شعر الغزل بالمنتدى روحو غزل,,,,,,,,قوموا تنكتب بالزجل ردة غزل

[شفيق]

راجح أصيل بكلمتو ,,,وبينسما ,,,,,,,,,,,,,,,,,, شاعر بينطق شعر من تم الوما

ودفتر إياد وفكرتو بتعطي هياج,,,,,,,,,,,,,,,,,,,,,,,,,,, بتعقل الأرياح لو بحرو طما

وادونيس بشعرها والابتهاج ,,,,,,,,,,,,,,,,,,,, بتعطي صور بالشعر لعيون العمى

وحسان ساوى بمنبرو الشعري سياج,,,,,,,,,,من شان در الفكر عندو ينحما

مع مرك اللي معمر بشعرو دراج ,,,,,,,,,,,,,,,,,مع كل شاعر مغرم بجوري حما

قوموا تنكتب بالغزل أحلى فواج ,,,,,,,,,,,,,,,,,, تلعب بقلب اللي عشق لعب الدمى

وناخد صور للشمس من عين المواج,,,,,,,,,,,,,,, هيي وعم بتغفى بغيمات السما

[adwnes]

بكتب على صدر الورق ..
قصة صبية .. مرهفة ..
بكتب شعر ..
وبكتب نثر ..
وقصة قلوب عاشقة ..
قصة مع الليل الطويل ..
قصة مع الحزن الأليم ..
قصة هواي تقول ..
كنت واقفة على شباك الحياة
أنتظر ظلمة الليل ترحل ..
انتظر نور الأمل يكبر ..
أنتظر الدنيا تكون ..
حب وإحساس وشجون ..
كنت جالسة وحيدة..
فاقدة الضحكة وحيدة ..
أرتمي على صدر الهموم ..
أسمع الناس تحكي ..
عن بساتين وزهور ..
تحكي عن قلوب عاشقة ..
تحكي عن قلوب مرهفه ..
ولمعاني الحب فاهمه ..
معقول في يوم أكون ..
دنياي بستان وزهور ..
اقطف من الحب وردة
وأضوي للحب شمعه ..
قررت ادخل منتداكم
وفجأة احلى شعراء
بملقاكم

وبين يوم وبين ليلة ..
ابتدت رحلة جديدة ..
رحلة غرام ..
ودنيا جديدة ..
دنيا وردية بسيطة ..
كلها أزهار ورود ..

[شفيق]

لما نسي هاك القلم هاك الكتاب ,,,,,,,,,,,,, اللي كان حاضن علم,,فكر,,,و معرفي

دور بتاريخ الدول أربع جناب,,,,,,,,,,,,,,,,,,,,,,,,,,,,,, دور بقاموس الحروف المرهفي

ما راد يقرا و ياخد ويعطي جواب,,,,,,,,,,,,,,,,,,, من بعد ما العينين حكيت فلسفي

ولما مسكتي هالقلم عكتاب غاب,,,,,,,,,,,,,,,,,,,,,, دوب حياتو شعر وبإيدك غفي

[شفيق]

بتتفاجؤوا يا ناس من منبر شفيق,,,,,,,,,,,اللي كان متل السيف بالشعر العريق

مزبوط شعري سيف أبيض منحني,,,,,,,,,,,والسيف مهما حارب بيبقى رقيق

[مارك]

الى شفيق

طيور السما غنت عا منبر شفيق..........تاصرنا ما نعرف زفيرا من الشهيق

مهما الزمن شقق وزاد الشقيق............. يبقى منبرك اعظم متحف عتيق

ومنو ناخد الفكر السامي الرقيق.............ونبني فكر اعظم من بنى الفينيق

انت رح تبقى زهر الدنيا الطليق...............نشرب عسل منك ونجمع رحيق

اعذرلي وزني المفشكل العليق.............لانو بشاعر متل حضرتكن مابيليق

[شفيق]

إلى مارك

يا شاعر الفكرة بأفكارك غني********والكون كلو في نبوغك معتني

معليش لولا وزنك شوي انكسر******شعرك بيوزن كل أشعار الدني

[مارك]

الى شفيق

شفيق الدهر من شعرك سقانا..............وبلسم كلماتك الحلوة دوانا

مهما الدهر بشعّارو زاد و غنانا..................بلا شفيق مابيحلا لقانا

سيف و عتيق وبحدّو دمانا....................لما هوى بريق اللمعة عمانا

[adwnes]

هذه رسالة حب اسميها أزهار حب من نزيف الروح اسقيها
فجنون افكاري وكلماتي ثارت على اجفني وهجرت مآفيها
شعري هذا كانسان رفض تعليم المدارس ورما بماضيها
يمكنكم ان تسألوني عن رواد الشعر في منتداناوساميها
سأقول لست أدري ما اسميهم فأنا أريد
النقاط
والأحرف
والكلمات
والشعر
أن تسميهم
وأنا بدوري أشكرهم
تحياتي

[عمر]

يا عشاق المعنى في وطنا*************** أنا شايف الزجل مظلوم عنا
أومو تاننشر للزجل إعلان هون ********** بركي بيستفيد زجل منا

[شادي75]

عيون...

