الشعر الحقيقي

[شفيق]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشعر سرقة من كتاب الطبيعة = الشعر أوزان وقوافي مريعة
الشعر ماس على موتور السوزوكي = الشعر جلاد بالقلعة المنيعة
الشعر سيكار من باكيت لوكي = الشعر خبط القطيشة عالقطيعة
الشعر خيطان ماراتون جوكي= الشعر دبّوس عالرقبة الوجيعة
الشعر دزّ المناخر بالبنوكي = تتربح طول عالكذبة الشنيعة
الشعر ابريق متّة عالبلوكي = الشعر مرهج على متن الفلوكي
الشعر منفاخ للنفس الوضيعة [/poem]

[mohamad kh]

بِشَرفني اشارك بالردة البسيطة!!

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يَ شِعْر الزَّجَل يَا وَاحْ البَوَادِي = رابط العالم وادِي بِوَادِي
فِكْر القَافْيِة وْهَمْسِة شُرُودِي = وْلَحْظِةْ نُور مِنْ بَعْد السَّوَادِة
بِهَالعَرْكِة أنَا مْثَبِّت وُجُودِي = وْشِعْر الزَّجَل بِعْبِدْنِي عِبَادِة
بِحَرْب الزَّجَل مَ بْشَمِّر زُنُودِي = وَلا بْعَلِّي العَصَايِة وِالأيَادِي
حَيْث الفِكِر والهَمْسِة.. جُنُودِي = وْحَيْث الحَبِك والفِكْرة.. المَبَادِي
وْحَيْث القَلَم والوَرْقَة.. بَارُودِي = فِيْهَا بْعَارك إن شَدُّو الأعَادِي
نَفْسِي دُوم عَ المَنْبَر وَدُودِي = وْحَاضِن كل شُعَّارُو بْفُؤَادِي
مْعَاهِد عَ المَحَبِّة كل عُهُودِي = وْفِيِّي الحُب بِمْضِيلي الشَّهَادِة
جُودِي يَا قَوَافِي الشِّعِر جُودِي = وْزِيدِي الحَبِك والفِكْرَة زِيَادِة
بْعَرْش الزَّجَل مَا بَعْرِف حُدُودِي = وْمَ بَعْرِف وِين عَم تِخْلَص بِلادِي
مَا غَابَت شَمْس مَرَّة عَن رُدُودِي = وْمَ طِلْع الفَجْر عَن شِعْرِي حِيَادِي
بِهَالعَرْكِة أنَا وْفَيْت بْوُعُودِي = بْدِيت الزَّجَل بِمْحَبِّة وْنَهِيتُو
مِثِل مَا كِنت يَا أحْبَاب بَادِي[/poem]