و هب الهوى ... شروقي

[عصام يوسف]

مستي بْمروج الحلا
و صارت عليكي تميس
لمّا نحتّي عَ كفّي
جسمك العاجي
أبجدت فيكي السحر
و عملت أدونيس
تْطلعتي بربيعي
قصيدة حب .. وهّاجي

لمّا شفاف الحمر
تعلق عَ حب الديس
يْدق قلبي
و عَ لحنو
يدق مهباجي
إشعل و قضّي السهر
بشفايفك .. تبويس
و يشعل حلاكي .. كأنّو
جمر بهياجي

و تعلق نجوم السما
عَ شعرك دبابيس
تغرق بهاك العتم
عَ كْتاف مغناجي
و يشلح عليكي الورد
عِظمة ألف بلقيس
يضوي جبين الزهر
من ليلك الداجي

و كل ما يطل القمر
توبك بيدّو .. يقيس
تقولي .. ما بدّي بقى
لا تقصّرو .. حاجي
يقلّك قماش الندي
بينوّسك تنويس
و بفزع ما تمرق
شمس تمّوز
عا دراجي ..

[علي عامر]

الشاعر فاتح

قصيده كتير حلوه يسلمو هـ الأفكار