مبروك للصديق شادي موسى المولود الجديد

[Firas H]

بحب من كل قلبي بارك لصديقنا الشاعر شادي موسى بقدوم المولود الجديد ............ ميـّاس

بقلو لشادي انشالله بيربى بعزّك ودلالك وانشالله تفرح فيه يا رب.

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ليل الشعر يا منبع رواقي=مهما كنت ناوي عا فراقي

الجسم والروح بالحكم المقدّر=ما بضيمن تفرّق أو تلاقي

ويا شادي شو بقول بهيك محضر=تا أوفي شخص من صفوة رفاقي

كنت في بحر آهاتي مقهقر=أسير مواج حبـّي واشتياقي

وإجيت غمرتني بإحساس أطهر=من دموع الزنابق عالسواقي

ووقت ما بفكرك تموّنت بيدر=ووقت نبتت على غصونك وراقي

كتبت عْلى وراقي شعر فوّر=تافار الكون عا فورة وراقي

وبعد ما ربنا رتـّب وقدّر=وبعتلك طفل متل الفجر ناقي

دعيتو بعظمتو بعدلو المسيطر=بدمعات الخشوع الـ بالمآقي

يا ربـّي تحفظ الطفل المنوّر=وكنلو من ظروف الدهر واقي

ودملو الأم للإحسان مصدر=باقي طول ما الإخلاص باقي

ودملو البي ساقي كل منبر=رحيق الموهبة يا خير ساقي

ويا بو ميـّاس بالشعر المجوهر=قبل ما اختم الرد بسياقي

تا يتربـّى الصبي إنت المخيـّر=وإذا عالشعر إبنك رح تربـّي

انشالله متل ما تربـّي تلاقي[/poem]

[عصام يوسف]

ما بتعرفوا إنّو الزهر لو ماس *** و زهّر قصايد في عيون الناس
بيكون ميّاس التـــقى بنهرين *** نهـر اللي بالشعر و نهـر بالكاس
قلبك يا شادي يا ســواقي عين *** فيها لعـــــــب ميّاس بالإحساس
بكرا إذا صفّى إبـــــــن سنتين *** بيروح يسهــــر مع أبو النوّاس

[جعفر حيدر]

كيف الفرح بيطلطل من بعيد
وكيف الطفولة بتخلق من المهد

والعيد هوي طفل جايي جديد
حامل بايدو العمر غيمة شهد

ومياس جايي بإيد أحلى إيد
الصابيع فيها أطهر من الزهد

بدي التهاني زفها بهالعيد
وأدعي يخليلو ولي العهد


***

ألف ألف مبروك
ويا ريتنا حدك بهالفرحة

جعفر

[شادي75]

والله ياجماعة خجلتوني وغمرتوني بلطفكن وماعدت لأعرف شو بدي قول... :p


يشكرك يافراس على اللفتة الحلوة والقصيدة الحلوة...

استاذ فاتح ...انت أكثر من رائع.....( وعميق) ..

استاذ جعفر...بليغ كما عهدناك... :beer:


شكرا لكم جميعا...

[echo]

ألف مبروك أخ شادي و عقبال ما يكبر و يربى بعزك

آسف ما بعرف أكتب شعر و زجل بس حبيت باركلك

[مروان]

[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شادي خلّف طفل جديد= وزادت زهرات بلادي
انشالله خوابي الشعر تزيد=ويطلع شاعر ياشادي[/poem]

ألف مبروك خيي شادي

مروان

[مسعود]

الف مبروك يا شادي
الله جعلو يربى على ايديك متل القصيدة يا رب

[Sageh]

[B]

لمّــا على صدٍرك خلق قوني ***** تجوهر حلا ترابك يامعروني

متــل النبـيد بـأوّل القـدّاس ***** بيســرح على أخــر الدقّوني

دخلك تكــاغيلو يـابو ميّاس ***** بشــعرك لكلّو جمــر كانوني

وبكرا أذا ماس بخصر ميّاس ****** بتميس مع خصرو المسكوني

[/B


****************************************************************

[amigo]

من القلب
الف مبروك للاخ والشاعر المليئ بالاحساس شادي موسى
رجائي من الرب أن يربى بعزك ودلالك ويحميه ويوفقه على الدوام

[انهل دبس]

مبروك ياخال ...

