23-03-07, 10:15 PM
يا طير
دخلك يا طير يا طاير بهالوديان
ع ضيعتنا معك رح ابعت رساله
ودّيها يا طير يا ملون بألوان
تايعرفو الأهل شو صاير بحالي
وان كنت يا طير ما بتعرف العنوان
عدرب ضيعتنا بيدلّك خيالي
هونيك مطرح ما بيلعبو الصبيان
وضو القمر عتلال بيلالي
ومن حضن الموقدة عم يطلع الدخان
يفرش لحاف الدفا عجبل عالي
ولك بحّة قصب بتليّن الصوّان
عتابا وميجنا وجلسة ارتجالي
وختيار جايي من الأرض تعبان
وعجوز عالمسطبة تقطف دوالي
ونسمات الهوى بتغازل الريحان
وصبية تمرجحت تحت عرزالي
وتنور حولو تجمّعوا النسوان
وصوت بو زهرة بعتمات الليالي
بيكفي بقى يا زمن هجران
ايام ضيعتنا عنت ع بالي
ومهما بالغربة طال الزمان
بيبقى تراب الوطن يا طير غالي
دخلك يا طير يا طاير بهالوديان
ع ضيعتنا معك رح ابعت رساله
ودّيها يا طير يا ملون بألوان
تايعرفو الأهل شو صاير بحالي
وان كنت يا طير ما بتعرف العنوان
عدرب ضيعتنا بيدلّك خيالي
هونيك مطرح ما بيلعبو الصبيان
وضو القمر عتلال بيلالي
ومن حضن الموقدة عم يطلع الدخان
يفرش لحاف الدفا عجبل عالي
ولك بحّة قصب بتليّن الصوّان
عتابا وميجنا وجلسة ارتجالي
وختيار جايي من الأرض تعبان
وعجوز عالمسطبة تقطف دوالي
ونسمات الهوى بتغازل الريحان
وصبية تمرجحت تحت عرزالي
وتنور حولو تجمّعوا النسوان
وصوت بو زهرة بعتمات الليالي
بيكفي بقى يا زمن هجران
ايام ضيعتنا عنت ع بالي
ومهما بالغربة طال الزمان
بيبقى تراب الوطن يا طير غالي