وينن أمراءالحرب!!!

[وجهة نظر]

معقول !!! فينا نقول انو صار بدنا طائف تاني تحتى نصالح الشباب بهالمنتدى؟؟ ... بس هالمرة رح يكون بين امراء الحرب الشعرية ...

يمكن بهالحرب صارت بعض التجاوزات والاخطاء بس بالنتيجة الكل أخطا تقريبا الكل تجاوز الخطوط الحمرا " تقريباً " ...

وما دامكن كلكن بتقولوا انكن بتحبوا المنتدى ..واعضاء المنتدى ...رجاء خلينا نرجع كلنا بحلونا وبمرنا ...( أو بدكن تحتى ترضوا وتتصالحوا ندخل الجيش السوري "الشباب الطيبي " مرة تانية ..وبتعرفوا شو يعني ...).

أولكن مين هالمرة رح يكون فريق 14 آذار , ومين 8 آذار ) .


" وجهة نظر "

[amigo]

ما فرقه الشعر تجمعه محبة المنتدى والكلمة والفكر
والدعوة كانت وما زالت الارتفاع عن الصغائر
وفتح صفحة جديدة مسطرّة بالمحبة والاحترام
فالكل مدعو لإظهار سمو اخلاقه وتفكيره ومحبته
فالجميع مكانته وهو من يضعها في مكانها المناسب
فما يجمعنا أكثر بكثير مما يفرقنا
بكل المودة
رامي خوري

[جعفر حيدر]

شكرا لكما
المشتى مشتانا أيضا

بكل المحبة
جعفر

[عصام يوسف]

الشعر يا ناس مش مسلخ جزارا *** و لا رشوي بالحكومه و الوزارا
الشعر شلال من قلـــــب الطبيعه *** دفق إحساس عالكـــــون بغزارا

ما بدنا بالشعر نعمــــــــل قطيعه *** و لا بدنا حـرب بشتون و هزارا
و لا نبيع الضمـــــاير و الشريعه *** و لا نتاجــــــر بسيجار الكوهيبا
يلّي انلف عا جريــــــــن العزارا

[Sageh]

قـــديش قلبي مشــتهي ســـيكار **** متل لذكرتو من أصــــل كوبي
حامل من جرين العـذارى خبـار ***** مـــدري بــــأيّا حبــر مكتوبي

وبين النعومي والنعومي يغـــار ***** عاوشوشات جروح مقطوبي
وكــل ماقلـبــو أحتــرق بالنـــار ***** يحـــلم بآخــــر صبـــر أيّوبي

ومن قبل مايوقـع رمـادو صـار ***** يتكــمش بــــأحــلام أكــذوبي
متــــــل مابيتكــــمش الختيـــار ***** بــأوّل ســـنينو لكلّها عذوبي

دخــلك ياســـيكار لألــك آثــــار ***** دعســاتها بقيت علــى دروبي
ترجع على شفافي ولو مشوار ***** ويغمـــر حنين طيوبك طيـوبي

بلكي أذا شــافك لكـــان يغــــار***** بيقــول ياشــموع الفرح دوبي
يبوّس هياكــــل معبــــد الكفّـار ***** مطـــرح ماكنتي تركعي تّـوبي
وعن صدرك يلملم قمار قمــار **** متـــل الصور بالعتم مسـحوبي
وينفّض رمـــادك عن التذكـــار ***** تايشـــم منّك عطــــر محبوبي