شاعرنا الغالي شادي ...

فـْرَحِي يا طـْيُور هالدّنيا وغـَنـّــي ــــــــ وشِـيلي من القلب غـَصَّة وعَـنـِّـة
فـََرَحنا كْـبير يا شادي بـِ مَـيّـــاس ــــــــ انشالله مْـنِفـْرَح بْجاية الكَـنـّـــــــة

الخال الغالي شادي ...
ألف ألف ألف مبروك ...
يربى بعِزّك ودلالك ...
وعا قبال فرحتو يا رب ...
وتكون بخير وصحة وعافية إنت وعائلتك ...
أنهل دبس

[adidas]

أن تأتي متأخر خير من أن لا تأتي

ألف مبروك الصديق شادي يربى بعزك و تفرح من ولاد ولادو

[محمد علوش]

الف مبروك للاخ شادي والحمد لله على سلامة المدام

[شادي75]

-----------------------------------
ايكو......
مروان.....
مسعود.......
ساجي.....
أميغو....
الخال أنهل....
أديداس.....
محمد علوش....


عن جد ياجماعة عاجز انو اكتب حتى قرادي..... :bawling:

بشكركن على عواطفكن وعقبال أفراحكن جميعا....


وناطر مياس حتى يكبر شوي وهو بيجاوبكن ... :p

بقى نطروه ..... وهو بيوفي ديونكن عند بيو.... :beer:

[Relax]

الأخ الغالي شادي
تمنياتنا للمولود الجديد بحياة ملؤها الصحة والعافية والسعادة
في كنف والديه وأن يكون من ابناء الحياة
ألف الحمدلله عا سلامتو وسلامة والدته.


مبروك
مبروك
مبروك
مبروك
مبروك
مبروك
مبروك
مبروك مبروك مبروك مبروك
مبروك مبروك مبروك
مبروك مبروك
مبروك

جورج دبس
ألمانيا

[ثناء حيدر]

الصديق شادي موسى / أبا ميّاس

بمناسبة إطلالة باكورة زواجكم المبارك / الأمور ميّاس
أتقدم لك ولحرمك المصون بأجمل التهاني القلبية
أسأل الله أن يعيش ويتربى بعزكم ودلالكم .

ألف مبروك
وأهلاً بميّاس الحلو

ثناء

ملاحظة : الغالي شادي ستكون هدية ميّاس زجلاً لكنني أتريث ريثما تنتهي زوبعة استعراض العضلات.

[مرهج]

هيو الزيت والميرون هيو -- وبعالي صيدنايا الرب حيو
ملايكة السما بخفه رشيقه -- هنهنولو ومن شمسو تفيو
نشالله تفرح الأم الرقيقه -- وتوصي بعد بكرا ع خيو
بيجوز يصير شاطر بالموسيقى -- متل بيو ويطرب أهل حيو
وتحتى يكون شاعر بالحقيقه .. انشالله مابيطلع متل بيو


مرهج

[شادي75]

خي جورج بشكرك من كل قلبي وعن جد عااااااااااااااااااااااااااااجز بهيك لحظات عن الحكي ... :bawling:


استاذة ثناء.....ناطر زجليتك بفارغ الصبر......( وعلى قولتك صاير المنتدى حلبة مصارعة حرة..).. :hahaha:

[شادي75]

هيو الزيت والميرون هيو -- وبعالي صيدنايا الرب حيو
ملايكة السما بخفه رشيقه -- هنهنولو ومن شمسو تفيو
نشالله تفرح الأم الرقيقه -- وتوصي بعد بكرا ع خيو
بيجوز يصير شاطر بالموسيقى -- متل بيو ويطرب أهل حيو
وتحتى يكون شاعر بالحقيقه .. انشالله مابيطلع متل بيو


مرهج

ميّــــاس من لحني أخــــد تعبير ......... وبملفتو نور الوحي بيفور

وتايكون متلي شاعر التصوير .......... بندر شموعي وبحرق البخور

وتايصير متلك بالمعنى كبيـــر .......... ياريت من هالموهبة ب بيـــو

.......................... بياخد ربع فنو.. وربع شعور ................