في يوم عيد الحب

[عصام يوسف]

حتّى بســــــــما الإبداع تترقّوا *** كل مين ياخــــــــد بالشعر حقّو
في ناس بـيدقــــــــــّوا عالبيانو *** و في ناس عالأرغـــول بيدقّوا

لازم نْضحّي كتيـــــــر منشانو *** هيدا لّي منحسّـــــوا و مَ منلقّوا
هيدا المجد مارق على حصانو *** و خلف منّـــــــــــو كلّشي بقّوا

الشاعر إذا ما اخضـــر بستانو *** من وين باقة زهـــــــــر بتنقّوا
الشاعر بلا شـــــــــــلاّل ألوانو *** قواس القدح عالأرض ما دقّوا
الشاعر بلا عطفـــــو و تحنانو *** رغيف القصيده كيـــف منرقّوا
الشاعر إذا بيمـــــــوت وجدانو *** نجوم الســــــما عالقهر بيطقّوا

سألت الشعــر عن عدل ميزانو *** كيف البشـر عن منطقو انشقّوا
قلّي و زهــــــــر نوّار عَ لسانو *** فيه اللّي بيـنقّوا الطريق طلوع
و فيه لْ بقلـــــــــب المي بينقّو

ا