عشقت العيون العاشت بأسرارها ------- أيام عمري .... اسرارها بتذكارها

وما ضل ياهالقلب من ذكرى العيون ------ إلا الجروح ال انكوت بـ نارها ...

***************************************

قابلت شقرة مكحلين جفونها ------- كحل ليلة عتم بـ كانونها

ومن وقتها تمنيت مايطل الصباح ------ تاضل عايش بـ ليالي عيونها ..

**************************************

قالت بتطلع عالبحر شمة هوا -------- نسبح سوى تانغرق ببحر الهوى...؟

قلتلها من دون مازور البحور -------- بغرق انا ببحور عينيكي سوى...


**********************************

كيف.؟

[بشار]

رائع, شو كيف

[باسم القباني]

رب الغزل

شاعر وشعر الزجل عني ما انعزل*********** سبحان الله الغزل بدمي انغزل
بربط خمس شعار بالعركة سوا ***********كل ما بغنيلن انا ردة غزل

[شفيق]

أهلا بباسم

[the jackal]

حلوووو يا خيي شفيق حلو
من زمان و نحنا ناطرين غزل
بدنا كماااااان

[أبو نورس]

بربط بردّه 15 منتدى

ن قالوا طلبنا غزل منلبي الندا ،،،،، تا نغازل الحلوين عا أوسع مدى

شاعر أنا و عمري مع الكلمة ابتدا ،،،،، بحيّـك معاني لكل حلوة بتنهدى

و لو ما سمع بالمنتدى صوتي حدا ،،،،، يمكن بتاني منتدى يترك صدى

لكن وقت ما يولع بقلبي الغـــــزل ،،،،، بــــربــط بـــردّة 15 مـــنتدى

[باسم القباني]

بحبها و وراح ضل حبا عالهدى************ بحبها عالنبع بتلمي دلو
وبحبها عاقد ما البلبل شدى ************** و عاقد ما فيها النجوم تكللوا
وعاقد ماقد ما بالزهر منشوف الندى**************و عاقد ما الشعار فيها تغزلوا
و عاقد ما بسهر و زور المنتدى***************مسموح شوف الجسم عندا و حللوا
وممنوع اربط 15 منتدى **************** ما زال قلبي معلق بمشتى الحلو

[شفيق]

حلو يا باسم ..وحلو يا أبو نورس...

وتكرم عيونك يا jackal ..

[باسم القباني]

ردة غزل كتبتها قبل سنتين بحب قولها باهلمنتدى الحلو ولو انو مخبصة اعذرونا
مرة سوا كنا تحت هاك الغصون ********كانت حنونة و عالقلب كنت الحنون
قالت تحركش والي غمزت بالعيون******استرخت استرخا جفنها فوق العيون
قلتلها فتحي دخل الله بمون ********عاجسمك وبعرف ما بيخيبوا الظنون
عاشق انبدك كون كرمالك بكون********بدك مراهق يسلمولي هالعيون
بدك شعر مني خدي عندي فنون ********قالت الزير بحب وبحب الجنون
ودغري هجمت ليها تااوفي الديون *******ويتنقوص الحسون من اعلى الغصون
تاري البيعشق تحت غصنك يا شجر******مش متل عاشق عشق تحت الزيزفون

[باسم القباني]

اعذروني انعدت الكرة ********* بس بحبا وبجلا
بعبد كل حلوة شقرا ***********و بالسمرا ما بتسلا
وكل ما عم ضما بغمرة********* من حلاها بتحلا
ولما بتكون السمرا***********جوعانة بعونة الله
كرمالا نسورة راح صيد******** و مية نورس بدبحلا

[فؤاد يوسف]

[SIZE="6"][COLOR="Purple"] طل الربيع ولاحت غصون الغوى ...... وهجمت شهور الحر والكرم استوى

حلي زرار بلوزك الضيق حـرام ....... المسجون مش ممنوع من شم الهوى

---------------------------------

تأنّى بتكوينك إلـه الآلهى .......... وعم تعجبي من عيون فيكي تطلعوا

ما بتقدر الوردة تخبي حالها ........ ومن النظر مافي عـيون بـيشبعوا
[/COLOR][/SIZE]