كيفو باسم بالقرادي ؟

[أبو عنتر]

قال الأول للتاني // بدي عركة حرزاني
التاني للأول قلو // عليك بباسم قباني


يا باسم من شي شهرين // طلعت من العصفورية
الدنيي بتقشعها بلونين // ومشكلتك هيي هيي

حتى تصير تملّي العين // لازم هلق يا بنيي
مع بو عنتر شي سنتين // تقضيهن بالزنزاني



أبو عنتر

[عصام يوسف]

يا بو عنتــــــر الله يعين *** باسم زايــــــد تعتيرو
عقلاتو بعـــــد التسخين *** بتشــــــر مْ نَمْناخيرو
لا بيجلّس هالمــــــسكين *** و لا بتشــــد شفاتيرو
لو يتدعوس عشر سنين *** تحت جْرين السجّاني

[عصام يوسف]

باسم قبّاني معـــــــــــجون *** لا من مي و لا من طـــين
مـــــــن مرقة تفل الزيتون *** و مــــن وبر جدوع الفلّين
حطّو في سجــــــن القابون *** بيعدي جرابيــــع التخزين
و حطّو في وادي القرعون *** بيعدي العنـــزه الجرباني

[أبو عنتر]

متل البومة هالفاتح // الله ينجّينا منو
بأخلاقو العالم زايح // بيضلو جراسو يطنو

بلا كترة فضايح // سمعنا هالقصة عنو
مشمّر عا زنودو ورايح // يتمرجل عالدبّانة


أبو عنتر

[عصام يوسف]

قصة بو عنتـــــر قصّة *** جاي عليّ يتمـــــرجل
ما بيعـــرف إنّو البَصّة *** بتشعّل تحـــت المرجل
غصّيت بباســـم غصّة *** ساعة ما لقيـتو سفرجل
تفضّل زيحو و توصّى *** بجاط فـواكي حرزاني

[باسم القباني]

أحسنت يا فاتح على ردة القرادي الأخيرة بس لمعلومك انو ختمة الحرزاني مذكورة بالشرحة يا فهيـــــــــــــــم
على كل حال انا ما رد الا على العنزة الجرباني و من بعدها مسامح بالمنتدى ما عاد ادخلو بحياتي اذا الله راد
طالما في من امثالك


و بالنسبة لأبو عنتر بحب وجهلو تحياتي لانو مأدب و خلوق ولانو لما طلب شاعر طلب باسم القباني ما طلب فاتح
بشان هيك قال [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال الأول للتاني = بدي عركة حرزاني
التاني للأول قلو = عليك بباسم قباني[/poem]

و هالقرادية مو موجهة لأبو عنتر هي القرادية موجهة لفاتح و هوي بكملها انا ماراح اكتبها كلا لنشوف ذكاه



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بيظهر يا فرخ الدلفين = بعدك منك متربي
بأيا وقت و أيا حين = بوضع عاجرحك شبي
أما العنزة يا مسكين = عنها ما بقدر خبي
لولا تسأل عنها مين = بقلك هي أ...... بتكون
المن خلفتها خجلاني[/poem]

و على فكرة لا تردلي عليها لأنو أنا مارح رد عليها و خليها نغصة بقلبك كل عمرك

[عصام يوسف]

يا باسم إذا بتــــــــرفع عريضا *** من المصنع تَ توصــــل للعريضا
ما بتلاقي عليــــها شخص وقّع *** بإسمو مْن الجماهيـــــر العريضا

إذا باسم عَ تمّو حــــروف شقّع *** و طِرش مـــــخّو بأفكارو البغيضا
أنا مش واجــــــبي ستّر و رقّع *** و لا زيد عْلا الأدب سادس فريضا

و إذا فاتح شخـص مهزوز فقّع *** قريضا تقرض الجاهــــــل قريضا
أنا الكف لْ بخـــــــد الدهر بقّع *** ما بــــــدّي حارب الناس الضعيفي
و لا ساير عالم نفوسن مريضا

[Firas H]

يعطيكن العافية

مع تحياتي الكبيرة للجميع لباسم وأبو عنتر وفاتح

مو من باب التحيز لحدا أبدا ً بس بدي قول لفاتح

إنك بآخر قصيدة عن جد كبير كبير

يا جماعة هيدا زجل والله العظيم زجل


مع التأكيد للجميع على حبي وتقديري واحترامي