ضلي اضحكي

[شام]

يا بنت عم الشمس دخلك شو بكي
ت تبدلي ضحكة عيونك بالبكي

توب الأسى يا تقبريني مش لكي
ومش لابق لهالعنق يحني ويتكي

الله خلق للحزن غيرك بالبشر
وانتي انخلقتي للفرح ضلي اضحكي

[نواف مخائيل]

صدري أنا مخدّة إلك
حتى إذا تعبت ِعا صدري ترتكي

وتحكيلي عا آهات ألبك
وليش هيك ملبكي

وأنا رح طفّش الآهات من ألبك
وخلي إديي بإيديكي مشبّكي

و إلعن إخت هالزمان
الخلا متلك من أساها تشتكي

[شام]

وإلعن إخت هالزمان
الخلا متلك من أساها تشتكي

نوّاف بالكلمة الـ إنت دوّنتها
ظنّيت إنك بالحلى لوّنتها

ما قْدرت تتمرجل على حكم الزمان
تمرجلت ع إختو بحكي ولْعنتها

[نواف مخائيل]

حمامة سلام

وإنت تا تظهر
بمظهر حمامة سلام

وإطلع أنا إبليس
حرّفت أصدي بالكلام

مع إنو أنا أصدي نبيل
ومو لايق فيك تحكي هالكلام

[شام]

وإنت تا تظهر
بمظهر حمامة سلام

وإطلع أنا إبليس
حرّفت أصدي بالكلام

مع إنو أنا أصدي نبيل
ومو لايق فيك تحكي هالكلام

إبليس ما عملتك، ولا عملتك حمام
ولا بْقدرك ان وطّيت بعلا بالمقام
يا مخايل اللي كتبت ردّة مطحبشة
وبسعة صدرو عم يردّلك شآم

[نواف مخائيل]

شكرا

جاهل أنا بعلم الزجل
وصعب إحكي ارتجال

وأنا منك بعتزر
وآسف عا تعليقي عا كل حال

كان فكري جاملك
لكن ماتركت للمجاملة أي مجال

[عتم الليل]

توضيح

صديقي شام
أنا لا أعرفك ولا أعرفه ولكن أرى في كتاباتك طباعاً عدائية
الشعر يا صديقي يجب أن يحمل رسالة ولم يكن الشعر يوماً للاقتتال والتهجم لكن في بلادنا مع الأسف يجهلون معنى الشعر إن الشعر يترجم أسمى أحاسيس الروح وكما يقول الصديق حسن بنوت
الزجل هوهمزة الوصل بين الجسد والآلهة
ولم يعد في أيامنا للشعر قيود تقيده فقد اختلط الزجل بالفصحى بالنثر وأصبح كل ينسج على هواه بدون قوافٍ ولا أوزان
فلماذا الدخول في سجالات لا تودي إلا للمتاهات ...؟؟؟؟؟

[شام]

أرى في كتاباتك طباعاً عدائية
الشعر يا صديقي يجب أن يحمل رسالة ولم يكن الشعر يوماً للاقتتال والتهجم

شو خيي؟
عدائية؟ واقتتال؟ وتهجم؟

يا باطل..

وينن هيدول اللي عم تحكي عنهن؟

ولم يعد في أيامنا للشعر قيود تقيده فقد اختلط الزجل بالفصحى بالنثر وأصبح كل ينسج على هواه بدون قوافٍ ولا أوزان

إهه!!
هلق هيك حضرتك شايف الشعر؟



على كل حال..
أنا بهالمنتدى ما بعرف حدا.. ومش جاية هاجم حدا أو زعـّل حدا.. ولا كمان جاية جامل حدا.. ولا بدي حدا يجاملني..
ردي عليه كان مزحة.. ولا فيه عدائية ولا قتال ولا تايكواندو..

بس كتار يمكن معوّدين ع المجاملة وشو ما كتب الواحد يقولولوا حلو أو طيب.. أو يا سلام.. عني ما بعمل هيك.. ولا بدي حدا يعمل معي هيك..
من هيك.. بشوف إنو لازم الواحد يعلّي عتبة الحساسية عندو شوي.. ومش كل رد ما بيجي ع زوقو يشوفو عدائي وقتالي ومدري شو.. مو؟



ويالله.. تصبح ع خير (صار ترم نومي هلق)