الحبيب مرهج ... والمشتى الحلو

[جعفر حيدر]

بمشتى الحلو ياللي صار داري
بقدم للشّبيبة إعتذاري

شعار الحب يا إنسان أضمن
من ذي قار أو ذات الصواري

***

بصب الحب ... هيكي الحب أحسن
المحبة كانت ... وبقيت شعاري

وإذ قلّ الوحي بيهيك معجن
وصار الحكي ياخيي تجاري

اضربني عاصفح خدي الأيمن
بدرلك يا أخي خدي اليساري


***

ما بدي الحقد حدّ يقول بيّن
ولا بدي نصير جيش الانكشاري

يا ريت الرّبّ هاللحظة تحيّن
ورمالي رحمتو تغطي مداري

أنت وأنا بجني غلال أثمن
ما بدنا نغير العادي لأنو
ما بيدفّي حدا توب العياري

[انهل دبس]

الغالي جعفر ...

الحبيب الغالي جعفر ...
سَعيدِة ... يا أبو أحـمد ... سَعيدِة ــــــــ وتحيّة حُب مـِ المشتى المجيدة
إنِتْ جعفر اللي عْـر ِفتـُو بزَماني ــــــــ قلبو كبير ..... وفـْكارو سَـدِيدِة

لم أنتظر طويلاً لتعود وتؤكد لي وللجميع بأنك جعفر ...
بكل الحب ...
أخوك
أبو إيفان

[جعفر حيدر]

الغالي أنهل
الحبيب ماهر

أنا ابتعدت شوية تتهدا العاصفة
ويرتاح المشتى ... والمشتى انتو علمتونا أنو مشتانا كمان

وهلق بعد ما هديت العاصفة ... بوسة مني لشوارب الشاعر الكبير / مرهج /

والشكر لرامي وايخو
كانو قد الحمل

وهلق حبيب القلب أنهل
بتسمحلي رد على محبتك بكم بوسة

بس شوف يا حبيب القلب أنا بعرف حالي ماني شاعر زجال
بس دائما بقول عن حالي أني بكتب زجل / لأنو كلمة شاعر كبيرة كتيييييييييييير
والمحاولة حق لكل واحد

ويالله هي بوستين تلاتي لشواربك ولخيي ماهر
وللمشتى

***

يا ما مشينا بالمحبة دروب
وطيّر على دروب الهوى قلبي

الغالي أنت ... مع ماهر المحبوب
فتحتو على مشتى الحلو دربي

ومن بعدها ... لو صار عمري ذنوب
وما قدرت اغفر شيئ من ذنبي

ولو راح نصو عمرنا المكتوب
ونصو التاني ... راح بالغربة

عن حب مشتى الحلو ما منتوب
شو نفعها .... شو نفع هالتوبة

المرّة بيشرب ميّة الأنبوب
بيضلّ يتذكّر هوا الدلبة


جعفر

[انهل دبس]

تحية حب ...

المشاركة الأصلية بواسطة جعفر:
يا ما مشينا بالمحبة دروب
وطيّر على دروب الهوى قلبي
الغالي أنت ... مع ماهر المحبوب
فتحتو على مشتى الحلو دربي
ومن بعدها ... لو صار عمري ذنوب
وما قدرت اغفر شيئ من ذنبي
ولو راح نصو عمرنا المكتوب
ونصو التاني ... راح بالغربة
عن حب مشتى الحلو ما منتوب
شو نفعها .... شو نفع هالتوبة
المرّة بيشرب ميّة الأنبوب
بيضلّ يتذكّر هوا الدلبة
جعفر

جعفر ..... ما بَـدَّا قِصِّتـَك تفكيـــــــر ــــــــ والشِّـعِـر ... ما بينزان بالقِـنطــار
خصوصي الزجل هُوّي صِدِق تعبير ــــــــ عاللي بيخـْطِـرلك ..... مِن ِالأفكار
بتشوف شجرة .... شُـو ثمرها كتير ــــــــ لكن بَلا طـَعْمِة ..... هاك الأثمــار
وحَبْ العنب .. لو كان حجمو زغـير ــــــــ كِرْمال طـَعْـمُو ... بياخدو الخمّار
يا عاشِق المشتى ... لـَ عِـنـّا .. طِير ــــــــ تا نشوف عِنـّا الورد صار غـْمار
بمشتى الحلو ..... إلكُنْ مَـقام كبيــر ــــــــ يمْـكِن مع الأيام ... يصْـفى مْـزار
مِنـّا إلـَكْ ..... حُـب ووَفا وتقـديـــــر ــــــــ ومِتـلـُو ... لـْ ثناء الحيدر البيطار