باســــم حضر بالشعر يعطي مؤتمر

[باسم القباني]

عفـــــــــــــــــوا كتير أستاذ فاتـــح
نشالا ما يكون في أي مشكلة لحتى ما عم ترد على الردة لأنو كل ما عم أدخل عالمنتدى عم بتكون موجود
شو السبب

[عصام يوسف]

بحكي معك بالمجــد و تخوم النجوم *** بتحكي معي بالقبـر و تراب الهموم
نْ سكّرت عا فاتح قبــر يا طير بوم *** برجع بتالت يوم من قبــــــــري بقوم
من بعد ما نبّهتك و زتّـــــــــك علوم *** يا ريت مَ تركتـــك تــرف و لا تحوم
و بدل ما سِنّي عا مجــــــــدي طلّعك *** يا ريتني طلّعــــــــــتك عْلا سِن توم

[باسم القباني]

أنا بتأسف من جميع الي عم بيتابعونا بالمنتدى
أنا مني قدك يا فاتح بس أذا أنا عملت موضوع مع مين ما كان لا تتدخل
يا زلمة ما في ولا ردة جاوبتني ياها بتل الخلق و العالم
و لا ردة بترد فيها على ردي
قلنا يمكن بالمعنى مو قوي عملنا قرادي نفس الأمر لكان بعطيك ردة من أحلى الردات بتجاوب سن توم
شوف أنا رديت كلمة كلمة على ردتك أما أنت جاوبتني بسن توم
أخي أنا بتأسف كمل و انت معلمنا و لا تواخذنا
قال سن توم قال عنجد أنك شاعر

[هادي]

الشاعر باسم قباني :

أرجوا منك أن تتابع كتابة شعرك لروعته وبهائه ولأن فن الزجل يستدعي الصبر على الطرف الآخر ولاتواخذه لانك بصراحه احرجته بفتحك للقبر فيا ريت تسكر القبر وهو ياخذ راس تومه ونتابع قصائدكم التي لا تقل روعه عنكم

لكم تحياتي

[عصام يوسف]

تأنّـى يا هادي و روق يا باسم *** و يا حبيب القــــــــــلب (بو جاسم)
حاجْ بِ كفّي لعــــــــــب بالنار *** و تحكوا حكي ألغـــــــاز و طْلاسم

بدكن حوار بعــــزم و بإصرار *** تَ تْحقّقوا عليّي نصـــــــــر حاسم
النصر بدّو موهبـــــــه و أفكار *** و موكب ملوكي و قصر و مْراسم

أيّا حوار بيبـــــــــــهر الأنظار *** و شاعر قصيــــــــدو بالحلا راسم
ما بتعرفوا بدّكن مخـــوخ كبار *** تَ تاخدو نقطــــــــــه على الراسم

فن الحوار مش كلمــتين صغار *** فيها جوابك ضـــــــــارب و قاسم
فن الحوار المنطــــــــق الجبّار *** فيه الله المــــــــــــــــــــجد بتقاسم

من هيك بدّي إنصـــــح الشعّار *** يعيشوا الثقــــــــافه بوجهها الباسم
و يحضروا أخبـــــار ليل نهار *** و يتسمّـــــــــــعوا عَ فيصل القاسم

[باسم القباني]

استاذنا بو علي عم برسل الك رسائل خاصة بس حسابك ممتلئ
ممكن أنت تضيفني على الماسينجر
تحياتي

[عصام يوسف]

يا بو زهري تعـــــا ويا ابن آوا *** شوفو باسم اليلي شـــــــو ساوا
مـتل( ا لتايتـــنك) جِوّا محيطي *** قَدَر م َ تعمـــــــلق بلحظه تهاوا

و مَ تْحمــــّل بهالعركي خَبيطي *** و كيف العبقري بجاهــل تساوا
لأنّو اندفاعـــــــــي في محيطي *** تسونامي اجتاح جاكرتا و جاوا

أنا خلطت المجـرّه ومن خليطي ***عِلي برج النبــــــوغ لْ ما تْهاوا
و بعدك جايْ تَ تفكفك شريطي *** و تلعب في جهــــنّم , دير بالك
واوا تْقـــــرّب عْلا الـــنار واوا

[عصام يوسف]

وينك يا باسم طــــــل يا زقزوق *** إشتـــــــقنا لنكهة خبزك المرقوق
بْرَمنا دكاكين الشعـــــــر يومين *** ما لقـــــــــينا متـــــــلك بهالسوق

من كتر ما رغيفك بِ مَلّي العين *** مشوي و على نار الحقد محروق
لو توزنو بيطلع معـــــك رطلين *** من كتر ما بقلــــبو شعر مطروق

بتحط في طشت الحكي سطرين *** بيطلع عَ صيْنــــية الكذب مرقوق

بيهندسو و بيشــــــــــد عالميلين *** و بيــــــتركو فوق الربش ملزوق
بـيدخّـــــــلو عالفــــــــرن ثانتين *** بيطلــــــع متل خد المــلك فاروق

يا ريت متــــــلك كان طه حسين *** فرّان مـــش دارس أدب و حقوق
كان فتّــــــــــــــح من ابن سنتين *** و صار متلـــــــــك بالشعر لقلوق

[باسم القباني]

ليك يا فاتح
ليش عم تنزع شعرك مو حرام
انا ما رح رد عليك لأنك ما كبرت بس تكبر و تصير ربع شاعر أو نص ممكن ارجع أنزل معك
عالقليلة كنت حط اسمك المظبوط يا اياد عفوا يا ساجي عفوا عفوا يا ساطي عفوا عفوا عفوا يا فاتح
بس لأنك بتعرف انك عم تخبص وما عم تركب بيتين على بعضن ما بتحط اسمك
ومني نصيحة لا تلحق القافية الصعبة لانو القافية الصعبة ما بتساويك شاعر . شو بتنفع قافية صعبة بلا صور حلوة

على كل حال تمرن منيح و وقت تلاقي حالك انك صرت شاعر مأدب و خلوق و قد المستوى أهلا و سهلا فيك.
و ما بدي قلك مين هاد الصبي الي جبت منو الخميري.......................................................... لانو يمكن انت

[باسم القباني]

ليك يا فاتح
ليش عم تنزع شعرك مو حرام
انا ما رح رد عليك لأنك ما كبرت بس تكبر و تصير ربع شاعر أو نص ممكن ارجع أنزل معك
عالقليلة كنت حط اسمك المظبوط يا اياد عفوا يا ساجي عفوا عفوا يا ساطي عفوا عفوا عفوا يا فاتح
بس لأنك بتعرف انك عم تخبص وما عم تركب بيتين على بعضن ما بتحط اسمك
ومني نصيحة لا تلحق القافية الصعبة لانو القافية الصعبة ما بتساويك شاعر . شو بتنفع قافية صعبة بلا صور حلوة

على كل حال تمرن منيح و وقت تلاقي حالك انك صرت شاعر مأدب و خلوق و قد المستوى أهلا و سهلا فيك.

[عصام يوسف]

يباسك ما بيطغـــى عا أريجي *** و مضيقك ما بيشمـــخ عَ خليجي
أنا قلبي نهر بالحــــــــب سايل *** ما باخُد دور محمـــــود المليجي

إذا كنتــو بهالصحـــــــرا قبايل *** ما فيكن بالجهل تمحوا ضجيجي
و بالجـــــزاير جبـــــال القبايل *** ما بتعلا على سهـــــــل المتيجي

أنا ضفرت السوالف و الجدايل *** و نسيـــج الشاعريّي من نسيجي
ما بدّي برج بيــزا نْ كان مايل *** ولا تيمـــور شرقــــــيّه و فيجي

و إلا عا أرض تاريـــــخ هايل *** ما ببعت شعـــوبي و لا حجيجي
ولأنّي بالشعـــر صايل و جايل *** ما بيلبــــق إلي بالمــــجـــــد إلاّ
بحر الشاعــريّي و بحر إيجي

[ابو صالح]

وينك ياباسم رد

وينك ياباسم ابجر الشعر اعتلي ......................................... قدام شاعر صار عالمنبر ولي
ابدا غزل ابد عتابا ومرجلة .................................................. ابد معنى مع قصيدة مدللة
انسى الشباب وهالحروف المخجلة ........................................ هلق معي بتزيد عندك منزلة
وباب النصر الشفت حالك حاجزو ............................................. اعتبرو تشمع معك تايفتح الي

[عصام يوسف]

يا باسم انخجــــــــلو بكفّي بهدلي *** و إنهوا بقلب المنتدى هالمهزلي
لمّا العفن بيكون جـــــوّا المزبلي *** لا جواهر رح تفـــــيد و لا حلي
عالناس تغيير الإســـم ما بينطلي *** تلاتي بواحد و النتيـــجه مزهلي
بو صالح و بوعنتر و آبو الزلف *** للنّضافــي و للغسيـــل و للجلــي

[ابو صالح]

يا فاتح حروفك منها بموضعا ...................................لاتشد ايدك كتر الشد بيقطعا
اسهر معي ابدا حروب وولعا....................................حتى لروحك بالنهاية تودعا
ولا تقول اني لاسمائي منوعا..................................باسم بعيد وما الو غير الدعا
وتنقول اني بشطف وبطبخ سوا...............................بتكون انت الزيت او انت الوعا

[عصام يوسف]

يا أبو صالح منّك اليــــوم الرجا *** شاطـــــر بفن الطبخ و بفن الهِجا
حتّى بدال الشاعر يقولوا الجميع *** الشيف بو صالح على المنبر إجا