20-03-07, 11:48 PM
قلي يا فاتح ليش عنا فيه بشر
منتجاوز المنطق ومنقلن بشر
لكن إذا بدنا نسميها بصحيح
بدنا شي كم قاموس ومنبقى بخطر
منتجاوز المنطق ومنقلن بشر
لكن إذا بدنا نسميها بصحيح
بدنا شي كم قاموس ومنبقى بخطر
|
قول لي يا فاتح
|
21-03-07, 12:27 AM
شو بيفرق الإنسان عن غيرو بمـكان **** فيه الأمور تــــخربطو قبل الأوان
في ناس بتقول الحكي و طول اللسان **** و في ناس بتقول المشي و الإتزان و في ناس بتقول العقل حــــجّة كمان **** لكن يا جــــعفر بعد خبرة هالزمان لْ بيكون فيه يحب بعتــــــــــبرو إلاه **** و يلّي مَ فيه يحب بـــــعتبرو مَ كان
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
21-03-07, 12:59 AM
محتار !!! بين الناس عقلي كتير حار وصاير بيدوخني أنا داير مدار ويمكن عا نفسي جنيت من كتر الفكار ومن مَثَل إنساني على روحي استدار ومقدرت ساير عصر لبّ بفرد نار وغيّر من الأخلاق ... قدرة واقتدار اللي تاجر بدينو عمل حالو شعار والتاجر بشعرو - بقا - ريّش وطار لكن أنا تبسمرت... واللي سار سار وضليت مع شلة زغيرة عالمسار ما حاولت بدّل إلهي بكم فرنك شو قولك الدولار ربّ جديد صار ؟؟؟
21-03-07, 01:52 AM
ليش نحن منهرب من بلادنا
وهيي بعمرنا زادنا وزوادنا صوب الخليج تمددت أبعادنا وهون بأوروبا استوطنوا أولادنا قولك كرهنا ولادنا وأجدادنا ؟ قولك كرهنا أرضنا وميعادنا أو صغرت علينا ضياع الوالدين وتوسعت متل الفقر آمادنا ؟
21-03-07, 02:46 AM
لمّا بأرضو بيرخص الإنسان
و المعرفه بتنباع بالميزان و بيصير يغلا الخبز و الحرمان و الحاكم بيتألّه و شعبو على كعبو بيتأوّه بينزل الإنجيل و القرآن عليه و على كلشي معو و شمس وقمر عم يركعو تَ يحملوه بموكب الديّان و كل لْ بصيرو يكتبو بيسرقو و بيقتلو وبيكذبو و كل مين يا جعفر كفر و كل مين عم يخطى بهالجنّي بيشرّع بواب السفر و بيترك الجنّي إلُن هّني
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
22-03-07, 12:49 AM
الحضارة
وين الحضارة يا بشر ؟؟ وإيمتا أجت عالكون شو وينها تخمين ؟؟ ومن وين بدها تطل ؟؟ وتقدم صور ونحن على باب الخليفة ناطرين !! قالو لنا: كانت بأرض الصين واليابان وهربت لفارس عن طريق الهند من كونفوشيوس من زمن وزمان ومن بيدبا انبلت بمي السند وهربت لأرض العقل والانسان ارتاحت انبسطت بالشمس والبرد وتمددت هونيك باليونان وتدحرجت عالبحر والشطآن وع ايد ذو القرنين بلشت ركد من مطلع الشمس البعيدة لمرقد الانسان وقالولنا رجعت على بغداد وارتاحت من الركد وشافت شبابا هون بالاسبان *** قلي يا فاتح وين كنا وين معقول هيك تخلعو الايدين وصرنا ع باب السلطنة الكتاف تزحم عالبواب كتاف والجوع عامل ولدنة والبهدلة والسعدنة بتنضاف شو وين راحو وين ماضل فيه شغلة زغيرة نشوفها غير اللي ما بينشاف
22-03-07, 10:30 AM
عملوا الحضاره بهالدّني
أجمل مرا شكلوا بشعرا سوسني و عَ خصرها الصبح اندرا في ناس بيغنّولها أحلا قصايد من قمر و في ناس بيصلّولها متل لْ بيصلّي للحجر و في ناس بيودّولها مكاتيب و زهور و صور و نحنا بهالزفّي طرشان منكفّي و بعدو حلم أيوب محبوس بالقفّي مازال يلّي بيكتبو ما بيعرفوا يتعلّموا كيف الإله بيكتب قصايد غزل بيبقى وطنّنا بالقبو و عينو عَ شباك الأزل
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
23-03-07, 01:04 AM
من يوم اول موت
من يوم أول قبر صار الفرح تابوت والعرس فرحة عمر
23-03-07, 01:30 AM
يا فلان ..
