الشام و كان أفتتاحيتو حلوة بأداء حماسي ( برابو يا شفيق )
و ختمة الموضوع مع الشاعر شادي شعبان ما كنت متوقع أنو يكتب شفيق هيك ختمة بس بالمختصر أنو شفيق بالذات كان (بطل من هذا الزمان )(بطل من هذا الزمان )

و يلي زيّن الحفلة أكتر حضور الشاعر عادل خداج ( أبو مدين ) يلي كمان كان من أروع ما بالحفلة يعني عطاها سحر من نوع خاص و كنت بتمنى لو تكللنا بقصيدة من الشاعر حسان بسطاطي بس ما بعرف شو كان الظرف.
و كمان حضر على الحفلة رئيس جمعية الزجل بالقطر العربي السوري فؤاد حيدر ( أبو نبيل ) .

الحفلة كانت كتير رائعة و الله يوفقكن يا رب .