لا تعتب على قايين لولا قتل خيّو ظلم .. تخمين ؟!! بيجوز كل الحق عَ الله لمّا بدي بالخلق يتسلّى ليش لمّا صار يعجن طين ما زرع ورده .؟؟؟؟ طَمَرْ سكّين !!!!
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
26-03-07, 09:50 PM
رح بســــألك !! وين الحكي بيروح ؟؟؟ لما على خصر الحلو ما بكتبو !!! وليش !! لما السر برفض بوح ؟؟ كم ألف صفحة عا عيوني بتكتبو !!
26-03-07, 10:25 PM
كل القصايد و الصور
و لون الحكي و لون القمر بيسافروا بهاك المدى و بيجوز من شبّاك شي زهره ناطرا السهره بيجمّعوا حبوب الندى و بيدخلوا عا المنتدى جرح الحلا بيوجّع الإحساس و حرق الشمع بيوجّع القدّاس و لو ضاع عن خصرا الحكي بيكون طالع يتّكي عا رموشها مطرح ما كان يحوشها تاري الحكي متل البكي إحساس بيسهر عَ ضو عيونها و بيصير يشرب كاس
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
30-03-07, 03:00 AM
قلي يا فاتح
ليش هالأيام يوم أو يومين وتلاتي وبيروح نص العمر والريح بتكنس بقايا الغمر ومنصير متل القمر بالوادي وايامنا صفرا ومنصير متل المي جوا بير لا صافية هيي ولا عكرا بين الشمس والفي والتعتير مبارح متل بكرا
30-03-07, 03:51 AM
عندك دوا بيسقوه للإنسان
بْياخدو في صغرتو و بياخدو في كبرتو بيعطوه بالمجّان بمرسوم للسلطان أربع خمس ألوان نكهة عسل نكهة كرز تفّاح أو رمان موجود بالكفتيريا موجود بالدكّان بالصيدليّه بديسكو الطرشان و الخرس و العميان بالجامعه بالمدرسه بالبيت عالحيطان موجود في آذار موجود في نيسان هيدا الدوا موصوف للعربان تا يصير هالإنسان دولاب عم يبرم على الفاضي و عم تطحنو طاحونة الماضي و يصير هلّق .. عبكرا .. بآدار متل هلّق .. عبكرا .. بأيّار من نكبة فلسطين لَ نكسة حزيران لَ حرب إستنزاف بالجولان لَ كلّشي بيزقفولو كل هالعربان
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
31-03-07, 03:00 AM
روحي بحجم الكون ما الها اسم ودروبها من هون لحدود النجم ما تركت شغلي بالدني إلا عرفتها وشفرتا حلّيتها الأرض الوسيعة عمرتلا بيتها والسما الزرقا عالنجم دليتها وأصغر حقيقة بالوجود معلما وأكبر حقيقة عرفتها وبعلما وما ضل غير تنين ضلو مجاكرة حرقا بقلبي تنين حرقا مسوكرة وكلما العمر بيمشي لقدام المعرفة .... لا ورا شو الموت قلي ؟؟ ... وقول ؟؟ مين هيي المرا ؟؟
31-03-07, 01:29 PM
شو بتفرق الرغبه عن الإدمان
شو الفرق بين الحب و الإيمان شو الموت .. شو هيّي المرا .. يا هل ترى بعدو متل ما كان يلّي انحكى من زمان ما بصدّقك لو يحلف الطوفان الموت كذبه بتعملك آدم و هيّ حقيقه بتخلقك إنسان
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
01-04-07, 02:21 AM
استاذنا بو علي عم برسل الك رسائل خاصة بس حسابك ممتلئ
ممكن أنت تضيفني على الماسينجر تحياتي |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر